Қазақстандықтар 2022 жылы автомобиль сатып алуды жоспарламайды. OLX зерттеуі

OLX.kz онлайн-хабарландыру сервисінің сарапшылары сервис деректеріне негізделе отырып, 2022 жылғы қаңтар-қыркүйек аралығындағы қазақстандық көлік нарығын бағалады және қазақстандықтар арасында автомобильді меншікке сатып алу ниеті мен мүмкіндігі тұрғысынан сауалнама жүргізді. Нарық бойынша ұсыныстарды зерттеу барлық санаттар бойынша жалпы төмендеуді анықтады, жүк және мото-көлікті қоспағанда – осы сегменттердегі ұсыныс өткен жылдың сәйкес кезеңімен салыстырғанда өсуде. Қайталама нарықта отандық маркалардың жеңіл автомобилінің орташа құны Қазақстанда 750 000 теңгені, шетелдік маркалар – 1 500 000 теңгені құрайды. Назар аударарлық жайт, сервистегі іздеу сұраныстарының саны бойынша бүкіл Қазақстанда автокөліктің ең сұранысқа ие сауда маркасы ВАЗ болып қала береді, тек Таразда және Шымкентте бұл екінші жыл қатарынан – Mercedes-Benz.

Жеңіл көлік нарығы тұтастай алғанда елеусіз (4%) құлдырауды көрсетеді. Алайда, жаңа көліктерді сату туралы ұсыныстар өткен жылдың сәйкес кезеңімен салыстырғанда 4 есе төмендеді. Бұл ретте, қазақстандықтар арасында жүргізілген сауалнама көрсеткендей, 60%-дан астам (64) автомобиль меншігінде және оны сатуды жоспарламайды (56%). Меншігінде автомобиль жоқ 36% ішіндегілердің 80% оны 2022 жылы сатып алуды жоспарламайды. Мүмкін, бұл өте тұрақсыз әлемдік экономикалық жағдайға және соның салдарынан негізгі қажеттіліктерді бірінші орынға шығаруға және қолда бар жылжымалы мүлікті сақтауға деген ұмтылысқа байланысты шығар.  Үшінші жыл қатарынан Қазақстанда ең сұранысқа ие автомобиль маркасы ВАЗ (Lada) болып қалуда, біздің отандастарымыз қолайлы бағаға байланысты бұл автомобильді артық ұнатады.

Бұл ретте, Қазақстанда ең сұранысқа ие ВАЗ (Lada) маркасының орташа құны модель үшін 650 000 теңгеден 820 000 теңгеге дейін түрленеді (өткен жылдың ұқсас кезеңімен салыстырғанда 3%-ға төмен). Зерттелетін қалалардағы хабарландырулар саны бойынша ең кеңінен таралған модель ВАЗ (Lada) маркасы болды, тек Алматы және Талдықорған қалаларын қоспағанда – мұнда Toyota маркалы автомобильдер кезең ішінде ең таралғаны болып табылады.

«Көлік» санатындағы ең қымбат хабарландыру зерттеу кезеңінің қорытындысы бойынша Ақтау қаласында құны  – 260 млн теңге болатын «GD-1600-T көлденең бағытталған бұрғылаудың ұтқыр қондырғысын» сату туралы тіркелді. Ең қымбат көлік Tesla MODEL X 2022 болды, құны 100 млн теңге, хабарландыру Астана қаласында тіркелді.

2022 жылы автомобиль сатып алуды жоспарлап отырған қазақстандықтардың басым көпшілігі (64%) оны сатып алуға 5 млн теңгеден аспайтын қаражат жұмсауды көздеп отыр:

Ескертпе:

• деректер бүкіл Қазақстан бойынша талданды;
• сауалнама бүкіл Қазақстан бойынша жүргізілді, респонденттердің саны 4 500 адамнан асады.