Қоқысты қайта өңдеу маңызды ма? Rocket Plastic-пен сұхбат
Views: 306
Бүгінде күнде өзекті мәселелердің бірі – қоршаған ортаның әртүрлі қалдықтар мен қоқыспен ластануы. Еліміздегі де жағдай көңіл көншітпейді. Rocket Plastic компаниясы қоршаған ортаны қорғау мақсатымен қоқысты өндеп, пайдалы заттар шығаруға бел буды. Данияр Бакинов, компания қалаушысы ойларын қалай жүзеге асыратынын OLX –қа берген сұхбатында айтып берді.
Компанияның негізін қалаушы Данияр Бакинов OLX-ке берген сұхбатында қайта өңдеудің маңыздылығы туралы айтты
Данияр, қоқысты қайта өңдеу негізіндегі бизнесті бастауға не түрткі болды?
– Әлем бойынша экологтар қоршаған ортаның ластануы және оның экожүйеге кері әсері туралы мәселені көтеріп, дабыл қағып жатыр. Дәл осы сәтте, әрқайсымыз тек өз өміріміз үшін емес, сонымен қатар болашақ ұрпақ алдында және жануарлар мен өсімдіктер үшін де жауапты екенімізді ұмытпауымыз қажет.
Өкінішке қарай, Қазақстан нарығы толыққанды ашық болмағандықтан дәл сандар мен аналитика қолымызда жоқ. Жеке есептерімізге жүгінетін болсақ, Алматы қоқыс полигонынан айына 400 тонна шамасында пластик қалдықтары шығарылады, сонда жылана 5 миллион килограмм пластик шығарылады.
Таңғалдырарлық сан…
– Тамшы-тамшы көл болар демекші, кішкентай қадам жасап бастау керек. Басқалар қашан қоқыс сұрыптап бастайды, қашан экология жақсарады деп күтіп отырудың қажеті жоқ. Өзіңіз әрекеттене бастаңыз! Қоқысты сұрыптамай, бәрін бір жерге тастай берсеңіз, ақырында бәрі сол полигонға баратыны айдан анық. Оның ішінде пластик те, шыны да, металл да және тағы басқа қоқыстар бар. Олар зиянды заттар бөліп шығарады, ол табиғатты улайды, ол аздай олардың ыдырауы өте ұзақ уақытқа созылады. Тұрмыстық қоқыстар полигонға түспеуі үшін қоқысты сұрыптар арнайы қабылдау пункттеріне тапсырған дұрыс болады. Ары қарай олар қайта өңдеуге жіберіліп, сағат, гүл құмырасы және басқа интерьер бұйымдары болып өмірін жалғастырады.
Сіз қазір өндіріп жатқан осы тауарлар ма?
– Иә, сонымен қатар, біз қазір тауарларды сату үшін интернет-дүкен ашып жатырмыз. Жоспарымызда басқа eco-friendly өнім шығаратын компаниялардың тауарларын сату. Қысқасы, эко-тауар сату немесе сатып алу арқылы адамдар қоршаған ортаны сақтауға өз үлестерін қосуға мүмкіндік беру.
Пластикті қалай жинайсыз? Хабарландырулар арқылы ма?
– Ол жөн болмас, логистика үшін жанармай жағып, қоршаған ортаға зиян келтіреміз әрі шикізаттың қымбаттауына әкеліп соғады. Өндіріс көлемі шағын болғандықтан, тиімді емес. Ең дұрысы жақын жердегі пластик қалдықтарын қабылдау пунктіне өткізу.
Ондай пункттер көп пе?
– Алматы қаласында қалдықтарды бөліп жинайтын бірнеше компания бар. 2gis қосымшасын пайдалануға мүмкіндігіңіз болса, белгілі қалдықтар түрін қабылдайтын пунктті табу қиынға соқпайды. Recycle.birge, econetwork, taza_qala, tazalyk, KWR сияқты компаниялармен етене жұмыс істейміз. Сайттарында жұмыстары туралы егжей-тегжейлі жазылған. Instagram, Facebook және вконтакте әлеуметтік желілерінен де оңай таба аласыз. Қалдықтарды сұрыптасаңыз, қабылдау пунктін табу мәселе емес.
Сіз тек пластик қалдықтарын қайта өңдейсіз бе, әлде жөндеу жұмыстарымен де айналысасыз ба? Сынған ойыншықтарды дерлік.
– Өкінішке қарай, біз жөндеу жұмыстарын жасамаймыз. Алайда берер кеңесіміз бар: пластик ойыншықтарыңыз бұзылып қалса, қоқысқа тастамай, қалдықтарды бөліп жинау пунктіне тапсырыңыз. Өзіңізге қаржы үнемдемесеңіз де, айналадағы адамдарға және қоршаған ортаға зияныңыз тимейді. Бұл ең басты ынталандырушы болуы керек.
Данияр, пайдалы ақпаратпен бөліскеніңізге рақмет!
– Саналы тұтынушылық тақырыбына қызығушылық білдіргеніңізге рақмет! Бірлік түбі береке! Бірлесіп көп жетістікке жете аламыз.
Соңғы мақалалар
2019 жылғы мәліметке сүйенетін болсақ, Қазақстанда жұмыс көп болғанымен білікті мамандар жетіспейді…
OLX-те сіз браузеріңізде JavaScript өшірілген болуы мүмкін екенін хабарлайтын қатені көрген болуыңыз…
Смартфон енді адамға «тек байланыс үшін» функциясын ғана атқара алмайды. Бұл көңіл…
Егер сіз жаттығу залына бармасаңыз және жоспарыңызда арықтау болса, онда жаттығуларды үйде…
Күтім косметикасының ішінде патчтар — бұл теріні реанимациялау кезіндегі жедел жәрдем. Арнайы…