Балконға терезелерді қалай дұрыс таңдауға болады?

Балконға арналған терезелер қымбат емес. Оларды орнату оңай. Бірақ олармен бірге көптеген жаңа мүмкіндіктер ашылады.

Үйдегі жылу жақсырақ сақталады. Пәтердің кеңістігі кеңейеді. Лоджияға кеңсе жасай аласыз, қыста өсімдіктер отырғыза аласыз немесе демалыс аймағын жасай аласыз. Не болмаса жай ғана балконға бөлмелердің дизайнын бұзатын заттарды: шаңсорғышты, еден сүрткішті, кір кептіргішті шығарып тастай аласыз. Мұның бәрін балконға пластикалық терезелер қою арқылы шешуге болады. Балконға қандай шыныпакетті қойған жақсы екенін және бұл туралы не білуіңіз керек екенін анықтайық.

Лоджия үшін қандай шыныпакетті таңдаған жөн?

Шыныпакет – бұл әйнектің бірнеше қабатынан жасалған құрылым. Олардың арасындағы бос орын камералар деп аталады. Шыныпакеттің бірнеше түрі бар:

1. Бір камералы. Оның екі әйнегі бар, олардың арасында камера бар. Салмағы аз, құны аз, бірақ шуды оқшаулауға және жылытуға жарамайды.
2. Екі камералы. Мұнда үш әйнек бар, олардың арасында әртүрлі көлемдегі екі камера бар. Құрылым ұқыпты көрінеді, жылу оқшаулауын қамтамасыз етеді.
3. Үш камералы. Төрт шыны және үш камера. Жылуды жақсы сақтайды, шудан қорғайды.

Бұл орайда үш камералы пластикалық терезелердің салмағы жоғары болады. Оларға осындай массаға төтеп бере алатын сапалы фурнитура қажет. Оларды ескі, әлсіз балконға орнату мүмкін болмайды. Бірақ бұл негізгі бөлмеге қосылған балконға терезе қою үшін тамаша нұсқа. Балконға қойылатын шыныпакет жөндеу идеясына байланысты болады.

Балконды жылы немесе суық етіп шынылау

Сізге жылы шыныпакеттің әлде суық шыныпакеттің қайсысы керектігін анықтап алған жөн. Айырмашылығы неде?

Суық шыныпакет суықта балконды пайдаланбаған кезде қолданылады. Мұнда шыныпакетсіз кәдімгі терезені (кеңістіксіз бір шыны) немесе бір камераны қолданады. Бұл балконды шаңнан, жаңбырдан және қардан қорғау үшін жеткілікті. Балконға арналған шынының қалыңдығы 20 мм-ге дейін, ал бір шыны 5 мм-ге дейін жетеді.

Суық шынылаудағы профиль көбінесе алюминий немесе пластиктен тұрады. Профильдің ені 48-ден 60 мм-ге дейін.

Терезелерді таңдау туралы толығырақ біздің мақалада біле аласыз: OLX Блогтағы «Қандай пластикалық терезелерді және қалай таңдау керек: критерийлері мен сипаттамалары» мақаласы

Балкон бөлменің жалғасына айналған немесе сіз оны қыста қолданатын болсаңыз жылы шынылау қажет болады. Мысалы, сіздің кабинетіңіз сол жерде орналасқан. Бұл жағдайда көбінесе пластикалық профиль және кем дегенде екі камералы терезелер қолданылады.

Жылы шынылау кезінде балконның терезесінде қосымша металл тозаңдату болады. Ол барлық модельдерде бола бермейді. Тозаңдатудың міндеті – жылу сәулеленуін қайтару. Бұл пәтердегі жылудың жоғалуын азайтады. Ал жазда тозаңдату күн сәулесінің балконды қыздырып жіберуіне жол бермейді.

Балконды шынылатудың қандай түрін таңдау керектігін өзіңіз шешесіз. Мұнда әйнектер мен камералар неғұрлым көп болса, соғұрлым жылы болады деген ереже қолданылады. Әдетте екі камералы нұсқа жеткілікті болады.

Терезені ашу түрлері

Келесі маңызды параметр – терезелердің қалай ашылатындығы. Фурнитураны әр терезе әуел бастан кез келген механизмді орната алатындай етіп профильге орнатылады.

Бұл ретте пластикалық терезелерді орнату — өте еңбекті көп талап ететін процесс. Сіз бұл үшін барлық қажетті жабдықтары бар және тапсырманы тезірек орындау үшін тәжірибеге ие мамандарды жалдай аласыз. OLX-та осындай жұмыстар туралы хабарландырулар бар, олардың ішінен сіз өзіңізге келісетінін таңдай аласыз.

Бұрылмалы

Балкон терезелерінің түрлері бекітерлердің қозғалу принципі бойынша ерекшеленеді. Олардың арасында бұрылатындар өте танымал. Құрылымдардың ерекшеліктері:

• Ішке ашылады;
• Балконда терезені айқара ашу үшін орын қажет;
• Сыртқа ашылатын бекітерлерді тапсырыспен тапсырысқа беруге болады.

Егер сіздің балконыңызда жеткілікті орын болмаса немесе жиһаз терезені толық ашуға мүмкіндік бермейтін болса, айналмалы механизм идеясынан бас тартқан дұрыс.

Қайырмалы

Қайырмалы механизмі бар бекітерлер тігінен ашылады. Бұл кішкентай балалары бар үй үшін таптырмас нәрсе. Қайырмалы құрылымның арқасында жақсылап желдетуге болады, сондай-ақ ол бұзып кіруден қорғайды. Жалғыз ғана кемшілігі – ол жоғарыға ғана ашылғандықтан оны сыртқы жағынан жуу өте қиын.

Айналмалы-қайырмалы

Лоджияға арналған ең керемет нұсқалар алдыңғы екі механизмді қамтиды. Мұнда арнайы «қайшылар» – терезені кез келген бағытта қозғауға көмек беретін құрам қолданылады.

Бұл қолайлы нұсқа. Үйде болмасаңыз жоғарыға қарай ашып, желдетіп ала аласыз және де терезені жуу үшін немесе таза ауа жақсы кіруі үшін бекітерді толғымен ашуға болады.

Москит торына тереземен бірге тапсырыс берген жөн. Шыныпакеттерін жасайтын компаниялардың өздері қорғайтын механизмдермен айналысады немесе өндірушілермен бірге жұмыс істейді.

Сырғымалы

Лоджияны шынылауды ойластырған әрбір адам балконға сырғымалы немесе айқара ашылатын терезелер орнатудың қажеттігін таңдау мәселесі тұрады. Сырғымалы механизм алюминий профилімен көрсетілген және суық шынылауға үйлеседі.

Алайда балконға арналған сырғымалы механизмі бар пластикалық терезелердің бірнеше түрлері бар:

• Параллельді-сырғымалы, мұнда терезенің бір бөлігі орнында бекітілген екіншісіне параллель түрде қозғалады;
• Айналмалы-сырғымалы – құрылым қозғалуы үшін алдымен бекітерді өзіңізге қарай тартасыз;
• Вертикалды-сырғымалы, бекітерлер тек вертикалды қозғалады.

Балконға сырғымалы терезелерді орнатудың оң және теріс жақтары бар. Артықшылықтарға кеңістікті үнемдеу, жеңіл салмақ және қарапайым орнату жатады. Кемшіліктердің ішінде біз жылу оқшаулауының жеткіліксіздігін және шудың нашар басылуын атап өтеміз.

Мұндай құрылымдар арзан. Ескі балкондағы суық шынылау кезінде ол тамаша нұсқа бола алады.

Бітеу

Балкондағы бітеу терезелер мүлдем ашылмайды. Оларда бұл үшін фурнитура жоқ. Балконға терезелерді қалай орналастыру керектігін шешкен кезде, сіз ашылатын және бітеу құрылымдардың комбинациясына тоқтай аласыз.

Бітеу терезенің артықшылығы – оның абсолютті герметикалылығы. Орнату оңай, құны аз. Бірақ оларды сыртқы жағына шығу нашар болғандықтан жуу қиынға соғатын болады.

Бітеу терезелер қойылған кезде, балконға бүйірлік терезені қалай жуу керек деген сұрақ жиі туындайды.Ол үшін сіз магниттегі арнайы аксессуарларды сатып ала аласыз, арнайы қызметті шақыра аласыз. Айналмалы терезені жақын жерде орнатып, ол арқылы бітеу терезеге сүрткішті соза аласыз.

Жақтаулардың материалы

Балкондағы терезелердің түрлері жақтаудың материалы бойынша да ерекшеленеді. Өндірушілер үш нұсқаны ұсынады: ПВХ, ағаш және алюминий. Балконның қандай жақтаулары қандай жағдайларда жақсы екенін анықтайық.

Ағаш терезелер

Терезелерге арналған ағаш негіз классика болып саналады. Алайда, ескі құрылымдар нашар шу оқшаулауымен, жылуды дұрыс ұстамауымен ерекшеленеді. Қазіргі модельдерде өндірушілер бұл кемшіліктерді алып тастады. Енді ағаш профиль тозуға төзімді, жылу оқшаулағыш және шу оқшаулағыш. Ол эстетикалық жағынан жақсы көрінеді. Дегенмен, ол әр дизайн стилімен үйлесе бермейді.

Сонымен қатар, құрылымға дұрыс күтім жасау керек. Уақыт өте келе, профиль визуалды түрде тозбауы үшін лак жабынын жаңарту керек болады. Мұндай құрылымдар қымбат тұрады. Мысалы, қарағай жақтауы қарапайым пластиктен қымбатырақ.

Алюминий терезелері

Алюминий — суық шынылау үшін тамаша профиль. Материалдың артықшылықтары:

• масса аз болған кезде беріктіктің жоғарылығы;
• сыртқы факторларға тұрақтылық;
• өрт қауіпсіздігі көрсеткіштерінің жоғарылығы;
• арнайы күтімнің қажеттілігі жоқ;
• орынды үнемдеп, сырғымалы механизмдермен жақсы үйлеседі.

Кемшіліктерге жоғары жылу өткізгіштік жатады. Материал көшедегі суық массаларға төтеп бере алмайды. Қатты аязда балкон сырттағыдан бірнеше градус жылы болады. Сынған жағдайда профильді жөндеу қиынға соғады.

ПВХ терезелері

Балкон мен терезелердің ең танымал комбинациясы – ПВХ-профиль. Бұл нұсқа көптеген адамдарға өзінің функционалдығы, жағымды дизайны және қолданудағы қолайлылығымен ұнады. Бұл барлық жақтаулардың арасындағы ең өтімдісі.

Балкондарды ПВХ-профильмен шынылаудың артықшылықтары:

• жылу оқшаулауы жоғары деңгейде;
• шудың дыбысы жоқ дерлік;
• сыртқы факторларға тұрақты;
• қиындықсыз орнатылады;
• егер фурнитураны ауыстыру қажет болса, шыныпакетті шешудің қажеті жоқ;
• қымбат емес.

ПВХ-ның басты артықшылығы – оның профиліне терезені ашатын кез келген механизмді орнатуға болады.

Құрылымның кемшіліктеріне үнемі ластана беруді жатқызуға болады. Пластик өзіне шаңды тартады да тұрады, яғни терезені үнемі жуу қажет болады. Егер сіз терезені жылы шынылау үшін орнатып жатсаңыз, профиль мен оның массасы артады. Оларды тек берік лоджияға орнатуға болады, себебі көтергіш тірекке түсетін жүктеме артады.

Балконға қандай профиль қоятыныңызды қажеттіліктеріңізге қарай таңдау қажет. Бұл материалдардың үштігінде артықшылықтар мен кемшіліктердің балансы ПВХ-ға тиесілі.

Балконның пішініне қарай қандай терезені қойған дұрыс

Балконға қойылатын терезе, таңдалатын механизмдердің комбинациясы балконның пішініне байланысты. Ол екі түрлі болады: г-тәрізді және п-тәрізді.

Г-тәрізді балкон жоғары жағынан Г әрпіне ұқсайды. Ол бір жағынан қабырғаға тіреледі, ал екінші жағынан оған терезелер қажет. Бұл жағдайда мұндай схеманы қолданады:

• алдыңғы бөлігінде – айналмалы немесе айналмалы-қайырмалы нұсқа;
• бүйір жағы – бітеу немесе қайырмалы терезе.

Бүйірлік терезенің қандай болатыны сіздің қажеттіліктеріңізге қарай таңдалады.

П-тәрізді балконның екі бүйір жағы бар. Оның алдыңғы бөлігі әдетте ашылады, ал бүйір жақтары бітеу бекітерлермен жабдықталған. Бұл жағдайда терезесі лоджияның бойымен биіктігіне тұтастай орналасқан француз балконы келіседі. Астыңғы жағы жабық болу үшін тозаңдатумен жабуға болады.

Қорытынды

Енді сіз балконға терезелерді қалай таңдау керектігін және осы мәселеде не нәрсеге бағдарлану керектігін білесіз. Лоджия терезесін іздегенде екі факторды алға тартыңыз: сіз не алғыңыз келетінін және бюджетіңіз қандай екендігін. Лоджия терезелерінің нұсқалары алуан түрлі. Сіздің әр идеяңызға әр түрлі нұсқада әр түрлі бағамен бірнеше үлгілерін табуға болады.