Автокөлік сату туралы қалай хабарландыру жасауға болады?

Үлкен әрі қымбат тауарды алып-сату оңай мәселе емес. Сондықтан, барлық адамдар автокөлікті сату туралы сөйлемдерді құруға мұқият қарап, оған саналы түрде дайындалуы таңқаларлық емес. «Жүйрігіңізді» қаншалықты тез сататыныңызға оның бағасы мен жағдайы ғана емес, сонымен қатар хабарландырудың сапасы да әсер етеді. Бұл туралы осы мақалада айтатын боламыз. Көлігіңізге жаңа қожайын іздеп жүрсіз бе? Онда OLX хабарландыру қызметіне өтіңіз!

Қысқа және қарапайым тақырып ойлап табыңыз

Хабарландыру тақырыбы барынша қарапайым және түсінікті болуы керек. Шығармашыл және стандартты емес атаулармен тәжірибе жасамаңыз, мұнда нақты әрі қарапайым болған жөн. Тақырыпқа көлігіңіздің маркасы мен моделін міндетті түрде жазыңыз. Дәл осы екі критерий бойынша адамдар өздерін қызықтыратын хабарландыруды іздейді.

Егжей-тегжейлі сипаттаңыз

Адалдық, толықтық және егжей-тегжейлілік – автокөлік сату жайлы хабарландырудың негізгі сипаттамалары. Әлеуетті сатып алушыны қызықтыруы мүмкін барлық ақпаратты жазып шығыңыз: шығарылған жылы, жүрілген қашықтығы, жүргізілген жөндеулер, көлікке қай жерде және қаншалықты жиі қызмет көрсетілгені, қазіргі техникалық жағдайы және т.б. Мәліметтер тұтынушылардың сенімін арттырады, осылайша сіз жасыратын ештеңе жоқ екенін көрсетесіз. Сонымен қатар, бұл сатып алушыларды сұрыптауға мүмкіндік беретіндіктен уақытыңызды үнемдейсіз. Мысалы, көлігіңіздің шығарылған жылы және басқа да шарттары біреулерге сәйкес келмеуі мүмкін.

Кемшіліктерді жасырмаңыз

Көлігіңіз ақаулы болса, ақшаны аямай, жөндеу жұмыстарына жұмсаған жөн. Бұл көлікті қымбатырақ әрі тез сатуға мүмкіндік береді. Бірақ, бір жағынан ақауы бар өнім де өз сатып алушысын табуы мүмкін, ең бастысы – мұндай кемшіліктерді жасырмай, олар туралы мүмкіндігінше ашық және егжей-тегжейлі айтқан дұрыс.

Хабарландыруды «әсерлеп» жасаңыз

Мәтіннің емлесін тексеріп, қатенің жоқтығына көз жеткізіңіз. Сауатты жазылған сөйлемдер аудиторияның  қызығушылығын тудырып, сенім деңгейін арттырады. Сапалы фотосуреттер туралы ұмытпаңыз. Суреттер неғұрлым көп болса, соғұрлым жақсы. Автокөліктің әр жағын және міндетті түрде  салонын кем дегенде бір рет суретке түсіруді ұмытпаңыз.