Техникаға екінші өмір сыйлау: техника жөндейтін маманды қалай таңдауға болады?

Тұрмыстық техниканы жөндеу сүйікті әрі қажетті құрылғыңызды қайта пайдалану мүмкіндігін береді. Алайда білікті емес маманға тап болсаңыз, техникаңыз іске жарамай, оған қоса ақшаңызды босқа жұмсауыңыз мүмкін. Мамандар тоңазытқыш, микротолқынды пеш немесе кір жуғыш машина болсын, кез келген ақауды жөндеуге көмектеседі. Техниканы жөндеудің бірнеше түрі бар: толықтай, ішінара және шағын тұрмыстық техниканы жөндеу. Техника жөндеудің барлық ерекшеліктерін қарастырайық.

Тұрмыстық техника маманы:

+ қызметтер көбіне арзанырақ;

+ бағасы жөнінде келісуге болады;

+ мамандардың көпшілігі үйге барып қызмет көрсетеді;

– алаяқтарға тап болу ықтималы жоғары;

– мамандар техника/бөлшектерді шығарған компаниялардың ресми өкілдері болып табылмайды;

– міндетін сапалы орындайтынына кепіл жоқ;

– «Тұтынушылардың құқықтарын қорғау туралы» заң қолданылмайды.

Шам жанып кетсе немесе электр шәйнек істемей қалса, яғни ұсақ ақаулықтар үшін жөндеу мамандарын шақыруға болады. Олардың басты артықшылығы – үйіңізге келіп жөндеп береді.

Тұрмыстық техниканы жөндейтін қызмет орталығы:

+ «Тұтынушылардың құқықтарын қорғау туралы» заң қолданылады: мамандар жұмысын тиісінше істемеген жағдайда сот арқылы өтемақы алуға болады;

+ өндіруші компанияның ресми өкілдері;

+ компания өз міндеттемелері бойынша жауап беруге тиесілі, сондықтан шағымданып, ауыстыруды немесе басқа шебер жіберуді талап ете аласыз және т.б.;

+ сұранысқа ие компаниялар өз жұмысына кепілдік береді;

+ қызмет түрлері көп: кез келген ақаулықты жоюға көмектеседі.

–  жеке мамандардың қызметтеріне қарағанда қымбатырақ;

– алаяқтар қызмет көрсету орталықтарында да кездеседі.

Үлкен тұрмыстық техника істен шыққан жағдайда, сондай-ақ кепілдік талоны болса қызмет көрсету орталықтарына жүгінген жөн.

Техниканы жөндеуге және техникалық қызмет көрсетуге жүгінбес бұрын, құрылғының немесе техниканың шынымен істемейтініне көз жеткізіңіз. Жай ғана қуат көзін қосуды ұмытып кеткен немесе дұрыс емес сымды жалғаған жағдайлар болып тұрады. Маманның  қызметіне жүгінген кезде  мыналарды ескеріңіз:

• Техниканың жөндеу бойынша кепілдемесе әлі де жарамды ма. Бұл жағдайда шебердің қызметі үшін ақы төлеудің қажеті жоқ.
• Тұрмыстық техникаға қызмет көрсету сервисі қолжетімді ме. Дұрыс күтіммен құрылғыны ұзақ мерзім пайдалануға болады, сүзгілерді және басқа маңызды элементтерді ауыстырып қана күрделі жөндеуден құртылуға болады.
• Жөндеу мерзімі. Кез келген жөндеу бастапқы диагностикадан басталады, ол ақылы немесе тегін болуы мүмкін. Диагностика кезінде шебер техниканың жағдайы, қажетті жөндеу жұмыстары және қанша уақытты алатыны жайлы айтуы тиіс.
• Қандай брендтер қызмет көрсетеді: өндіруші компанияның барлық қажетті қосалқы бөлшектері, құралдары мен бөлшектері бар ма. Сапасы нашар бөлшектерді пайдалану техниканың толықтай бұзылуына  әкелуі мүмкін.
• Сапалы жөндеу жұмысына кепілдік

Тек сенімді мамандар ғана тұрмыстық техниканы сапалы жөндейтініне кепілдік бере алады. Ол үшін компанияны мұқият тексеріп, келесі жайттарға көңіл бөлу маңызды:

• Мәмілені рәсімдеу: сенімді компания техниканы жөндейтіні жайлы шарт жасайды және қажет болған жағдайда техниканы жөндеуге қабылдау және беру актісін ұсынуы керек.
• Ауыстырылатын бөлшектердің түпнұсқалығын тексеру. Зауыттық түпнұсқа бөлшектерінің орнына арзан аналогтар қолдану – алаяқтардың ең жиі пайдаланатын айласы. Маманнан сапа сертификатын сұраңыз, сонымен қатар бөлшекті шынымен де орнатып-орнатпайтынына көз жеткізу үшін  мұқият бақылаңыз.

Ең жиі кездесетін ақаулықтардың орташа құны:

• диагностика және ақауларды анықтау – 2 мың теңгеден;
• кондиционерлерді тазалау – 5-7 мың теңге;
• тұрмыстық техниканы орнату немесе бөлшектеу – 6-7 мың теңге;
• теледидар моноблоктарын жөндеу – 5 мың теңгеден;
• электронды модульдерді жөндеу – 5-20 мың теңге.

Тұрмыстық техниканы жөндейтін шебермен жеке кездескенде келесі жайттарға назар аударыңыз:

– Жұмыс тәжірибесі қандай және кәсібі не?

– Оның біліктілігін растайтын құжаттар бар ма?

– Маман өз қызметтеріне кепілдік бере ме?

– Жөндеу құны қалай есептеледі?

– Маман қосымша қызмет қажет екенін айтып, өзінің таныс жеткізушілерінен бөлшек сатып алуға көндірмекші ме?

OLX тұрмыстық техниканы жөндеу өтініші бойынша қалаңыздағы шеберлер мен қызмет көрсету орталықтарын таба аласыз.