Тырнақ шебері атану: курсты таңдағанда неге назар аударған жөн

Қазіргі уақытта тырнақты әрлеу курстарының танымалдығы артты. Маникюр үйрену арқылы тырнақ шебері атануға болады. Сұлулық индустриясы маникюр курстары сияқты ұсыныстарға толып жатыр. Маникюр мен педикюр – ең көп сұранысқа ие сұлулық процедураларының бірі. Курсты таңдау кезінде неге назар аударған жөн? Жаңа табысты кәсіпті қалай тез және тиімді меңгеруге болады? Осы мәселелерді бірге қарастырайық 🙂

Маникюр шеберінің сертификаты сізге сұлулық саласында кәсіби жолыңызды бастауға ресми құқық береді. “Маникюр және педикюр шебері” курсынан қажетті дағдыларды дамыту үшін негізгі білім мен тәжірибе аласыз. Шеберлерге ұсақ моториканы дамытып, қозғалыстарды жақсы үйлестіру маңызды. Оған қоса келесі қасиеттердің де болғаны жөн:

• табандылық, шыдамдылық – көп еңбекті талап ететін жұмысты орындауға ынта және қабілет;
• ашық болу – клиенттермен, әртүрлі адамдармен ортақ тіл таба білу;
• клиенттің жайлылығы мен қауіпсіздігі бірінші орында болуы керек.

Тырнақ шебері курстарының бағасы курстың ерекшеліктеріне, ұзақтығына және оқу орталығының орналасқан жеріне байланысты өзгереді. Маникюр курстарынан маникюр жасауды басынан бастап үйренуге болады, олардың ұзақтығы 1-2 айдан аспайды және бағасы 25 мың теңгеден жоғары болуы мүмкін. Біріктірілген және бөлек оқыту пакеттері бар:

– қырлы маникюр;

– аппараттық маникюр;

– гельді лакпен жабу;

– тырнақты ұзарту;

– тырнақ дизайны және т.б.

Бұл кәсіптің негізін үйренсеңіз болғаны, әрі қарай дағдыларыңызды үнемі жетілдіріп отырасыз. Жаңа үрдістер, трендтер, маникюр жасаудың жетілдірілген әдістері және т.б. әрқашан шығып отырады. Теорияға емес, көбіне практикаға көңіл бөлетін курстарды сатып алуды ұсынамыз. Нарықта танымал және салада тәжірибесі мол ұстаздарды таңдаңыз.

Тырнақ шеберінің курсынан өту жеткілікті емес. Білім мен дағдылардан басқа, жаңа шебер үшін жұмысқа арналған жабдықтар және арнайы құралдардың болуы маңызды.

Маникюр жиынтықтары:

негізі және топ – 5 мың теңгеден;

гельді лак – 5 мың теңгеден;

маникюр аппараты және кептіруге арналған шам – 20 мың теңгеден;

бояуды кетіретін сұйықтықтар – 2 мың теңгеден;

жапсырмалы моншақтар, дизайнерлік жапсырмалар – 1 мың теңгеден;

түксіз майлықтар – 1 мың теңгеден;

маникюр үстелі – 8 мың теңгеден.

Барлық қажетті құралдарды сатып алу орта есеппен 70-80 мың теңгеге шығады. OLX хабарландыру қызметінен сұлулық салондарына арналған құралдарды табуға болады:)

Тырнақ шеберінің курсын оқу кейінірек шығынын 100%-ға ақтап шығады. Бір маникюрдің өзіндік құны шамамен 300–600 теңгені құрайды, сұлулық салондарында маникюр бағасы орташа есеппен қазір 4–6 мың теңге. Маусымға, қаржылық жағдайға және т.б. жайттарға қарамастан маникюр әрқашан сұранысқа ие болғандықтан, қызметтің бұл түрі тиімді болып саналады. Дағдыларыңыз бен біліктіліктеріңізді үнемі дамытып отырыңыз: кәсіби мүмкіндіктеріңіз бен клиенттеріңіздің адалдығы өскен сайын, сіздің қоятын бағаңыз да артады, жалақыңыз өседі. Бұл салада кәсіби даму үшін өзіңізді сарапшы ретінде танытып, түрлі тырнақ шеберлерінің жарыстарына қатыса аласыз, журналдарда мақала жариялауға, өз студияңызды ашып, сабақ беруге болады.