Пәтердің төбесін қандай етіп жасау керек: төбелердің түрлері және олардың ерекшеліктері

Төбе — бұл интерьердің бір бөлігі, оны елемеуге болмайды. Төбелік кеңістіктің дизайны интерьерді безендіре алады, яғни оны ерекше, стильді ете алады және керісінше, оны толығымен бұза да алады. Оның қызмет ету мерзімі, қолайлылығы, күтіміндегі қарапайымдылығы әрлеу үшін материалдардың қаншалықты дұрыс таңдалғанына байланысты. Пәтерлер мен үйлерде қазір қандай төбелер жасалып жатқанын, кермелі төбе немесе гипсокартонның қайсысы жақсырақ екенін білгіңіз келеді ме? Олай болса, барлық жауаптарды біздің мақалада таба аласыз.

Төбелердің негізгі түрлері

Төбе кеңістігін әрлеу үшін материалдарды таңдау критерийлері әр адамда өзінше. Кейбіреулер үшін бұл дизайнерлік күрделі шешімсіз, ең бюджетті төбе болғаны маңызды. Басқалары күрделі формаларды, инновациялық материалдарды қалайды. Тағы біреулері төбені жөндеуді ұйғарып, қолайлы және ұзақ уақыт тұратын нұсқаны іздейді. Төбелердің қандай түрлері бар екенін және олардың ерекшеліктері қандай екенін білсеңіз, таңдау туралы шешім қабылдау сіз үшін әлдеқайда оңай болады.

Құрылымы бойынша төбелер былай бөлінеді:

• классикалық — боялған немесе әктелген;
• желімдік — желім қабаты бар төртбұрышты немесе тікбұрышты полистирол панельдері, классикалық және сұйық тұсқағаздар;
• аспалы — гипс, айна, жарқыраған, металл болуы мүмкін жүк көтергіш профильдер мен төбелік панельдерден тұрады;
• керме — бұл алдын-ала орнатылған жақтауға бекітілген винил немесе матадан жасалған кенеп;
• жалғама — аспалыға ұқсайды, бірақ панельдің орнына пластиктан, гипсокартоннан жасалған тұтас беттер, оймыш тақтайлар, ДСП қолданылады;
• витражды — металл каркастан және әйнек қондырмаларынан тұрады, оның артына шырағдандарды жасырады.

Егер сіз пәтерде төбені қандай етіп жасауды таңдап жатсаңыз, әрлеу үшін әртүрлі материалдарды қолдануға болатындығын білген жөн:

• әк;
• бояу;
• гипсокартон;
• ағаш;
• металл;
• пластик;
• ПВХ;
• қағаз;
• тоқыма мата және т.б.

Төбені қалай етіп жасау жеке қалауға қарай, бюджетке, үй-жайдың сипатына байланысты. Ең танымал нұсқалар туралы әңгіме қозғайық.

Классикалық төбе

Мұны ықшамды, бірақ өзіндік талғаммен жасалған деп айтуға болады. Классикалық төбенің 2 түрі бар:

• Боялған

Бетті әрлеу үшін су негізіндегі немесе су дисперсиялық бояу қолданылады. Нарықта олар алуан түрлі түстер палитрасында, қымбат және арзан бағада көрсетілген. Бұл әдіс ең аз қаржылық шығындармен тез косметикалық жөндеу жасауға мүмкіндік береді. Негізгі кемшіліктері — ұзақ мерзімге жарамайды және еңбек көп жұмсалады. Бояуды әр 2-3 жыл сайын жаңартып отыру керек. Төбенің кеңістігі әдемі көрінуі үшін, әрлеу алдында беттікті мінсіз етіп тегістеу керек.

• Әктелген

Төбені осы әдіспен әрлеу бұрыннан бері келе жатыр, бірақ оның бірқатар кемшіліктері бар, сондықтан қазіргі уақытта аса танымал емес. Негізгі артықшылығы — арзандық. Әктеу әк немесе бор ерітіндісімен жүзеге асырылады. Қаласаңыз, оған бояғыш қосуға болады. Алдыңғы жағдайдағыдай, алдын-ала дайындық, бетті тегістеу қажет болады.

Классикалық төбе — нәтижеге тез және аз ақшаға жету керек болған жағдайдағы оңтайлы шешім.

Тұсқағазбен жасалатын төбе

Классикалық қабырға тұсқағаздарынан айырмашылығы, төбеге арналған материалдар тығызырақ болады. Нарықта төбеге арналған тұсқағаздардың әртүрлі түрлері бар: қағаз, тоқыма, винил, флизелинді, суретті тұсқағаз, шыны тұсқағаз, сұйық тұсқағаз. Олардың құрылымы мен үлгісі әртүрлі болуы мүмкін.

Мұндай әрлеудің басты артықшылығы — төбелік аймақтың тегіс еместігін мен басқа да кемшіліктерін тез, аз күш жұмсап жөндеп алу мүмкіндігі. Тұсқағаз өзінің эстетикалық келбетін кем дегенде 5 жыл сақтайды. Әдістің кемшіліктері: материалдың құны қарапайым тұсқағаздарға қарағанда жоғары және сапалы етіп желімдеу үшін дағдылану қажет.

Көбікполистрольді плиталар

Бұл ұяшықты құрылымы бар синтетикалық материал. Одан жасалған плиталар жөндеу жұмыстарында өте танымал. Олар салмақсыз, әртүрлі мөлшерде келеді, беті тегіс болуы мүмкін немесе жапсырманы, оюды, басқа текстураларды имитациялауы мүмкін. Материал су негізіндегі бояумен оңай боялады. Плиталардың ішкі жағы желіммен өңделеді, соның арқасында ол төбеге бекітіледі.

Көбікполистирольді плиталар күтімді қажет етпейді, ұзақ уақыт бойы әдемі көріністі сақтайды, төбелік аймақтың ақауларын оңай жасырады. Материалдың басты кемшілігі — сынғыштық. Сондықтан монтаждау жұмыстары мұқият жүргізілуі керек.

Аспалы төбелер

Бұл әдемі, көбінесе құрылымдық жағынан күрделі төбелер. Орнатудың алуан түрлілігі, әмбебаптығы және өзгергіштігінің арқасында оларға деген сұраныс өте жоғары. Аспалы төбелердің пішіндері әртүрлі болуы мүмкін — классикалық стильдегі ықшамдыдан бастап жарықтандырылуы күрделі көп деңгейліге дейін.

Олар сәндік плиталар бекітілген металл жақтаудың құрылымы. Мұндай жүйелердің салмағы аз, сондықтан олар жабынға салмақ түсірмейді. Төбелік аймақтың кедір-бұдырлары мен басқа да ақауларын өте жақсы бүркемелейді. Плиталардың астында сымдарды, кабельдерді және басқа байланыс элементтерін жасыруға болады. Аспалы құрылымдар төбенің биіктігін реттеуге мүмкіндік береді, қосымша жылу және дыбыс оқшаулауын жасайды.

Аспалы құрылымдардың түрлері

Аспалы түрдегі төбелердің негізгі түрлері:

• тұтас;
• модульді.

Тұтасқа гипсокартон құрылымдары, сондай-ақ керілген және жалғамалы төбелер жатады. Мұндай жүйелерде тұтас бет қолданылады, соның арқасында төбенің беті тегіс, тігіссіз болады.

Модульдік жүйе жеке элементтерден тұрады. Тірек, кассета, панель, тор және модульдік типтегі басқа да аспалы құрылымдар бар.

Конфигурация тұрғысынан аспалы жүйелер бір, екі және көп деңгейлі болуы мүмкін. Элементтердің пішіндері әртүрлі: классикалық геометриялық фигуралардан бастап күрделі толқындар мен асимметрияға дейін.

Керме төбелер

Керме төбелер, осы әрлеу нұсқасының түрлері мен ерекшеліктері туралы айтатын болсақ, олар аспалы төбелермен қатар әлемдегі ең сұранысқа ие екенін атап өткен жөн. Құрылымдық жағынан бұл жүйе арнайы пленка немесе мата тартылатын қатты жақтауды білдіреді.

Мұндай жүйелердің басты артықшылықтарының бірі — әмбебаптық. Керме төбені ылғалдылық деңгейі әртүрлі бөлмелерде орнатуға болады. Ол берік, эстетикалық жағынан әсем, күтімді қажет етпейді. Монтаждаумен маман айналысатын болса, аса қиындық туғызбайды. Кемшіліктердің ішінде кейбір керме төсемінің нәзіктігін, температураның өзгеруіне әсер ететінін айта кетуге болады.

ПВХ пленкалардан жасалатын керме төбелер

Мұндай жүйелерде керме төсемі поливинилхлоридтен жасалған пленка болып табылады. ПВХ пленкалары мынадай болады:

• жылтыр немесе лак — шағылыстыратын қабілетке ие, бұл бөлмені көрнекі түрде үлкейтеді, заманауи интерьерлермен, мысалы, хай-текпен жақсы үйлеседі;
• күңгірт, жылтырсыз — көрнекі түрде тегіс сыланған бетке ұқсайды, классикалық интерьерлермен жақсы үйлеседі;
• сатин — олардың құрылымы матаға ұқсайды, бірақ тоқыма бұйымдарынан айырмашылығы, олар шаңды ұстамайды, шағылысу қабілеті бойынша олар күңгірт және жылтыр беттің арасындағы орташасы болып табылады, интерьер стильдерімен үйлесу тұрғысынан әмбебап.

Нарықта пленкалы төсемдердің барлық нұсқаларының түр-түрін табуға болады. OLX-та тиісті ұсыныстары бар бөлімді ашып, оп-оңай таба аласыз.

Маталы керме төбелер

Матадан жасалған керме төбе пленкадан қарағанда өте берік, температураның ауысымынан өзгермейді. Жүйені орнату үшін ПВХ-ға қарағанда сәл өзгеше әдіс қолданылады, соның арқасында өңделмеген төбеден матаға дейінгі қашықтық шамамен 1,5 см құрайды. Төсемдер әртүрлі түсте және текстурада болады. Кемшілігі — ПВХ-ға қарағанда бағасы жоғары.

Әртүрлі төбенің артықшылықтары мен кемшіліктері

Төбені әрлеу нұсқаларының алуан түрін ескере отырып, көптеген адамдар үшін мына сұрақтар өзекті: гипсокартонды, кермелі жүйені таңдаған дұрыс па немесе жинақы етіп бояған дұрыс па? Әрине оған белгілеп қойылған жауап жоқ, өйткені барлық әдістердің өзіндік ерекшеліктері, оң және теріс жақтары бар. Сонымен қатар, әр түрлі жағдайлар үшін әр түрлі әрлеу түрлері қажет болуы мүмкін. Төменде біз таңдау барысында жиі қолданылатын критерийлерге сүйене отырып, төбелердің әртүрлі түрлерін талдаймыз.

Баға

Ең бюджеттік нұсқа — әктеу немесе бояу. Ең қымбаты — аспалы және кермелі жүйелерді үйлестіретін көп деңгейлі күрделі құрылым. Орташа баға сегментіне ПВХ-дан жасалған керілген жүйелер, гипсокартоннан жасалған бір деңгейлі аспалы жүйелер жатады.

Монтаждың күрделілігі

Көп деңгейлі аспалы құрылымдар еңбекті ең көп қажет ететіндердің бірі болып саналады. Ал бір деңгейлі аспалы құрылымдармен жұмыс істеу жеңілірек болып саналады. ПВХ пленкаларымен, көбікполистирол тақталарымен, тұсқағаздармен жұмыс істеу салыстырмалы түрде оңай. Бірақ ең қарапайым әдістер үшін де жөндеу ісіндегі тәжірибе қажет болады. Сондықтан мұндай жұмысты кәсіби шеберлерге тапсырған дұрыс. Сонымен қатар, OLX арқылы сіз өз қалаңыздан қажетті маманды тез таба аласыз.

Үй-жайдың түрі

Төбелік аймаққа арналған қаптау материалы бөлменің ерекшелігіне қарай таңдалады. Ылғалға төзімділік маңызды болып саналатын ванна бөлмесі үшін ең жақсы шешім ПВХ пленкасы, ең нашары — әктеу немесе маталы кермелі жүйелер болуы мүмкін.

Жоғары және төмен температуралар алмасатын, бу әсер ететін ас үйге арналған төбені аспалы пластикалық құрылымдардан жасауға болады. Ас үйдегі гипсокартон төбелері, егер ол ылғалға төзімді материал болса, мысалы, су дисперсиялық бояумен боялған болса, қолайлы болады.

Жатын бөлмеде, қонақ бөлмеде немесе балалардың бөлмесінде әрлеу жұмыстарын жүргізу барысында сізге әктеумен немесе бояумен ғана шектелуіңізге болады. Әмбебап нұсқа ретінде гипсокартон конструкцияларын жатқызуға болады. Қонақ бөлмелерде кермелі жүйелер, көбікполистирол тақталары жақсы көрінеді.

Төбенің биіктігі

Егер төбе аласа болса және жөндеу кезінде кеңістікті мүмкіндігінше сақтау маңызды болса, онда бояу/ағарту, тұсқағаз немесе полистирол плиталарының арасында таңдау жасау керек. Егер мақсатыңыз төбенің деңгейін төмендету болса немесе биіктіктің бірнеше сантиметрге «желінгені» маңызды болмаса, онда аспалы және керілген құрылымдар үйлесетін болады.

Жарықтандыру

Аспалы гипсокартон және кермелі жүйелер үлкен аспалы шамдарды да, нүктелік шырағдандарды да орнатуға мүмкіндік береді. Бірақ жөндеу басталғанға дейін оларды орналастыру туралы ойлану керек. ПВХ пленкасын қолданған жағдайда, бетті қыздырмайтын төбелік шамдар ғана қолайлы, себебі бұл пленканың деформациясын тудырады. Классикалық әктеумен, төбелік тұсқағаздармен және көбікполистирол тақталарымен кіріктірілген жарықтандыру құрылғыларын қолданбайды, тек аспалы және жапсырмалы шамдарды ғана қолданады.

Төбенің әр түрінің өзіндік артықшылықтары мен кемшіліктері бар. Аспалы төбе төбенің барлық ақауларын тамаша жасырады делік, бірақ ол аласа бөлмелер үшін ең жақсы шешім емес. Жабысқақ негіздегі плиталарды орнату оңай, арзан, бірақ әр интерьермен үйлесе бермейді. Тоқыма кермелі жүйелері талғампаз, берік көрінеді, бірақ олар қымбат. Бірақ бұл мақала сізге таңдау жасауға көмектесетініне сенімдіміз. Сіз нарық ұсынатын барлығының ішінен барлық сипаттамаларға сәйкес келетін төбенің түрін таба аласыз. Ал OLX-та кез-келген бюджетке арналған нұсқа әрқашан табылады.