Үй жануарларына жаңа баспана қалай табамын?

Балалы болдыңыз, әлде отбасы мүшесінің бірінде аллергия пайда болды ма немесе көшіп бара жатырсыз ба? Кейде әртүрлі себептермен үй жануарларын үйде ұстай алмаймыз. Жалғыз шешім сүйіктілеріңізге жаңа баспана табу. 

• OLX хабарландырулары 
• Жануарларға көмектесетін жергілікті баспаналар мен еріктілер 
• Достар мен көршілер көмегімен 
• әлеуметтік желілер мен жануарларға баспана іздеу топтарында. 

1. Камера немесе телефонға жақсы жарықта сурет түсіріңіз. Сурет арқылы жануардың мінезін көрсетуге тырысыңыз.
2. Сипаттама жазыңыз. Үй жануарлары толыққанды үй мүшесі ретінде қабылданады, сондықтан жануар мен адам арасында сәйкестік болуы қажет. Біріне белсенді әрі ойыншыл иттер мен мысықтар ұнаса, өзгелер керісінше сабырлы әрі тыныш болғанын қалайды. Хабарландыруда жануарыңыздың мінезі мен әдеттерін және сүйіп жейтін тамағы туралы жазып кетіңіз. 
3. Тұқымы, жасы, дерттері және ветеринарлық картасы туралы ақпарат беріңіз. Жануарыңыз керекті екпелерді қабылдаған болса, оны қуана үйге алады. 
4. Жануарыңызға не себепті жаңа баспана іздеп жүргеніңізді түсіндіріңіз. 
5. Жануарыңыз үшін жаңа баспана иелерін қандай болуы керектігін атап өтіңіз. 

Сұрақтар:

1.  Бұрын жануар иеленіп көрдіңіз бе? 

«Иә, болған еді, бірақ қартайған шағында бақилық болды» деген мінсіз жауап болап еді. Ал егер жануарды көлік қағып кеткен болса немесе иесі тарапынан күтім жетіспей ауырған болса, не баспаға өткізіп тастаған болса, ойланып қалаларлық жәйт. 

• Үйде жануарлар бар ма?

Үй жануарлары бар болса, адам жануарларды сүйетінін және оларға қамқор бола алатынына меңзейді. Иті болса, оның басқа иттермен немесе мысықтармен қарым-қатынасын білу. Үй жануарларына екпелер жасалған ба, ауырады ма, ұрықсыздандырған ба, осыны бәрін алдын ала біліп алғаныңыз жөн. 

• Қайда тұрасыз? 

Үй жануарының болашақ иесі қайда тұратыны маңызды. Сіздің жануарға орын жеткілікті болады ма? Жер үй ме, пәтер ме? Бақшасы бар ма? Ит алатын болса, онымен қайда және қанша уақыт серуенге шығады? 

• Жануардың саулығы туралы ақпарат бересіз бе? 

Қазақстан аумағында ит етін тамаққа қолдану туралы ешқандай заң жоқ. Сондықтан жануар қорғаушылары сөзіне сенетін болсақ, кей жағдайларда адамдар иттерді баспанадан “еті” үшін алады. 

Сақ болғаныңыз жөн. Арасында жануарыңыздың суретін жіберуді сұраңыз, мүмкіндік болса, жануардың қал-жағдайын білу үшін жаңа баспанасына  барып тұрыңыз. 

• Мекен-жайыңызды тексеруге рұқсат бересіз бе? 

Жануарлар баспанасы еріктілері және жануар қожайындары, жаңа жануар иесі берген мекен-жайды тексереді. Сондай-ақ, жануардың күйін білу үшін бір-екі апта ішінде барып тексереді. Алайда, тексеруге жалғыз бармаңыз, қасыңызда біреу болғаны абзал. 

• Жаңа қожайынның бала-шағасы бар ма, жастары нешеде, жануарлармен қарым-қатынасы қандай? 
• Ит немесе мысық үйде қанша уақытқа дейін жалғыз қалатын болады? 
• Жануарды өздеріне алмақшы ма, әлде сыйлық ретінде біреуге береді ма? 
• Жануар ауырып қалса не істемек ойлары бар? 

Осы материал сізге көмегін тигізеді деп үміттенеміз. Үй жануарына жаңа баспана тез табылсын!