Жаңа жылдық шыршаларға арналған шығармашыл пікірлер

Жаңа жыл – шыршаны безендірусіз өтпейтін көптен күткен отбасылық мерекелердің бірі. Жылдан жылға бір шырша ойыншықтары мен мерекенің басты атрибутының дизайны жалықтырып жіберуі мүмкін. Жаңа жылдық декорды түрлендіру үшін жаңа шырша сатып алу, гирляндалар мен әсемдіктерді және т.б. жаңартудың қажеті жоқ. Шығармашылығыңызды оятып, шыршаның жаңа түрін жасауды ұсынамыз!

Қолда бар заттардан дизайнерлік шырша

Қолөнерді сүйетіндер шығармашылықтарына еркіндік беріп, шыршаны өз бетімен жасай алады. Кез-келген қолда бар затты пайдалана аласыз: мақта, иірімжіп, ағаш, қағаз және басқа материалдар. Өз қолыңызбен сүйіспеншілікпен жасалған шағын үстел шыршасы үйіңіздегі жаңа жылдық атмосфераны одан сайын арттырады. Сондай-ақ бұл отбасы болып бір іспен айналысудың тамаша мүмкіндігі.

Төңкерілген шырша

Төңкерілген шыршаға қалай қарайсыз? Мұндай шыршаны өз бетінше жасауға немесе дайын сатып алуға немесе интерьер дизайнерлеріне тапсырыс беруге болады. Мереке кезінде мұндай атрибут міндетті түрде көзге түседі.

Қалықтап тұратын шырша

Ілулі шырша ойыншықтарымен тағы бір ерекше инсталляция жасауға болады.  Шар түріндегі бірнеше жаңа жыл әшекейін сатып алыңыз, оларды ұзын жіптерге бекітіп, шыршаның бейнесі ауада көрінетіндей етіп төбеге іліңіз.

Жанып тұратын үстел шыршасы

Көп функциялы сәндік қылқанды қаласаңыз, шам тәріздес шырша алуды ұсынамыз. Үйіңіздің декорын толықтыруға өте ыңғайлы, сонымен қатар ол пайдалы функционалдылыққа ие.

Қабырға шыршасы

Мерекелік шыршаны жасаудың қарапайым және әдеттен тыс әдістерінің бірі – гирлянданы қабырғаға шырша пішінінде ілу. Қабырғаға қылқанның пішінін қарындашпен алдын ала белгілеп, кішкентай ағаш сырықтарынан қаңқасын жасаңыз және бәрін гирляндиямен ораңыз. Атрибутты одан да ерекше қылу үшін оны жаңа жылдық ойыншықтармен, әшекеймен немесе өзіңіздің естеліктеріңізбен безендіріңіз. Былтырғы фотосуреттерді жинап, оларды жаңа жылдық креатив шыршаға іліңіз 🙂

Күрке-шырша

Өзіңіздің немесе балаларыңыздың арманын жүзеге асырыңыз! Ағаш таяқтардан жасалған нағыз жаңа жылдық үйшікті сыйға тартыңыз, таяқтармен конус пішінді, ағашқа тірек жасай аласыз. Қалғаны оңай – ойыншықтар, жарықдиодты жіптер, гирляндалар және басқа да жаңа жылдық элементтермен безендіруге болады.

Жеуге болатын шырша

Жаңа жылды дәмді өткізгісі келетіндер үшін – дәл осы керек! Жеміс, көкөніс, шоколад, печенье және т.б. Ең бастысы түстер мен дәмді дұрыс үйлестіре білу. Шырша және бүршік тәрізді жаңа жылдық “жанды” элементтер жеуге болатын атрибуттың ерекшелігін арттырады.

Жаңа жыл сиқырдың уақыты, осы жылы қиялдарыңыз бен шығармашылыққа еркіндік беріңіз! Келе жатқан Жаңа жыл құтты болсын!