Сәнді бас киімдер: 2025 жылдары сәнді бас киімді қалай таңдауға болады

Бас киім — температура нөлге түскен кезде гардеробта міндетті түрде болуы керек киім. Бас киім сіздің киім үлгіңізбен тамаша сәйкесіп, тіпті оның басты акцентіне айналуы мүмкін. Ең бастысы — сіздің сыртқы келбетіңізге сәйкес келетін сәнді бас киімдерді таңдау.

Сіз OLX платформасында сәнді бас киім дерді таңдай аласыз.

Ұзақ уақыт бойы бас киімдердің сәнінде өзгерістер болмай, соңғы жылдары жаңа форматтар белсенді түрде пайда бола бастады. Ал 2024 және 2025 жылғы қысқы маусымда кепка, «таблеткалар», теріден жасалған модельдер, бейсболкалар, береттер және тіпті кең жиекті қалпақтар сәнді бас киімдерге жататын болады.

Материалдар

Бүгінгі таңда сәнді бас киім экологияны қолдап, функционалды және әдемі болуы керек. Материалдардың ішінде қайта өңделген талшықтар немесе органикалық жүн ерекше көзге түседі. Мысалы, полиэстер және қой терісі.

Текстураларға келетін болсақ, мұнда да алуан түрлілік бар:

• орташа немесе ірі етіп тоқылған бас киімдер;
• жасанды қысқа тері;
• флис және велюр;
• кашемир және жүн.

Соңғы жылдары халық арасында «барашек» (қозы) деп аталып кеткен Teddy материалы да белсенді қолданылуда. Оны қыста бас киімдермен де сәндеуге болады.

Бейсболкалар мен кепкалар велюр мен Teddy-ден жиі жасалады. Пастелді түстердегі материал, әсіресе сүтті және қоңыр түсте болса, романтикалық көңіл күй сыйлайды. Ал капорға қосылған кашемир киімге талғампаздық әсер береді.

Түстері

Соңғы қыс мезгілдеріндегі тенденциялар әркімнің қалауын еш қиындықсыз қанағаттандырады. Түс дизайнын бірнеше санатқа бөлуге болады:

• бейтарап және пастелді түстер — сүтті, лаванда, пудра түстері осы маусымда танымал;
• әмбебап — ақ, сұр және қара түстер трендтерден ешқашан кетпейді;
• ашық акценттер — бордо, көк, изумруд, шоколад.

Градиенттер мен принттер танымал болып қала береді, дегенмен мұнда нақтылық жоқ және сіз тек өз талғамыңызға сүйенуіңіз керек.

2025 жылдардағы қысқы трендтерге классикалық бас киімдер де, эксперименттік модельдер де жатады. Сонымен осы қыста әйелдерге арналған бас киімнің қандай түрлерін сатып алуға болады:

1. Бини — классика, қысқы нұсқаларында көбінесе қайтарылатындай етіп жүннен немесе кашемирден жасалған. Ерлер мен әйелдер модельдері арасында қатты айырмашылық жоқ, негізінен тек реңктерімен ерекшеленеді.
2. Берет — күнқағары жоқ дөңгелек және жұмсақ бас киім. Ол көбінесе твидтен, фетрдан немесе жүннен жасалады. Әйелдерге арналған нұсқаларда декор страза немесе брошь түріндегі декор болуы мүмкін, ал ер адамдар мұндай шляпаларды сирек киеді, тек арт-стилистикада немесе әскери жағдайда киюі мүмкін.
3. Кепи — күнқағары бар, әскери немесе жұмыс киіміне ұқсас бас киім. Былғары мен твид жиі қолданылады. Ерлер мен әйелдер модельдерінің айырмашылығы шамалы.
4. Помпондары бар бас киім — қайтадан сәнге оралуда, ал помпон кез келген өлшемде болуы мүмкін. Тренд ретінде ірі тоқыма саналады. Ерлер мен әйелдерге арналған модельдер тек реңктерге байланысты ерекшеленуі мүмкін.
5. Таблетка бас киім — жалпақ тәжі бар аласа дөңгелек. Көбінесе оларды әйелдер жиі киеді, твид пен жүн тренд материалдарынан жасалады.
6. Үшкіл орамал немесе орамал — қыздарға қыста кашемир мен жүннен жасалған модельдер жарасады. Бірақ көше стилі үшін біз оларды бейсболкамен сәндеп киюді ұсынамыз.
7. Теріден жасалған бас киім — пішіні құлақшын немесе шеңбер тәрізді болуы мүмкін. Сіз оларды ішікпен, мамық күртешелермен және пальтолармен үйлестіріп кие аласыз.
8. Панамалар — бірнеше маусымға созылған ерекше тренд. Олар жүннен, барқыттан және жасанды теріден жасалады. Реңктердің арасында әмбебап және бейтарап түстер басым.
9. Балаклавалар — бини мен шарфты біріктіріп, басты толығымен жауып, көзге саңылау қалдырады. Жүннен, кашемирден жасалуы мүмкін. Ерлерге де, әйелдерге де жарасады.

Бұл бас киімдердің әрқайсысын әртүрлі тәсілмен киюге болады. Бинидің классикалық нұсқасын біз мамықтан жасалған күртешелермен, кепиді пальтомен, ал үшкір орамалдарды ішікпен киеміз. Дегенмен эксперимент жасаудан қорықпаңыз: заманауи сәнде үйлестіріп кие беруге болады. Мысалға, балаклавалар – бұл қысқы сәнді бас киім, олар спорттық үлгідегі мамық күртешелермен, ұзын сәнді пальтомен, сондай-ақ ішікпен тамаша үйлеседі.

Танымал бас киімді таңдау жеткіліксіз, сыртқы келбетіңізге сәйкес келетін нақты модельді таңдау маңызды. Киімдерді, бас киімдерді және зергерлік бұйымдарды іздегенде, сіз өзіңіздің дене бітіміңіз бен бойыңызды, бет пішініңізді және түр түсті ескеруіңіз керек. Ал нақты неге назар аудару керектігін әрі қарай айтып береміз.

Бет пішінін ескеріңіз

Беттің бірнеше формалары бар:

• сопақша — барлық дерлік модельдер оған сәйкес келеді, бини, кепи, капор әмбебап шешімге айналады;
• дөңгелек — қайтарылатын бас киім секілді көлемді тік модельдердің көмегімен бет пішінін визуалды түрде ұзартуға болады;
• шаршы — ірі тоқыма, помпоны бар бас киім немесе балаклаваның көмегімен келбетті жұмсартуға болады;
• жүрек тәрізді — көлемді бас киімнің көмегімен тар иек пен кең маңдайды теңестіруге болады.

Бас киімнің міндеті — сіздің бет сызықтарыңызды визуалды түрде тепе-теңдікке келтіру. Мысалы, егер сіздің бет сүйектеріңіз жалпақ болса, онда бас киім де онымен бір деңгейде болуы керек, ал одан да кеңірек болса тіптен жақсы. Ал егер маңдайыңыз кең болса, оны кішкене жиектермен немесе қайтармамен жабуға болады.

Сіздің міндетіңіз — сыртқы келбетіңізді талдау. Сол кезде береттер мен үшкір орамалдарды тамаша үйлестіріп кие аласыз.

Дене бетіміңізге қарай таңдаңыз

Бас киім — сіздің бойыңызға әсер етуі мүмкін гардеробтағы элементтердің бірі. Киімнің адамға қосымша сантиметрді көрнекі түрде қосып немесе оларды қысқартатын қабілеті бар. Егер сіз орташа бойлы болсаңыз, онда алаңдамай, кез келген модельді таңдасаңыз болады.

Егер сіз, керісінше, аласа бойлы болсаңыз, онда тым көлемді бас киімдер мен жиектері бар қалпақтардан аулақ болғаныңыз жөн. Олар үстіңгі бөлікті визуалды түрде ауырлатады. Егер сіз ұзын болсаңыз, помпоны бар немесе басқа да ұзын элементтері бар бас киім таңдағанда абай болыңыз, өйткені олар сіздің денеңізді ұзартып көрсетуі мүмкін.

Сыртқы түс түрін ұмытпаңыз

Егер сіз фасонға қатысты шешім қабылдаған болсаңыз, реңктерге көшіңіз. Сіздің сыртқы түріңіздің түс түріне сәйкес киімдерді таңдаған жөн. Сонда бүкіл палитра терінің, көздің және шаштың түсімен үйлеседі.

Түс түрін анықтау оңай: күндізгі жарық жақсы болған кезде білегіңіздегі тамырларға қараңыз. Егер олар жасылға жақын болса, онда сіздің түс түріңіз жылы, көкке жақын болса — суық. Сондай-ақ сыртқы көріністің бейтарап түрі бар, оларға реңктердің әртүрлі комбинациялары сәйкес келеді.

Сыртқы түрі суық типтегі адамдар сұр, көк, бордо бас киімдерін таңдай алады. Пастелді түстер де жақсы көрінеді. Жылы түс түрі бар адамдар сүтті, ашық сарғыш, қоңыр, қыша, зәйтүн реңктеріне назар аудару керек. Сонымен қатар, әмбебап тондар туралы ұмытпаңыз, олар бәріне қиындықсыз сәйкес келеді.

Жағдайлар мен стильді ескеріңіз

Бас киім таңдаудың соңғы қадамы — стиль мен жағдайға сәйкестік. Мысалы, қалалық кэжуал жағдайда әйелдер мен ерлерге арналған тоқылған бас киімдер, бинилерді, балаклаваларды және панамаларды таңдауға болады. Спорттық стильге балаклавалар мен кепкалар жарасады.

Классикалық стильде береттер, үшбұрыш орамалдар, капор, панамалар, «таблетка» кию әдетке айналған. Бірақ кешкі стильге әшекейленген береттер мен жиектері бар қалпақтар кисе тамаша болады.

Сонымен, әйелдерге арналған капор, кепи, береттер — осы маусымда сәнді бас киімдер түрі өте көп. Әр кезге сәйкес келетін бірнеше түрлі бас киім салып алсаңыз болады.  Таңдау кезінде материалдарды, реңктерді, трендтерді және сыртқы келбеттің ерекшеліктерін ескеріңіз.