Жайлы ұйқы үшін ең жақсы жамылғыны қалай таңдау керек?

Жақсы таңдалған жамылғы – тәтті ұйқының кепілі. Бүгінгі таңда мазасыз адамдар үшін арнаулы модельдер де шығарылады: материал ауыр болғасын ұйқыға кету жеңілдейді. Бұл мақалада қандай жамылғы таңдау керектігін және сатып алғанда не нәрсеге мән беру керектігін айтатын боламыз.

OLX сайтында үйге арналған жайлы және фунционалды тоқыма таңдай аласыз.

Үздік тоқыманы таңдаған кезде жамылғы үшін қандай салма жақсы деген сұрақ туындайды. Салма табиғи және жасанды деп бөлінеді.

Табиғи салмалар

Табиғи салма өсімдіктен немесе жануардан жасалады. Әдетте мұндай материалдар синтетикалық баламаға қарағанда қымбатырақ тұрады және жақсы күтімді талап етеді. Бұл ретте салқындататын әсер немесе антибактериалды негіз секілді құнды қасиеттер бар болатынына сенімді болуға болады.

Негізгі материалдар:

1. Мамық пен құс жүні – бұл санатта қаз және үйрек мамығы алда, қаз мамығы қымбатырақ және жылуды жақсы оқшаулайды. Екеуі де жылуды сақтайды, жеңіл. Материалдың кемшілігі – аллергия тудыру қаупі бар.
2. Жүн – қой жүнін немесе кашемирді жиі пайдаланады. Материалдың ерекшелігі – жылуды жақсы сақтайды, ылғалдылықты реттейді, гипоаллергенді. Кемшіліктері – жоғары баға, күтім жасу қиын.
3. Мақта және жібек – аллергиктер және терісі сезімтал адамдар үшін оңтайлы материал, жазғы маусымға қолайлы, ауаны жақсы өткізеді. Алайда қыста мұндай жамылғы салқын болады.
4. Эко салмалар – оған көбінесе эвкалипт пен бамбук жатады, табиғи материалдар, денсаулық үшін қауіпсіз. Жақсы желдетіледі, гипоаллергенді. Бірақ мамыққа қарағанда жылу оқшаулауы төменірек.

Табиғи салманың негізгі кемшілігі – материалда шаң кенелерінің пайда болу қаупі. Бұл өз кезегінде аллергияның дамуына әкелуі мүмкін. Қазіргі заманғы өндірушілер материалдарды арнайы заттармен өңдеп, оларды денсаулыққа қауіпсіз етеді.

Жасанды салмалар

Жасанды жамылғы салманың негізінде синтетикалық талшықтар бар. Әдетте мұндай материалдарға күтім жасау оңай және ол гипоаллергенді.

Кеңінен таралған синтетика:

1. Синтепон және холлофайбер – күтімі оңай бюджеттік нұсқалар болып саналады, салмағы жеңіл, бірақ пішінін тез жоғалтып, жылуды нашар ұстайды
2. Memory Foam, микрофибра – адамның дене пішініне бейімделетін және жұмсақтықты сақтайтын заманауи шешім. Олар қымбатырақ, үнемі жууды қажет етеді, өйткені шаң жинайды.

Синтетика аллергиясы бар адамдар үшін өте қолайлы: мұнда шаң кенесінің пайда болу қаупі азаяды, ал материалдарды ұстаған кезде өте жағымды.

Аралас салмаларды бөлек айтуға болады. Олардағы табиғи талшықтар жылу оқшаулауға жауап береді, ал жасанды талшықтар жеңіл етіп, жамылғының салмағын азайтады.

Жамылғыны қалай таңдауға болатындығы туралы келесі критерий – тығыздық және жылу оқшаулау қасиеттері.

Маусымға сай жамылғыны қалай таңдауға болады

Жамылғы мынадай түрлерге бөлінеді:

• жазғы — жеңіл, табиғи материалдардан тұрады, ауа өткізгіштігі жақсы;
• қысқы — жылытылған, жылу оқшаулауы маңызды сипаттамаға жатады;
• аралас маусымды — ауаны жақсы өткізетін және жылу сақтайтын әмбебап нұсқа.

Егер сіз барлық маусымдарға қандай жамылғыны таңдау керектігі туралы ойлансаңыз, сіз нақты жауап таба алмайсыз. Өйткені аралас маусымдық және әмбебап модельдердің өзі ыстықта тым жылы болып, жылыту сөнген кезде суық болады.

Тығыздықты қалай анықтауға болады

Тығыздық — жамылғыны тіккен кезде қолданылатын салманың нақты мөлшері. Мынадай нұсқалары бар:

• жылы кезге — 100-200 г/ш.м;
• салқын кезге — 400 г/ш.м бастап;
• әмбебап — 250-300 г/ш.м.

Жазға немесе қысқа арналған екі жамылғы болғаны дұрыс. Бірақ сақтауға орын болмаса немесе тұрғын жеріңізді жиі ауыстыруды жоспарласаңыз, аралас маусымды модельге тоқталыңыз.

Өз климатыңызға қарай жамылғының «жылуын» қалай анықтауға болады

Өз климатыңыздың ерекшеліктеріне қарай қандай жамылғыны таңдаған дұрыс деген сұраққа мінсіз жауап жоқ. TOG критерийін қолдана аласыз. Бұл жамылғының жылуын өлшеуге арналған халықаралық стандарт. Қарапайым нұсқа:

• 3-4,5 TOG — жеңіл, ыстық жаз бен жылы климат үшін сай келеді;
• 7-10,5 TOG — аралас маусымды нұсқа, көктем мен күзге арналған;
• 12-15 TOG — қысқы модельдер, жаздың суық климатына да сай келеді.

Сонымен қатар жатын бөлменің температурасын да ескеріңіз. Егер бөлме температурасы түнде 18°C-тан төмен болса, мамық пен жүннен жасалған жылы модельдерді таңдаңыз. Температура 20°C болса, аралас маусым модельдерін таңдаңыз. Ал 22°C-тан жоғары болса, мақта, бамбук немесе жібекті таңдаған жөн.

Өлшемді балалар және ересектер өлшемі деп екіге жіктеуге болады. Балалар өлшеміне мыналар жатады:

• 90 х 120 см — үш жасқа дейін;
• 110 х 140 см — жеті жасқа дейін;
• 150 х 200 см — мектеп оқушылары.

Ересек өлшемдер төрт санатқа бөлінеді:

• 140 х 205 см — бір жарымдық төсек;
• 172 х 205 — екі кісілік төсек;
• 200 х 220 — евростандарт;
• 220 х 240 — евромакси.

Өндірушілер үшін өлшеулер сәл өзгеше болуы мүмкін – әдетте айырмашылық 5-10 см құрайды, төсек өлшемі мен осы жамылғыны жамылып  ұйықтайтын адамдардың қалауын ескеріңіз.

Жамылғы тысқабы функционалдығы бойынша техникалық жастық қапшығына ұқсас. Яғни, бұл төсек тысы емес, бірақ тоқыма бұйымдарының тығыз жанасуына арналған арнайы бөлек қабат. Жазғы модельдерде тысқапты жамылғыға арналған негізгі тыс ретінде пайдалануға болады, бұл үшін арнайы сәндік модельдер қолданылады.

Тысқаптың материалын мақта, бөз, тик немесе сатин етіп таңдауға болады. Олар беріктік пен ауа өткізгіштіктің оңтайлы қасиеттеріне ие. Сондай-ақ жанасуға жағымды. Тысқаптың міндеті – көрпе қабы толығымен сіңіре алмайтын ылғалды сіңіру. Бұл жамылғы үшін оның қасиеттерін ұзақ сақтайтын қорғаныс.

Егер теріңіз сезімтал болса немесе аллергияға бейімділік болса, онда барлық материалдарды гипоаллергенді қасиеттерге бірден бағалау керек. Оларға зығыр, жібек, мақта, бамбук, жасанды мамық, холофибер, арнайы талшық жатады.

Айтпақшы, төсек-орындарды таңдағанда, материалдардың гипоаллергенділігін де ұмытпаңыз. Мақта, бамбук, тенсель және синтетиканың арнайы түрлері жақсы.

Сонымен қатар салманың бактерияға қарсы қасиеттері туралы ұмытпаңыз. Олар микробтарды тойтарып, оларға жағымды жағдай жасамағаны жөн. Көбінесе мұндай материалдарға синтетика, жүн, өңделген мақта жатады.

Жамылғы сатып алғанда, сізге міндетті түрде тактильді сезім қажет болады. Егер сіз интернетте сатып алсаңыз, онда тапсырысты алатын орында немесе поштада жамылғыны ашуды ұмытпаңыз. Бұл жағдайда нені тексеру керек:

1. Тактильді сезімдер – материал жанасуға жағымды болуы керек, жеке жерлерде буылтықталмауы керек және тегіс емес немесе тым қатты жерлері болмауы керек. Егер салма жасанды болса немесе мамық болса, оны басқаннан кейін ол бұрынғы пішініне оралуы керек.
2. Иіс – ол өткір, ерекше және жағымсыз болмауы керек. Табиғи материалдар мен синтетика кейде аздаған иіспен ерекшеленуі мүмкін, бірақ бұл норма. Егер мұрныңыз химиялық иісті сезсе, бұл материалдың не жеткіліксіз өңделуін не сапасыз өңделуін білдіреді.
3. Құрылым және тігістер – жиектерін тексеріңіз, шығыңқы жіптер мен және қисық тігіс болмауы қажет. Егер сіз жамылғының сырмалы негізін таңдасаңыз, онда салманың әр «ұяшықта» біркелкі жатқанын тексеріңіз.

Тоқыма бұйымдарын таңдағанда, оның күтіміне де назар аударыңыз. Өндірушінің өзі жамылғыны қай режимде жууға рұқсат ететінін және қандай қосымша ұсыныстар беретінін дереу тексеріңіз. Егер сізде мұндай күтім көрсетуге уақыт болмаса, белгілі бір күтім жағдайлары бар қымбат көрпені таңдаудың қажеті жоқ.

Сертификаттауға назар аударыңыз. Жамылғылар халықаралық стандарттарға сай болуы керек. Жапсырмаларда көрсетілген ең көп таралған стандарт — ISO. Егер материалдар табиғи болса, онда оларға қатысты қосымша сертификаттар болуы керек, мысалы, мамық өнімдерде – Downpass, жүн өнімдерінде – Woolmark.

Енді сіз жайлы ұйықтау үшін қандай жамылғы таңдау керектігін нақты шеше аласыз. Өлшеу кезінде адамның бойына, төсек өлшемдеріне және төсек-орынға назар аударыңыз. Салмалар синтетикалық және табиғи кез келген материалдарға артықшылық беруге болады. Бірақ егер сіз аллергияға бейім болсаңыз немесе теріңіз өте сезімтал болса, бактерияға қарсы қасиеттері бар гипоаллергенді негізді таңдауды ұмытпаңыз.

Маусымға және климаттық ерекшеліктерге сай жамылғыны таңдаңыз. Ең дұрысы – әр түрлі маусымдарға арналған бірнеше нұсқалардың бар болуы. Сонда сіз кез келген уақытта өзіңізді жайлы сезінесіз.