Терезелерді қысқа қалай жылытуға болады?

Үйде 3 қабат киініп жүрсеңіз де, желдің соққанын сезінесіз бе? Онда терезеңізде тесіктер мен жарықтар болуы мүмкін. Бүгін терезені жылыту дегеніміз не және оны қалай жасауға болатынын айтамыз.

Терезелерді жылыту — жеңіл, бірақ көбіне қажетті процедура. Бұл пәтеріңізді жылы ұстаудың және коммуналдық төлемдерді азайтудың оңай жолы. Сонымен, суық ауаны өткізбеудің бірнеше тиімді әдістері бар, оларды қолданып үйде қалаған киіміңізді киіп жүре аласыз.

Ағаш терезені қалай жылытуға болады?

Кеңес уақытының ескі ағаш терезелері қазір сирек кездеседі. Алайда ондай терезелерден жел қатты соғады. Ең басты себебі оның бітеу болмауы. Ағаш профилі жұқарып, тесіктер пайда болады. Терезе салқындап, конденсат шыға бастайды. Сосын ылғалдығы артып, терезе алдында су мен мұз пайда болғанын байқайсыз.

Кеңес заманының ағаш терезелерін жөндеп, мәселені шешуге болады. Дегенмен суық басталып, үлкен өзгерістерге қаржыңыз жетпесе не істеген жөн? Қыс мезгіліне терезені жылытуды ұсынамыз.

Терезені жылытудың бірнеше қолжетімді әдістері:

Сылама

Түйіскен жерлерді пластилинге ұқсас сыламамен сылайды. Сыламаның консистенциясы сәл қаттырақ. Сондай-ақ, әйнектің терезе жақтауына тірелген жерлерін де сылаған жөн. Бұл әдісті ата-әжелеріміз қолданған. Ол қолжетімді және әлі де өзекті. Дегенмен, мұндай терезелер эстетикалық тұрғыдан әдемі көрінбейді.

Жеке үйдің терезелерін жылытудың арзан тәсілдерінің бірі терезе скотчын қолдану.

Скотч жел соғысын уақытша бөгейді, бірақ скотч жақтаудың бояуын құртып, оның тез құртылуына себеп болады. Сылама мен скотчты жыл сайын жаңартып тұру керек, сондай-ақ желдету үшін терезені аша алмайсыз. Яғни, бұл әдістің үлкен кемшілігі осы.

Жабысатын тығыздағыш

Дұрыс жабыстырылған тығыздағыш ең кемінде 3 жыл тұрады. Ағаш терезелерді жылытудың бұл әдісі сенімдірек және терезені ашуға мүмкіндік береді.

Жылытпас бұрын бетін сабын ерітіндісімен жуып, спиртпен майсыздандыру керек.

Тағы бір шешімнің бірі терезелерді толықтай жаңасына, яғни екі немесе тіпті үш қабатты әйнектен тұратын жаңаларына ауыстыру болып табылады. Мұндай процедураның бағасы қалтаға ауыр болуы мүмкін. Дегенмен терезелеріңіз жөндеуге келмейтіндей тозған болса, онда осы шешімді қолдануға болады.

Бюджеттік нұсқаға қолда бар құралдармен бітеу кіреді.

Металл-пластикалық терезелерді қалай жылытуға болады?

Металл-пластикалық терезелер ескі ағаш терезелермен салыстырғанда жылытуды қажет етпейтін сияқты болып көрінеді. Сапалы жасалып, дұрыс орнатылған терезелер 10 жылдан астам уақыт еш жөндеуді қажет етпейді. Бірақ бұл жағдайда да желдің соғуы әбден мүмкін. Түрлі себептері бар: өндірушінің нашар жұмысы, дұрыс орнатылмауы, сапасыз профиль, дұрыс пайдаланбау немесе жаңа үйдің шөгуі.

Пластикалық терезелерді қалай жылытуға болатынын көрейік.

Терезелерді дұрыс жылытып, тесіктері мен ойықтарын бекіту үшін суық желдің қайдан соғып тұрғанын анықтауыңыз керек. Ол

— тығыздағыш;

— терезе алды тақтайы мен жақтаулары;

— монтаждау көбігі;

— саңылауларға қарсы шыныпакеттен кіруі мүмкін.

Қолыңызды конструкция үстімен жүргізіп шығыңыз, желдің қайдан соққанын байқайсыз.

Жел соғатын жерді бірден таба алмасаңыз, майшам немесе сіріңкені қауіпсіз қашықтықта жақындатыңыз. Оттың бағыты өзгере ме? Іздегеніңізді таптыңыз, құттықтаймыз.

Қандай жағдайларда пластикалық терезелерді өз бетінше жылытуға болады, қашан мамандарға жүгінген жөн?

Маманды келесі жағдайларда шақырған жөн:

Кепілдік мерзімі өтпеген. Бұл жағдайда компания өздері қателіктерін жоюы керек.
Пәтер 3-қабаттан жоғары орналасқан. Жазатайым оқиғалар болмас үшін регламент бойынша мамандарды шақыру талап етіледі.
Зауыттық тығыздауыш жарылып кетті. Бұл жағдайда маман ғана терезеге сай келетін бөлікті таңдап береді. Компанияның қателігі анықталса, шығынның орнын толтыру керек. Ақаулар арнайы лабораторияда анықталады.
Суық ауаның неліктен соғатынын анықтай алмадыңыз.
Ұсыныс ағаш және пластикалық терезелердегі ақауларды жоюға жарамды. Жеке үйіңіз 2 қабаттан биік болмаса өз бетіңізше жылыта аласыз.

Терезелерді жылыту нұсқалары:

Заманауи құрылыс материалдары тесіктер мен жарықтарды тығыз бітеуге көмектеседі. Желдің соғатын жерін тапқаннан кейін, ішкі немесе сыртқы жұмыс қажет екенін түсінесіз. Осыған байланысты келесі материалдар қажет болады: пенопласт, минералды мақта, тығыздағыштар, монтажды көбік және арнайы «жылы» қоспалар.

Жылытудың оңай әрі қолжетімді әдісі:

Терезенің ішкі және сыртқы жағын жуып шығыңыз. Жуу үшін арнайы құрал қолданыңыз, олардың құрамына этил және мүсәтір спирті кіреді.
Жылу үнемдейтін пленка үйдегі жылу шығынын екі есе азайтады. Оны терезеге мұқият жабыстырыңыз.
Енді энергия үнемдейтін шыныпакетті орнатуға болады.
Алтықырлы кілт терезе жақтауын реттеуге көмектеседі. Құралдың көмегімен бекіткішті қатайтыңыз.
Резеңке тығыздауыш иілгіштігін жоғалтуы мүмкін, бұл терезе бітеулігіне теріс әсер етеді. Микросызат пайда болған жағдайда оны толықтай ауыстыру керек.
Терезені жылытудың тағы бір жолы – монтаж көбігін пайдалану. Көбік терезенің алдындағы тақтай мен жақтаулардың немесе тікжақтау мен терезенің арасындағы тесіктерді бітейді.

Үйдің қасбетіндегі терезелерді жақтау қосымша жылу оқшаулауын қамтамасыз ете алады. Бұл әдіс тек іштен ғана емес, сырттан да жылытқысы келетіндер үшін қолайлы.

Төменнен пластикалық терезелерді сыртынан қалай жылыту керектігін қарастырамыз.

Әуелі артық монтаж көбігін алып тастаймыз және төсеме бояумен үстінен жүргіземіз.
Жылытқышты қажетті өлшемдерге кесіп, бетіне жабыстырамыз. Сондай-ақ, беріктік үшін саңырауқұлақ пішініндегі бұрандалары бар дюбельдермен бекітуге болады.
Тікжақтауларды сыртынан жылытқаннан кейін, желім жағып, үстіне шыныталшықтардан тұратын торды орналастырамыз. Желім кішкене кепкеннен кейін, екінші қабатты жағып, қалақпен тегістейміз.
Желім кебісімен сулы эмульсия бояуын жағамыз.
Сонымен қатар үйдің қасбетіндегі терезелерді пенопластпен жақтауға болады.

Панорамалы балконды қалай жылытуға болады?

Панорамалы балкон әдемі екені сөзсіз. Алайда оның үлкен әйнектелген аймақ екенін ұмытпау керек. Сондықтан жайсыздықтар мен суық желдер болуы мүмкін. Шыныпакетті орнатпас бұрын жылылық жайлы ойланған жөн. Балкондарды әйнектеудің екі жолы бар: суық және жылы. Суық көбірек жарық өткізеді, бөлмені жарықтандырады. Жылы түрі тығыздау, сондықтан жарық оңайлықпен өтпейді. Суық әйнектеуді таңдасаңыз да, пәтердің салқындамауы үшін қабырғаның жылуға төзімділігі жайлы ойланған дұрыс. Ол үшін:

— қабырғаларды 5-сантиметрлік пенополистиролмен қаптау;

— есікті ауыстыру;

— ойыққа екі камералы шыныпакеті бар жақтауды салыңыз.

Жылы әйнектеу кезінде екі жайтты ескеру керек.

Терезе тым ауыр болмауы керек. Балкон плитасы артық жүктемеге арналмаған. Тағы бір маңызды жайт: шыныпакеттің ыстыққа төзімділігі 0,8 м²*C / Вт-тан кем болмауы керек.

Витражды терезелерді қалай жылытуға болады

Витражды терезелермен жағдай да ұқсас.. Үлкен әйнек қыста суыққа себеп болады. Жазда бөлменің тым ысып кету ықтималы бар. Оларды болдырмас үшін:

— көп камералы шыныпакеттер;

— жоғарыдағы нұсқаны жылытқышы бар терезелермен алмастыру;

— ауа, май және басқа электр жылытқыштар;

— жылы едендер;

— қосымша жылыту батареялары;

— кірістірілген конвекторлар.

Сәл ғана күмәніңіз болған жағдайда, терезелерді ауыстыруды және жөндеуді мамандарға тапсыруды ұсынамыз. Қатаң ережелерді сақтауды талап ететін нәрсені өз бетімен жасауға тырыспаңыз. Сізге көмегіміз тиді деп үміттенеміз және өзіңізге қолайлы жылыту нұсқаларын тапқаныңызға сенімдіміз.

Оценка материала: