БАҚ үшін

OLX зерттеулері. Қазақстанда ізденушілердің қашықтан жұмыс істеуге сұранысы қарқынды өсуде

OLX.kz онлайн-хабарландырулар сервисінің талдаушылары 2021 жылдың қорытындысы бойынша қазақстандық еңбек нарығын «көк жағалылар» санатында бағалады. Мамандар жұмыс іздеушілердің сұраныстары мен жұмыс берушілердің ұсыныстары арасындағы алшақтықтың артқанын атап өтті. Қашықтан жұмыс іздеу сұрауларының саны 32%-ға артты, ал қашықтан жұмыс істеу туралы ұсыныстар саны аздап азайды, төмендеді – 2%. Пайдаланушылардың икемді кестемен жұмыс істеу туралы сұраныстары да артты, өсім 45% құрады, ал икемді кестемен жұмыс істеу туралы ұсыныстар саны 6%-ға азайды.  

Бірнеше жыл қатарынан ең танымал іздеу сұранысы вахталық әдіспен жұмыс болып тұр, 2021 жылы белгілі бір кестемен жұмыс істеу туралы сұраулардың 49%-ы вахталық әдіспен жұмыс іздеу бойынша сұраулар болды. Жобалық және уақытша жұмыс іздеу сұраныстары айтарлықтай өсті-47%. Пандемия жұмыс іздеушілерге жұмыс істеудің икемді мүмкіндіктерін табу тенденциясын ашты, ал жұмыс берушілер әдеттегі жұмыс арнасына біртіндеп оралуға тырысуда.

2021 жылы ең танымал іздеу сұраулары «жүргізуші» болды – іздеу сұрауларының жалпы санының 22%, «жүк тиеуші» – 13%, «бала бағушы» және «әртүрлі жұмысты атқаратын адам» – сәйкесінше 10%-ды құрады. Сонымен қатар, кезең қорытындысы бойынша ТОП-3 танымал бос жұмыс орны «жүргізуші» – 23%, «сатушы» – 20%  және «аспазшы» – 14% болды. 

Қызықты фактілер. 2021 жылы жұмыс іздеудегі ең белсенді Түркістан облысы атанды, оған барлық іздеу сұрауларының 47%-ы тиесілі болды. Бос орынға жауап берудің ең танымал әдісі – бұл қоңырау шалулар. Жұмыс іздеу бойынша ең танымал күн – дүйсенбі, ал жұмыс туралы ұсыныстары бар жаңа хабарландырулар OLX Қазақстан сервисінде көбінесе сейсенбі күндері пайда болады. Жұмыс берушілер мен жұмыс іздеушілер үшін ең аз белсенді күн – сенбі болып табылады.