Автокөлікті аязға қалай дайындауға болады? Чек-лист 

Қыс – автокөліктер үшін күрделі кезеңдердің бірі, оған алдын ала дайындалу керек: резеңке ауыстыру,  шанақты өңдеу, аккумуляторды тексеру және т.б. Көлікті қысқы маусымға дайындау қажетті аксессуарлар мен қосалқы бөлшектерді таңдаудан басталады. OLX хабарландыру сервисінің көмегімен Алматыда шина сатып алуға немесе Алматыда аккумулятор сатып алуға болады 🙂

Қыста көлікке қалай күтім жасауға болатынын егжей тегжейлі қарастырайық:

Жаз резеңкесін қыс резеңкесіне ауыстыру

Осы мерзімде ауыстыру керек дейтіндей нақты уақыт жоқ, автокөлік иелері өз аймақтарына қарай бейімделуі керек. Қыста көлік қолдану кезіндегі қауіпсіздігіңіз маусымдық шиналарға тікелей байланысты. Олар көлікті сенімді айдауға, қысқа тежеу жолына, түрлі ауа райында жол кедергілерінен өтуге кепілдік береді: тайғақ, боран, балшық және т.б. Резеңкені ауыстыру кезінде оның жағдайын ескеру маңызды. Қандай да бір зақымның жоқтығына көз жеткізіңіз, протектор тереңдігін сызғышпен өлшеңіз. Шиналардың максималды тозуы 0,4–0,5 см өлшемнен аспауы тиіс. Қыс шиналарының орташа қолдану мерзімі 5 жылдан көп емес.

Аккумуляторды суыққа дайындау

Қысқы уақытта автокөлік аккумуляторларына түсетін жұктеме артады, оның тұйықталу немесе тіпті сөніп қалу мүмкіндігі жоғары. Көлікті қысқа дайындау кезінде желдету саңылауын тазалап, корпустағы кірді кетіру және литий майының көмегімен клемманы тотықтандыру қажет. Әр банктегі электролит деңгейін тексеріңіз. Аз болған жағдайда дистилденген су қосыңыз. Аккумулятордың сыртында коррозия, жарық, дақ бар жоғын тексеріңіз, кабельдің жағдайына көңіл аударыңыз және т.б. Қозғалтқышты іске қосқанда әсіресе суық емес ауа райында қырылдаған дауыс шығып шықпайтынын тексеріңіз. Аккумулятор тексерісін сенімді мамандарға тапсырыңыз.

Барлық техникалық сұйықтықтарды тексеру: тежеу сұйықтығы, майлар және т.б.

• Көлік майы суықта қоюланады, сәйкесінше оның майлау жүйесі арқылы және қозғалтқыш жалына берілуі қиындай түседі. Оған аккумулятор көп энергия жұмсайды, сондықтан ол тез сөніп қалуы мүмкін. Майды әр 5–10 мың километр сайын ауыстыру керек.
• Тежеу қозғалтқышында ешқандай проблема байқалмаса да әр 2 жыл сайын тежеу сұйықтығын ауыстырып тұру керек.
• Салқындату сұйықтығы жылы маусымда ағып кетіп, сіз оның үстіне су және басқа маркалы антифриз құйған болсаңыз ауыстыруды қажет етеді. Жаңа антифриз құйыңыз, сумен араласқан сұйықтық қозғалтқышқа теріс әсер етуі мүмкін.
• Терезені жууға су пайдаланған болсаңыз, енді оны терезеге арналған арнайы қатпайтын сұйықтықпен алмастырған жөн, ол түрлі ауа райларына төзімді болады.

Көліктің жылыту жүйесін тексеру

Пештің радиаторы ерте ме кеш пе бітеліп қалады, оны болдырмау үшін күн суығанда тосолды төгіп, автоның барлық салқындату жүйесін дұрыстап жуып шығу керек. Көліктің жылыту жүйесінің нашар жұмыс істеуіне қақпақша мен сынған термостат себеп бола алады. Бұл мотордың температурасы 60 градустан төмендеген, көліктің салоны сәйкесінше жылымайтын жағдайларда орын алады. Мұндай жағдайда термостатты ауыстыру керек.

Тежеу жүйесін тексеру

Қыста тайғақ кездерде және көліктің сырғанап кеткен кездерінде аварияны болдырмау үшін тежеудің жақсы жұмыс істеуі аса маңызды. Автоның әр дөңгелегінің тежеу шарттары бірдей болуы тиіс. Тежеу тағаларының жағдайы мен мен тежеу цилиндлерінің тозаңдығын тексеріңіз: аққан тежеу сұйықтығының іздері бар ма? Тежеу жүйесін тексерту үшін  техникалық қызмет көрсету станциясына жүгініңіз.

Алдыңғы әйнекті тазалау жүйесін тексеру

Әйнек сұйықтығын ауыстырудан басқа тазарту жүйесінің аязға арналған щеткасын да жаңарту маңызды. Терезе сүрткіштің жұмысын тексеруді ұмытпаңыз.

Жемірілуге қарсы қорғаныс, нығыздауыш және құлыптарды тексеру

Жемірілуге қарсы қорғаныс коррозия мен қатып қалуды болдырмау үшін орындалады. Арнайы жемірілуге қарсы затпен автокөлігіңіздің бүкіл шанағын өңдеп шығыңыз.  Көліктің зақымданған, тот басқан жерлерін боямастан бұрын алдын ала өңдеген дұрыс. Лакпен сырланған жерлердің жарықшақтарын бояу керек, төмен жақтарын қиыршық тастарға қарсы құралмен өңдеңіз.

• Нығыздауыштарды үнемі тосолмен өңдеп тұру қажет. Автокөлікті қыста қалай жылытуға болады? Салон мен мотор бөлігіне орнатылатын қосымша жылу оқшаулағышты пайдалануға болады.
• Құлыптарды силиконды майдың көмегімен аяздан қорғаған жөн, оны қыс басталмас бұрын уақытында құлыптың оймасына құю керек. Сұйықтық барлық оймаларға өтуі үшін кілтті бірнеше рет бұраңыз.

• Көлікті дайындауды кәсіби мамандар жүргізбейді. Автомобильге техникалық қызмет көрсетуде қажетті білім мен дағдыларыңыз болмаса, суық басталмай тұрып автокөліктің жағдайын сапалы түрде тексерту үшін қызмет көрсету станциясына баруыңызды ұсынамыз.
• Автокөлік дұрыс жұмыс істеп тұрғанда автокөлік иелерінің көбі көлікті суыққа дайындауды елемейді. Автокөліктен ешқандай ақау немесе ауытқуларды байқамасаңыз да, диагностикадан өткізу керек.
• Көлікті қысқы қатты аяз бен суық ауа райы басталмай тұрып дайындаған жөн. Барлығын соңғы сәтке қалдырмаңыз және қарлы боран мен көктайғақ сияқты алғашқы жауын-шашынды күтпеңіз.
• Техникалық элементтер ғана емес, сонымен қатар автокөліктің салонына да күтім қажет. Салқын ауа кіретін жерлердің, мысалы, жүксалғыш пен жолаушылар салоны арасындағы бөліктің беткі материалын жаңартыңыз.

Өз аймағыңыздың немесе қалаңыздың ауа-райы ерекшеліктеріне қарай қысқа дайындықты бастаңыз. Көлікті суық ауа райына дайындау үшін сапалы материалдарды қолданыңыз: сұйықтықтар, нығыздағыштар және т.б. OLX сізге осы қыста қауіпсіз және қиындықсыз жол тілейді!