Бұрыш, қызанақ, баклажан және қырыққабат көшеттерін қашан және қалай сиретіп отырғызуға болады? 

Бағбандар тұқым еккеннен кейін көп ұзамай міндетті түрде оларды сиретіп отырғызу қажеттігін біледі. Тұқымдар өсе бастағанда тамырлары шырмалып, шағын көлемді құмыра олар үшін тар болады. Дәл осы кезеңде сиретіп отырғызуға көшкен жөн, бұл көшеттердің тамыр жүйесін одан әрі нығайту және дамыту үшін өсімдіктерді үлкен ыдысқа ауыстыру үрдісі. OLX мұны қашан және қалай дұрыс жасау керектігін айтып береді. OLX хабарландыру қызметінен әртүрлі көкөністердің тұқымын іздесеңіз болады.

Бұрыш, қызанақ, баклажан және қырыққабат әртүрлі дақылдарға жатады, бірақ оған қарамастан, оларды өсіру тәсілдері өте ұқсас, сәйкесінше оларды сиретіп отырғызу процестері бірдей.

Қырыққабат көшеттерін қайта отырғызуға ең қолайлы уақыт оның шығысынан тұқымжарнағы жапырақтарының пайда болуын байқаған кез. Қызанақтарды, бұрыштарды және баклажандарды сиретіп отырғызу үшін 2-3 жапырақтың өсуін күту керек. Ең басты ереже: өсімдік неғұрлым жас болса, жаңа шарттарға соғұрлым тезірек және жақсы бейімделеді. Сондықтан, сиретіп отырғызу процесін ешбір жағдайда кейінге қалдырмаңыз.

Ыдысты дайындаңыз, су құйыңыз және және көшеттерді қарап шығыңыз 

Сиретіп отырғызуды бастамастан шамамен бір сағат бұрын өсімдікті егетін жаңа құмыраға көптеп су құйыңыз. Осылайша сіз оның жас тамырларын қорғайсыз. Содан кейін көшеттерді мұқият тексеріп, жұқа сабақтары бар немесе дұрыс емес пішінді тікпе көшеттерді алып тастаңыз. 

Көшеттерді сиретіп отырғызыңыз

Кішкентай бақша күрекшесін қолданыңыз,  кәдімгі шанышқы немесе қасықты пайдалана аласыз. Жапырақтарды ақырын ұстап тұрып, созылған өскінді топырақ сазымен бірге шығарыңыз. Тамырларды зақымдамай, өсімдіктерді бір-бірінен ажыратыңыз. Жаңа құмырада алдын ала кішкене тесік дайындаңыз және сол жерге көшетті тұқымжарнағы жапырақтарының деңгейіне дейін отырғызыңыз. Әрі қарай, топырақты аздап ылғалдандырыңыз, жақсы бейімделу үшін көшеттерді қандай да бір тамырландыру ерітіндісімен суаруға болады. Қайта еккеннен кейін бірден өсімдіктің сәл солып қалғанын байқасаңыз, алаңдамаңыз, сиретіп отырғызу көшет үшін стресс болып табылады, сондықтан бұл құбылыс бастапқы кездерде қалыпты.

Өсімдіктеріңізге үнемі күтім жасаңыз 

Сиретіп отырғызғаннан кейін өсімдіктерді күн сәулесі тікелей түспейтін салқын жерге қойыңыз. 3 күннен кейін көшеттерді жылы және жарық бөлмеге апара аласыз, мысалы, оларды терезе алдына қоюға болады. Топырақты қалыпты ылғалды күйде ұстаңыз, уақытында суаруды ұмытпаңыз, бірақ тым артық кетпеңіз. 

Қосымша қорекпен қамтамасыз етіңіз

1-2 аптадан кейін өсімдігіңізден бірнеше жаңа жапырақ шыққанын байқай аласыз. Бұрыш, қызанақ және баклажанды көкөніс көшеттеріне арналған сұйық тыңайтқышпен қоректендіруді ұсынамыз. Қырыққабат үшін де дәл сондай зат қолдануға болады, бірақ көшеттерде алғашқы жапырақтары пайда болған кезде, яғни ертерек құйған жөн. Ең бастысы, мұндай тыңайтқыштарды тек ылғалды топыраққа ғана қосу керектігін ұмытпаңыз.