Қазақстандықтардың 33%-ы 2023 жылы жұмыс іздеумен айналысады

OLX.kz онлайн хабарландыру қызметінің талдаушылары 2023 жылы қазақстандық еңбек нарығын санат бойынша бағалап, қазақстандықтар арасында олардың жұмыс іздеуге мүдделілігі тұрғысынан сауалнама жүргізді. Сауалнамаға қатысушылардың 33% – ы 2023 жылы жұмыс іздегендерін атап өтті, олардың 60%-ы әлі де іздеуде. Іздеудегі адамдардың 35%-ы кез-келген жұмысқа дайын екендіктерін көрсетті. Респонденттердің көпшілігі (38%) олар үшін айына 500 000 теңгеге дейінгі табыс ыңғайлы болатынын, 8% үшін айына 100 000 теңгеге дейінгі табыс жеткілікті екенін атап өтті. Сервис өткен жылдың сәйкес кезеңімен салыстырғанда жұмыс іздеу туралы іздеу сұрауларының 20%-ға өскенін атап өтті. Нарықта мамандардың жетіспеушілігі бар ең жоғары сұранысқа ие мамандық «оқытушы», аз сұранысқа ие мамандық – «аула сыпырушы», жалақысы бойынша ең қарқынды өсіп келе жатқан – «контент-менеджер» мамандығы болды.

Ел бойынша жұмыс берушілерде ТОП – 5 мамандық орташа жалақысы 200 000 теңгені құрайтын «жүргізуші», «сатушы» – 140 000 теңге, «аспаз» – 150 000 теңге, «тазалаушы/техник» – 110 000 теңге және «сатушы-консультант» – тиісінше 130 000 теңге болды.

Жұмыс берушілерде ең үдемелі-өскелең сала «Өндіріс және Жұмысшы мамандықтары» саласы болды – бұған санаттың 4 еседен астам өсуі дәлел, үміткерлер арасында ең серпінді өсіп келе жатқан санат – «Маркетинг, жарнама және PR» – санаттың өсуі де 2022 жылдың басымен салыстырғанда төрт еседен асады.

2023 жылдың басында жұмыс іздеушілер арасында ең танымал жұмыс түрлері «жүргізуші», «жүк тиеуші», «әртүрлі жұмысты атқарушы», «күтуші» және «даяшы» болды.

Жалпы, сауалнамаға қатысқан респонденттердің үштен бірі 2023 жылы жұмысқа мұқтаж екенін және оны негізінен мамандандырылған онлайн қызметтерден іздейтінін айтты:

Сауалнамаға қатысқандардың 35%-ы кез-келген жұмыс іздейді, 40%-ы тек мамандық бойынша жұмыс істейді, қалғандары толық емес жұмыс күнін іздейді. Жұмыс іздеушілердің 60%-ы әлі де іздеуде, алайда 20%-ы іздеудің бірінші аптасында жұмыс тапты:

Қазақстандықтарға жайлы тұру үшін жеткілікті табыстарға келетін болсақ, сауалнамаға қатысушылардың жауаптары былайша бөлінді:

* сауалнамаға 7000-нан астам респондент қатысты. Сауалнама географиясы – Қазақстан.