Үйге кондиционер таңдаудың 5 ережесі

Жаз келісімен адамдар кондиционер сатып алу туралы ойлана бастайды. Мұндай аптап ыстықта кондиционерсіз өте қиын. Кондиционер тек жазда ғана емес, қыста да пайдалы болатынын бәрі біле бермейді және оны суықта, жазды күтпей-ақ, мәселен, күзде орнатқан дұрыс. Нарықта түрлі өндірушілердің түрлі брендтері мен үлгілері ұсынылған, олардың арасынан қайсысын таңдаған жөн?

Үйіңізді салқындату үшін кондиционер таңдау кезінде тұрғын үйге орнатылмайтын түрлері бар екенін ұмытпаңыз. Үйге арнап қандай кондиционер алуға болатынын қарастырайық:

• Қабырғалық сплит-жүйе – үйлерімізде жиі кездесетін, үйреншікті, кондиционерлердің ең көп тараған түрі. Үйдің ішіне орнатылатын ішкі қабырға блогынан, сондай-ақ ғимараттың сыртында орнатылатын сыртқы блоктан тұрады. Кондиционердің бұл түрі ішкі және сыртқы блоктар арасындағы фреон айналымының арқасында ауа жақсы деңгейде сүзіледі. Оның салқындату және жылыту функциялары бар, тағы бір артықшылығы – жұмыс кезінде өте аз шу шығарады. Кемшіліктері: бөлмелерді біркелкі салқындатпайды/жылытпайды. Қабырғалық сплит-жүйелердің Қазақстан бойынша орташа бағасы 100-200 мың теңгені құрайды. Көпқабатты тұрғын үйлер үшін қолайлы.
• Кассеталық кондиционерлер 50 шаршы метр немесе одан да үлкен мекемелерге арналған. Олар кеңістікті біркелкі, жылдам салқындатады немесе жылытады. Кассеталық кондиционерлер үлкен үйлерге, коттедждерге, қонақүйлерге, сауда орталықтарына және т.б. жарамды. Кемшіліктері – бағасының қымбат болуы және орнатуы қиын. Орташа бағасы 500-700 мың теңге.
• Жылжымалы кондиционерді өзіміз орнатсақ болады, дөңгелектері бар, еденде жылжытуға болатын құрылғы. Бөлмені салқындатудың бұл түрі 20-30 шаршы метрден аспайтын бөлмеге арналған. Бөлме ішіндегі жылы ауа құбыр (гофр) арқылы терезе, балкон немесе қабырғадағы арнайы тесіктен шығып кетеді. Артықшылықтары: жылжытуға болады, орнату үшін ақша төлеудің қажеті жоқ. Кемшіліктері: қуаты төмен, қатты  шу шығаруы мүмкін. Жылжымалы кондиционерлердің орташа құны 70-150 мың теңге. Жазғы үйлер мен саяжайлар үшін сатып алған дұрыс.

Кондиционер тиімділігінің негізгі көрсеткіші – қуаты. Ол құрылғының жұмыс сапасын қамтамасыз етеді, оның арқасында қажетті температура режимін таңдауға болады. Кондиционер таңдаудағы негізгі ереже: бөлме неғұрлым үлкен болса, соғұрлым көп қуатты кондиционер керек. Сондықтан, бөлменің сипаттамаларын, яғни көлемін, төбенің биіктігін ескеріңіз. Әрбір 10 шаршы метрді салқындату үшін қуаты 1 кВт болатын кондиционер қажет. Пәтердегі бөлме үшін қуаты 3-4 кВт болатын кондиционерді таңдаған дұрыс. Бөлменің орналасуы да маңызды, мысалы, егер бөлме күн жаққа қараса, әрқашан ыстық болады, сәйкесінше қуаты көп салқындату жүйесін таңдаған жөн.

Кондиционер таңдаудағы тағы бір критерий – қажетті функциялардың болуы. Бағалар мен орнатудың күрделілігін ескере отырып, әртүрлі жағдайларға қажетті режимдері бар жабдықты алуды ұсынамыз:

– Жылыту: сыртта температура нөлден төмен, үйде әлі жылыту болмаған жағдайлар үшін. Сплит-жүйелердің көбі -10°C дейінгі суықтықта жылыта алады. Температура қатты төмендеген жағдайда, сыртқы блокты мұз басып қалу қаупі бар. Дегенмен, әлдеқайда қуатты кондиционерлер -25 ° C температурада жұмыс істей алады.

– Құрғақ: көптеген үлгілерде бұл функция стандартталған. Құрғату арқылы зеңнің пайда болу, таралу қаупі азаяды.

– Желдету бөлме ішіндегі ауа айналымы үшін маңызды, ол кеңістікті біркелкі салқындату/жылытуға мүмкіндік береді.

– Ауаны тазарту: кондиционерлердің көпшілігінде болады, шаңды болдырмау үшін маңызды. Қаралап тазарту сүзгілерін бірнеше ай сайын кем дегенде 1-2 рет шығарып, жуу маңызды. Сондай-ақ, кондиционердің жұқа ауа бөлшектерін, мысалы иісті соратын ақтап тазарту сүзгілері болады. Мұндай сүзгілерді тазалау жеткіліксіз, оларды 2-3 ай сайын ауыстыру қажет, әйтпесе кондиционер жұмыс істеген кезде жағымсыз иіс шығады.

– Осы негізгі функциялардан басқа, салқындату жүйесінің бірнеше режимі болуы мүмкін; ұйқы режимі, турбо режимі, өзін-өзі диагностикалау, ауа ағынын реттеу, сымсыз интернет және т.б. Сплит-жүйенің функциялары неғұрлым көп болса, оның бағасы соғұрлым жоғары.

Үй үшін аз дыбыс шығаратын құрылғы таңдаған дұрыс. Ең тыныш кондиционерлердің көрсеткіштері 20-25 децибелді құрайды. Кондиционерлер арасынан ең жақсы нұсқасы – қабырғалық сплит-жүйе болып табылады.

Кез келген техниканың энергия тұтыну көрсеткіші бар, соған байланысты түрлі кластарға бөлінеді: А-дан G-ға дейін. А-класы – энергия тиімділігі жоғары, G-класы – төмен. Электр қуатын үнемдеп, шығынды азайтқыңыз келсе, «A+++» көрсеткіштері бар үлгілерді сатып алу ұсынылады. Мұндай құрылғылар орташа есеппен 500–600 ватт тұтынады, ал «A ++» класының үлгілері 700–800 ватт тұтынады. Жоғары класс үлгілері әлдеқайда қымбат екенін есте ұстаған жөн, ең оңтайлы, қалта көтеретін нұсқасы – «A ++» үлгісі.

OLX кондиционерді шыжыған жазда емес, ертерек алуыңызға кеңес береді, өйткені сплит-жүйелерді қыста немесе күзде орнатқан дұрыс. Кондиционерден үнемдегіңіз келе ме? Онда функциялар саны ең аз жабдықты сатып алыңыз.