Жазға таман пәтердегі артық заттардан арыламыз: лайфхактар

Жаз – бұл тыныш демалу мен саяхаттау уақыты ғана емес, сонымен қатар, аяқталмаған жұмыстарды аяқтауға немесе бұрын қолыңыз босамаған істерді бастауға тамаша мүмкіндік: мысалы, үлкен тазалық жүргізу, қажетсіз заттарды тастау, шкафты сұрыптап, орынды босату. Сондықтан OLX үйдегі қажетсіз заттардан тез және оңай құртылуға арналған бірнеше пайдалы кеңестермен сіздермен бөлісуді жөн көрді!

Дайындалыңыз және қолыңызда барлық қажетті көмекші заттардың бар екеніне көз жеткізіңіз:

Қораптар, қоқыс салатын пакеттер мен сөмкелер, тазалау құралдары. Алдағы жұмыстардың жоспарын жазып қою артық болмайды: әр күнге арнап тапсырма белгілеңіз, ең алдымен не істеу керектігін, «көзіңізге не бататыны» және т.б. жайлы талдаңыз.

Қолайлы уақытты таңдаңыз.

Бір күнде бүкіл пәтеріңізді жинауға тырыспаңыз. Жылдар бойына жиналғанның бәрін физикалық тұрғыдан бірнеше сағатта немесе бір күнде сұрыптау мүмкін емес. Әр бөлмені ретке келтіруге бір күннен бөлген жөн. Есіңізде болсын, бұл мәселеде жылдамдық маңызды емес, сапа маңызды!

Эмоция мен аса сезімталдыққа берілмеңіз.

Сізге қажет емес, пайдаланбайтын немесе мүлдем бұзылған затты лақтыруға қимаған  кездеріңіз болды ма? Әлі де іске жарап қалар деген ойлар немесе өмірдегі маңызды оқиғаларды еске түсіретін заттар олардан арылуды қиындата түседі. Заттарды бір сөреден екінші сөреге ауыстырумен айналысудың қажеті жоқ. Бұл мәселеге саналы түрде жақындаңыз және үйіңізді ескі заттармен толтыру арқылы өміріңізге жаңа заттар мен оқиғалардың келуіне жол бермейтіндігіңізді ұмытпаңыз.

«Кішкентай қадамдар» қағидатын ұстаныңыз.

Тазалаудан тез шаршамау және ығырыңыз шықпау үшін жұмысты бірте-бірте, аз бірақ жүйелі түрде жасаңыз. Бәрін бірден бастап, барлық сөрелерден заттарды шығарып, содан кейін сол үйіндіні қалай тез тазартуға болатыны туралы ойлап отыруға болмайды. Кішкентай нәрселерден бастаңыз: медициналық көмек жинағын, зергерлік қораптарды және т.б. тазалау. Алдыңғы істі аяқтағаннан кейін ғана келесі сөрені бөлшектеуге немесе басқа тапсырманы орындауға көшіңіз. Бұл мәселеде тәртіпті сақтау үшін сізге таймер көмектеседі. Мысалы, 15 минут белгілеп, қоқыс салатын сөмкемен бөлмені айналып өтіп, ұнамайтын, қажет емес және көптен бері қолданбаған заттарды лақтырып тастаңыз.

Тазалықты үнемі ұстап тұрыңыз.

Ескі-құсқыдан оны тапқаннан кейін тез арада құтылуды әдетке айналдырыңыз. Аздап жарығы бар тостаған сервизін көрдіңіз бе? Еш ойланбастан және қымсынбай қоқысқа тастаңыз. Крем немесе иіссуыңыз бітті ме? Бос құты немесе шиша қажет болады деген ойсыз бірден тастаймыз. Мұны үнемі жасай отырып, болашақта артық заттардан арылу қажеттігі туындамайды, өйткені қажет емес нәрсенің бәрі баяғыдан қоқыс жәшігіне кеткен 🙂

Біз жапон маманы Мари Кондоның «Сиқырлы тазалау» кітабын оқуды ұсынамыз, онда сіз өз үйіңізде артық заттардан арылу жұмыстарын ұйымдастырудың пайдалы кеңестері мен принциптерін таба аласыз. Сізге үлкен тазалық жұмыстарының нәтижелі болуын тілейміз! Өміріңіздегі барлық қажетсіз заттарды оңай босатуды үйреніңіз 🙂