Репетиторды қалай таңдаймын?

Жеке дамуға және білімге инвестиция  ең жақсы инвестиция екені сөзсіз. Еңбегіңіз бен қаражатыңыз зая кетпесін десеңіз, сүйеніп отырған маманның біліктілігінде күмәніңіз болмауы тиіс. Балаңызға, я өзіңізге репетитор іздеп жүрген болсаңыз, осы мақаланың пайдасы болады. Репетитор таңдаудағы OLX кеңестері қаражатыңызды сақтап қалуға көмектеседі.

Сабақтың мақсатын нақты көрсетіңіз

Қойған мақсатыңыз бен сабақтан не күтетіңізді анықтап алыңыз. Балаңыздың немесе сіздің білімді арттыру үшін білікті маман тапқыңыз келсе, кемшіліктеріңіз бен мықты тұстарыңызды білуіңіз қажет. Сабақтан не күтетініңізді және қандай нәтижеге қол жеткізу көздейтініңізді бір парақ қағазға жазып алыңыз. 

Ұсыныстар жинаңыз

Академиялық мақсатыңызды анықтап алғаннан кейін, нарықты зерттеп, ізденісіңізді бастасаңыз болады. Ең дұрысы таныстарыңыздан кеңес алу. Бәлкім таныстарыңыздың бірі іздеп жүрген пән бойынша сабақ немесе етиханға дайындық курстарын алған болар. Демек, сенімді дереккөзден мұғалім туралы ақпарат алуға мүмкіндігіңіз бар. Таныстарыңыздың тәжірибесіне сүйене отырып, нарықтағы жағдайға баға бере аласыз. 

Оқу орталықтары мен репетиторлардың пікірлерін қараңыз

Репетиторлар қызметін ұсынып отырған сайттар мен білім беру орталықтары туралы ақпарат жинаңыз. Анкеталарды қарап шығыңыз, компанияның тәжірибесі мен имиджіне талдау жасаңыз, мұғалімдерді қалай іріктеу қалай жүретінін біліп алыңыз, т.б. Мұғалімдер туралы пікірлерді қарап шығыңыз, алайда оларға  100% сенім артпағаныңыз жөн, жақсы мұғалім сіздің мұқтажыңызға сай келмеуі де әбден мүмкін. Сондай-ақ жақсы пікір арасындағы  1-2 негатив пікір болып тұратынын есте сақтаңыз. 

Мақсаттарыңызға жетуде тәжірибесі бар маманды іздеңіз

Сізге керек саладағы мұғалімді іздеңіз. Сабақ бастамастан бұрын, мұғаліммен сұхбаттасасыз. Сондықтан, мұғалім қандай сала маманы, қандай оқушылармен жұмыс істегені, оқушылар нәтижесін сұрап алғаныңыз жөн. Академиялық мақсатыңызды айтпастан бұрын, осы сұрақтарға жауап алғаныңыз жөн деп санаймыз, сонда репетитор сіздің сұранысқа икемденуге мүмкіндігі болмайды. Демек, өзіңіз сияқты оқушылармен жұмыс істеген маман табу керек. 

Сынақ сабағы

Оқу процессін бақылау, яғни сынақ сабақ өткізуді сұраңыз. Көптеген орталықтар мен мұғалімдер сынақ сабақ өткізу мүмкіндігін ұсынып отыр. Сондықтан, қысылмай міндетті түрде бұл мүмкіндікті қолданғаныңыз жөн. Осылайша мұғалімнің біліктілігін көресіз және онымен жұмыс істеу қаншалықты ыңғайлы екенін түсінесіз.