Стильді және арзан жөндеу жұмыстарын қалай жасауға болатыны жөнінде 7 кеңес

«Жөндеу жұмыстары» деген сөзден-ақ көптеген адамдардың денесі түршігеді, өйткені бұл толық қайтарымды, уақытты, күш-жігерді, жүйкені және қаржыны қажет ететін процесс. Егер сіз дайындыққа мұқият көңіл аударсаңыз – барлық жұмыс процестерін жоспарлап, егжей-тегжейлерді зерттесеңіз, негізі, бәрі соншалықты қорқынышты және қиын емес. Бюджеттік, әрі стильді жөндеу жұмыстарын жасау мүмкін екендігіне әлі де күмәнданасыз ба?

 Алдымен сіз өз үйіңіздің стилі туралы шешім қабылдауыңыз керек, соған сүйене отырып, сіз бүкіл жөндеу жұмыстарын жоспарлауға кірісе аласыз. Арзан жөндеу жұмыстарын жүргізуге барлық стилистикалық бағыттардың сай келе бермейтінін есте ұстаған жөн. Ең оңтайлысы – минималистік және заманауи интерьерді таңдау. Мысалы, скандинавиялық стиль немесе лофт керемет нұсқалар болуы мүмкін.

Бөлме төбелерін тиіспеңіз!

Төбені әрлеудің бюджеттік қана емес, сонымен қатар, сапалы, тиімді тәсілі оны өзгеріссіз, бастапқы күйінде сақтау болып табылады. Егер сіз қалыптың іздері бар бетон бетін көргіңіз келмесе, онда ең кең таралған ақ бояуды қолдануға немесе керме төбелер жасатуға болады.

Түстермен ойнаудан қорықпаңыз.

Көптеген адамдар арзан және стильді болу үшін, интерьерде тек қана жеңіл реңктер, тондар, көбінесе іш пыстыратын ақшыл сары және ақ түстер басым болуы керек деп санайды. Алайда, бұл шындықтан алыс: керісінше, егер сіз тәжірибе жасап, қанықтық пен контрастты қосуға тырыссаңыз, бұл бөлмеңізді ерекше ете түседі. Бұл қою реңкке боялған қабырғаның кішкене бөлігі болуы мүмкін немесе қарапайым еденде керемет көрінетін жарқын кілемше де бола алады. 

Функционалды жиһаз сатып алған жөн.

Бұл сіздің бюджетті айтарлықтай үнемдеуге ғана емес, сонымен қатар сәнді үйдегі маңызды элемент болып саналатын қосымша орын босатуға мүмкіндік береді. Сәндік элементтер мен қымбат жиһаз материалдарының шамадан тыс көптігі тек арзаншылықты көрсетеді. Сондықтан интерьер заттары мен жиһаздарын сатып алу кезінде «функционалды және қарапайым, бірақ талғампаз» позициясын ұстаныңыз. 

Құрылыс командасы.

Таныстарыңыз ұсынатын сенімді адамдармен жұмыс істеңіз. Арзан баға сұраған бригаданы таңдасаңыз, шығыныңыз екі есе болуы әбден мүмкін. Қымбат құрылыс материалдары зая кетіп, жаңа материал алып, жаңа бригада жалдау керек болуы мүмкін. Сондықтан құрылыс командасын таңдағанда аса мұқият болыңыз. 

Еден жабындарын үнемдемеңіз.

Еденді әрлеуге арналған материалдар жоғары сапалы болуы керек. Әйтпесе, арзан ламинат немесе паркет ылғалдың әсерінен уақыт өте келе нашарлай бастайды. Керамикалық плитка да жақсы балама. 1 ш/м құны 5 000 теңгеден басталады.

Есіктер мен жиһаздарды қайта жөндеу.

Егер сіз жаңа есіктер мен дизайнерлік жиһаздарды сатып алуға көп ақша жұмсағыңыз келмесе, онда ескі жиһазға жаңа дем бере аласыз. Арнайы бояу сатып алып, есіктердің түсін ауыстыра аласыз. Ең бастысы- уақыт өте келе түсіп кетпейтін дұрыс бояуды таңдау. Жақсы есікті бояудың құны литріне 2500 теңгеден басталады. Есікті бояу үшін сізге бір банка жеткілікті болады. Дивандардың матасын өзгертіп, оларды жаңартып алуға болады. Ал, басыңызды мүлдем қатырғыңыз келмесе, жұмсақ жиһазға арналған дайын қаптамалар сатылады. Мұндай қаптамалар мөлшеріне байланысты бағасы  15 000 мың теңгеден басталады . Ал диванның матасын ауыстыру 30 000 теңгеден басталады. 

OLX веб-сайтының Құрылыс бөлімінен басқа да көп мақалалар мен пайдалы лайфхактарды таба аласыз. Біздің команда үй салу, жөндеу жұмыстарын жүргізу, декор таңдау және тағы басқа кеңестермен бөліседі. Ең бастысы, эксперимент жасаудан қорықпаңыз және сәнді дегеніміз қымбат дегенді білдірмейтінін ұмытпаңыз! 🙂