Шаңғы костюмдарын алғанда нені ескеру қажет?

Сұр түсті қыс мезгілін түрлендіргіңіз келе ме? Онда міндетті түрде қысқы спорт түрлерімен айналысып көруіңіз керек. Таза ауа, жылдамдық, таңдай қақтыратын көріністер көңіліңізді көтеретіні анық. Сондай-ақ бұл отбасымен немесе достармен қызықты уақыт өткізудің тамаша мүмкіндігі.

Киім мен билеттердің қымбаттығы сізді қорқытпасын. Ақшаны үнемдеу жолдары әрқашан табылады.  Мысалы, жақсы күйдегі пайдаланылған жабдық сатып алуға болады.

Шаңғы киімдерін сатып алу және олардың бағалары жайлы осы мақаладан білетін боламыз.

Шаңғы костюмін таңдау әрбір шаңғышы үшін маңызды шешім. Ол қысқы спорт түрлерімен айналысу кезінде жайлылық пен қауіпсіздіктің кепілі болып табылады.

Дұрыс комбинезонды таңдау үшін мына факторларға назар аударыңыз:

Климаттық жағдайлар

Таудағы ауа райы жағдайларына байланысты сізді аяздан, желден және жаңбырдан қорғайтын комбинезонды таңдаңыз.

Өлшемі

Дұрыс өлшемді таңдау маңызды, әйтпесе тым үлкен немесе тым кішкентай комбинезон қозғалысқа кедергі келтіреді немесе жылуды жақсы ұстамайды. Сатып алмастан бұрын комбинезонды міндетті түрде киіп, оның өлшемі дұрыс екеніне көз жеткізіңіз.

Белсенділік деңгейі

Сіздің белсенділік деңгейіңізге сәйкес келетін комбинезонды таңдаңыз. Жаңадан бастаушы болсаңыз, жеңілірек костюм таңдаңыз, ал кәсіби түрде айналыссаңыз, техникалық костюмді таңдаңыз.

Жаңадан бастаушыға ыңғайлы, қолайлы әрі арзан шаңғы костюмін таңдау маңызды.

Келесі сипаттамалары бар комбинезон таңдау ұсынылады:

Жылы және ыңғайлы:

Жылылықты ұстау үшін жасанды немесе табиғи толтырғышы бар комбинезонды таңдаңыз. Комбинезон денеңізге сәйкес келетініне және қозғалысыңызды шектемейтініне көз жеткізіңіз.

Қорғаныс:

Ылғал мен желден қорғану үшін жоғары дәрежеде су өткізбейтін және ауадан қорғайтын костюмді таңдаңыз.

Қарапайым және қолайлы:

Пайдалану оңай әрі бағасы төмен болуы үшін ішкі қалталары немесе белді реттеу сияқты қосымша мүмкіндіктері аз комбинезонды таңдаңыз. Сондай-ақ ыңғайлылық пен қауіпсіздік үшін комбинезонда сыдырма мен түймелер тәрізді қажетті элементтердің болғаны дұрыс.

Тау шаңғысымен кәсіби айналысатындар шаңғы костюмінің жоғары сапасы мен өнімділігіне аса мән береді.

Жоғарыда айтылған негізгі сипаттамаларға қоса, таңдау кезінде тағы басқа да факторларды ескеру қажет:

Тыныс алатын материал

Ыңғайлылықты қамтамасыз ету және қызып кетуді болдырмау үшін кәсіби шаңғышының костюмі жоғары сапалы және ауа өткізетін болуы керек.

Ыңғайлылық

Кәсіпқойдың шаңғы костюмі қозғалуға ыңғайлы және шаңғыны басқаруды жеңілдетуі керек.

Қосымша мүмкіндіктер

Шаңғы костюмінде зат салатын ішкі қалталары, бейімделгіш ілгектер және беткейлерде ұзақ күндер бойы ыңғайлы болу үшін желдету жүйесі сияқты қосымша мүмкіндіктер болуы мүмкін.

Сонымен қатар, кәсіпқойдың шаңғы костюмі шаңғы тебу кезіндегі экстремалды шарттарға төтеп беруі үшін берік әрі төзімді материалдардан жасалуы керек.

Шаңғы костюмін таңдағанда, осы принциптерді ұстанып, жылулық, қорғаныс және жайлылық беретін комбинезон таңдау маңызды.

Көп қабаттылық

Шаңғы костюмдері әдетте үш қабаттан тұрады: сыртқы, ортаңғы және ішкі.

• Сыртқы қабаты су, жел және суықтан қорғайды, әдетте су мен жел өткізбейтін материалдардан жасалады.
• Ортаңғы қабат жылуды қамтамасыз етеді, мамық немесе экологиялық таза мақта тәрізді табиғи немесе жасанды материалдардан жасалуы мүмкін.
• Ішкі қабат тері бетінде орналасады, сәйкесінше қабыну немесе тітіркенуді болдырмау үшін ол жұмсақ әрі ыңғайлы болуы керек.

Қабаттардың саны және олардың түрлері шаңғы костюмінің бренді мен үлгісіне қарай өзгеруі мүмкін, әдетте үш қабатты костюм стандарт болып саналады.

Бағасы

OLX-те жаңа шаңғы костюмдерінің бағасы 35 000 теңгеден басталып, 175 000 теңгеге дейін жетеді, одан жоғары бағалар да болуы мүмкін. Баға сізге қажетті сипаттамалар мен өндірушінің брендіне байланысты өзгереді. Егер қалта көтеретін бағаға алғыңыз келсе, онда бұрын қолдналыған комбинезондарды қарастыруды ұсынамыз.

Балаларға арналған шаңғы костюмдерінің бағалары 2 000  теңгеден басталады

Әйелдерге арналған костюмдер 15 000 теңгеден басталса, ер адамдар үшін қымбатырақ, олар 45 000 теңгеден басталады.

Айта кететін жайт, шаңғы курткасын, шалбарды немесе басқа жабдықтарды бөлек сатып алуға болады. Бұл одан да арзанға шығуы мүмкін. Мәселен, әйелдерге арналған шалбарды небәрі 3500 теңгеден бастап алуға болады.

Пайдаланылған тау шаңғы костюмін сатып алу кезінде келесі заттарға көңіл бөліңіз:

1. Материалдардың жағдайы: костюмнің тозған, жыртық, шытынаған немесе басқа да зақымдарының бар-жоғын тексеріңіз, болған жағдайда костюм су мен жел өткізуі мүмкін.
2. Пайдалануға ыңғайлы: костюмді киіп-шешу оңай ма, оны кигенде ыңғайлы сезінесіз бе, осы сұрақтарға жауап беріңіз.
3. Өлшемі: костюм өлшемі сіздің өлшемдеріңізге сәйкес келіп-келмейтінін тексеріңіз. Сатып алмас бұрын сатушыдан сұрап, мүмкін болса киіп көріңіз.
4. Технология: костюмнің желдету, температураны реттеу жүйесі немесе басқа да мүмкіндіктерінің бар-жоғын тексеріңіз, олар сізге керек болуы мүмкін.
5. Бағасы: пайдаланылған костюмнің бағасын ескеріп, оны жаңа костюмнің  бағасымен салыстырыңыз

Шаңғы костюмдерін таңдау уақытыңыз бен көңіл бөлуіңізді талап етеді. Сізге дәл сай келетін комбинезонды табу үшін қажеттіліктеріңіз бен қалауларыңызды ескеріңіз.