Үйге радиатор таңдаймыз 

Күз бен қыста әр үйге үйді жылыту жүйесі аса қажет. Жылыту радиаторлары интерьердің міндетті атрибуты болып табылады. Құбырлардың жылуды жақсы таратуы ғана емес, сонымен қатар, ең алдымен, орталық жылу желісіне қосылуға қойылатын барлық талаптарға сай болуы маңызды. Жылыту батареяларын орнатуды нарықтағы сенімді мамандарға тапсырған дұрыс.

Жылыту радиаторын таңдау кезіндегі негізгі критерийлер:

Жылыту жүйесінің түрлері: орталықтандырылған немесе дербес. Әрқайсысының қосуға және пайдалануға өз талаптары бар. 

• Орталықтандырылған жылыту жүйесі жоғары қысым және кернеумен ерекшеленеді. Осыған байланысты мұндай желіге қосылу үшін қышқылдықтың жоғары деңгейінде жұмыс істей алатын және 6-9 атмосфералық қысымға төзімді радиаторлар қажет. Мысалы, шойын немесе биметалдық радиаторлар.
• Дербес жылыту 5–6 бардан аспайтын жоғары емес қысыммен және орташа қышқылдықпен ерекшеленеді. Су ешқандай қоспасыз шеңбер бойымен өтеді. Бұл түрге радиаторлардың барлық дерлік түрлері сай келеді: болат, алюминий, шойын және т.б.

Жылубергіштік кеңістікті жылытудың тиімділігі мен жылдамдығына жауап береді. Радиаторлардың әр түрінің өзіндік көрсеткіштері бар:

– алюминий – 82–212 Ватт (жылу өткізгіштігі ең жоғары);

– биметалды радиатор – 150–180 Ватт;

– шойын – 100–160 Ватт;

– конвектор (секциялық емес радиатор) – 130–10000 Ватт;

– болат радиатор – 1200–1600 Ватт.

Қолдану мерзімі және сенімділігі. Түрлі радиаторлардың өндірушілері түрлі қолдану мерзіміне кепілдік береді: 

• конвектор – орташа есеппен 10–15 жыл;
• алюминй радиатор – қышқылдығы жоғары болмаған жағдайда 15–20 жыл;
• болат батарея – орташа есеппен 15–25 жыл;
• биметалды – 20–25 жыл (радиатордың бұл түрі жоғары қысымға төзімді);
• шойын радиатор – 40–50 жыл (ұзақ мерзім қызмет ететініне кепілдік бар).

Пәтерлерге арналған батарея түрлері:

• Шойын радиаторлары коррозияға қарсы қаптамада ұсынылады, бірақ кейін міндетті түрде бояуды қажет етеді. Бұл батареялардың ең ескі түрі, бүгінгі күнге дейін беріктігі жоғары, 50 жылға дейін үздіксіз қызмет көрсетеді, сонымен қатар коррозияға төзімді. Жалғыз кемшілігі – салмағы ауыр және бағасы жоғары (алюминий және болат радиаторлармен салыстырғанда).
• Болат баратеялардың екі түрі бар: панелді және құбырлы. Панелді болат радиаторлар  заманауи әрлеуі және ықшам болуының арқасында кез келген үйдің дизайнына сай келеді. Жылуөткізгіштігі жақсы және үй жылыту жүйесіне қосудың бірнеше түріне ие, суық ауа ағынын тамаша бұғаттайды. Құбырлы болат радиаторлар дәстүрлі емес пішінге ие: бұрыштық, трапеция тәрізді және т.б. Функционалдық жағынан панельдерден айырмашылығы жоқ, бір ыңғайлысы мұндай батареяларды киім кептіруге пайдалануға болады. Дизайны стандартты емес болуына байланысты олар болат панельді радиаторларға қарағанда қымбатырақ.
• Алюминий батареялар – жылыту атрибуттарының ең көп таралған түрлерінің бірі. Түрлі дизайндары бар, соның арқасында кез келген интерьерге сәйкес келеді. Жоғары жылу қуатына ие, бірақ бұның өз кемшілігі бар – төбе мен еден арасындағы бөлмеде температураның төмендеуі. Мұндай батареялардың қызмет көрсету мерзімі судың қышқылдық деңгейіне байланысты.
• Биметалды радиаторлар – батареялардың ең жаңа түрі, бірден бірнеше металдың қосындысынан жасалады. Барлық ішкі және сыртқы беттері коррозияға қарсы материалмен қапталған, соның арқасында 40 жылға дейін қызмет етеді, 20–35 атмосфералық жоғары қысымға төзімді және жылу өткізгіштігі жоғары. Негізгі кемшілігі – бағасының жоғары болуы.

Ең жақсы радиатор қандай екенін айту қиын, бірнеше сипаттамалары бар, оларды ескеру керек. Жылыту радиаторларын  кестеде салыстырдық:

Жылыту батареялары: қалай таңдаған жөн?

Батарея таңдау кезінде кеңістіктің параметрлерін, яғни өлшемі мен сипаттамаларын ескеру қажет. Үйге қандай және қуаттылығы қанша батарея қажет екенін білу үшін, формуланың көмегімен математикалық есеп жүргізу керек:

Кеңістіктің ауданы қанша батарея бөлімін алатыныңызға әсер етеді:

Кеңістік ауданын 100 санына көбейтіп (1 шаршы метрге стандартты жылу мәні), радиатордың бір бөлімінің жылулық қуатына бөліңіз.

Мысалы: бөлме ауданы – 18 шаршы метр, алатын батареяның бір бөлімінің жылулық қуаты – 150 Вт (өндіруші көрсетеді). 18*100/150=12. Сәйкесінше, осы кеңістікті оңтайлы жылыту үшін 12 радиатор бөлімін орнатуыңыз керек.

• Пәтерге қандай жылыту батареясын таңдаған жөн?

Пәтерге жылыту батареясын таңдау микрорайонның орталықтандырылған жылыту жүйесіне байланысты. Пәтерлі үйлерге шойын және биметалды радиатор орнату ұсынылады.

• Жеке үйге қандай жылыту батареясын таңдаған жөн? 

Жеке үйге қандай жылыту батареясын таңдау керектігін білмейсіз бе? Қуанышқа орай, қалалардың жеке секторлары дербес жылыту жүйелерімен қамтылған, ол кез келген батарея түрін орнату мүмкіндігін береді.

• Қандай радиаторлардың жылуөткізгіштігі жақсы?

Қандай батареялар жақсырақ ысытады? Қазір жылуөткізгіштігі жоғары батареялар алюминий радиаторлар болып саналады, олардың жылуөткізгіштік деңгейі 82–212 Вт.