Достармен тауға шыққанда қажет болатын заттардың тізімі

Жаз – табиғатта, мысалы, тауда уақыт өткізу үшін таптырмас уақыт. Достармен өткізген мұндай сәттер ұмытылмас эмоциялар мен әсерлер береді, ең бастысы – таудағы жорыққа дұрыс дайындалу. Өзіңмен бірге не алған жөн? Қандай заттар міндетті түрде қажет болады? Достарымен тауға шыққанды ұнататын оқырмандарымыз үшін арнайы қажетті заттардың тізімін құрдық.

Жабдық:

1.   Иыққап. Белсенді демалысқа барлық керекті заттар сиятын  кез-келген ыңғайлы иыққап жарайды. Ең бастысы, оның қолайлы болуы және ұстайтын жері денеңізді қажамауы керек. Су өткізбейтін немесе үстін жабуға болатын иыққаптарды алуыңызға кеңес береміз, олар заттарыңызды жаңбырдан қорғайды. Қазақстанда туристік иыққаптың орташа құны 10-20 мың теңгені құрайды.
2.   Карта. Егер аймақты жартылай немесе мүлдем білмейтін болсаңыз, міндетті түрде өзіңізбен бірге карта алыңыз.
3.   Компас дұрыс бағытты табуға көмектеседі.
4. GPS модулі қосылған смартфон. Алдын ала қажетті барлық қолданбаларды, сондай-ақ оффлайн картаны жүктеп алыңыз.

Киім-кешек (не киесіз):

1. Күрте/жейде/футболка. Денеңіз дем алатындай дем алатын, синтетикалық матадан жасалған киімдерді сатып алыңыз.
2. Шалбар/шолақ шалбар. Тауға шыққанда киетін киімді қозғалысқа кедергі жасамайтындай, барынша ыңғайлы етіп таңдаңыз.
3. Аяқ киім. Табаны қатты әрі қалың биік бәтеңкелерді таңдаған жөн. Дұрыс аяқ киімді таңдау кезінде ыңғайлы және аяғыңызды қорғайтын бәтеңке алыңыз, өйткені сізді алда ұзақ жаяу жол күтіп тұр. Тауда серуендеуге арналған трекингтік аяқ киімнің Қазақстандағы орташа бағасы 40-80 мың теңгені құрайды.
4. Бас киім. Жорыққа шыққанда басыңызға күн өтіп кетуден немесе көзіңізді жарықтан қорғау үшін қалпақ немесе кепке алуды ұмытпаңыз.
5. Күннен қорғайтын көзілдірікті бұлтты күні серуенге шықсаңыз да міндетті түрде алыңыз.  Ауа-райы әдетте құбылмалы, кез келген уақытта күн шығуы мүмкін. Көздерімізді әрдайым ультракүлгін сәулелерден қорғаған жөн.
6. Шұлықтар: ұзақ сапарда онсыз жүре алмайсыз. Олар аяқтарыңызды жылытып қана қоймайды, сонымен қатар қажаудан, мүйізгектің пайда болуынан қорғайды.

 Киім (тағы не алу керек):

Ауа райы жиі өзгеретіндіктен, кез келген табиғи жағдайлар мен жайттарға дайын болу керек. Сол үшін күн салқындап кеткен жағдайларға арнайы қалыңдау киім алғаныңыз жөн болады.

1. Термалды іш киім: жыл мезгіліне және маршруттың қаншалықты күрделі екеніне байланысты термалды іш киімді алып-алмау жайлы шешім қабылдаңыз. Орташа құны 9-15 мың теңге.
2. Сыртқы киім: жеңіл күрте немесе жемпір болуы мүмкін, материалдың су өткізбейтін болғаны жөн. Жорыққа арналған күртенің орташа бағасы елімізде 10-20 мың теңге.
3. Қолғап және жылы қалпақ.

Дәрі қобдишасы

Тауға шығу – демалу және жаңа әсер алудың керемет түрі, бірақ жеке қауіпсіздікті ұмытпаңыз. Кез келген жағдайларға, соның ішінде жағымсыз жағдайларға дайын болуыңыз керек, сондықтан өзіңізбен бірге дәрі-дәрмектер алу міндетті, мәселен:

1. Тұрақты және созылғыш таңғыш: түрлі жаралар мен жарақаттарды таңу үшін қажет.
2. Жәндіктер мен масаларға қарсы спрей. Әсіресе, таулы аймақ кенеге толып тұрған кездер үшін таптырмас зат.
3. Күннен қорғайтын крем сізді күйіп кетуден сақтайды.
4. Санитайзер: тауда қолыңызды мұқият жуу мүмкіндігі бола бермейді,  жеке гигиена үшін санитайзер пайдалансаңыз болады.

Апаттық жағдайлар үшін жинақ

1. Шам – смартфоныңызда шам болса да немесе қараңғы түспей қайтып оралуды жоспарласаңыз да, шамды міндетті түрде  алыңыз.
2. Ысқырық – төтенше жағдайлар үшін пайдалы нәрсе. Оның көмегімен орналасқан жеріңіз туралы сигнал бере аласыз.
3. Қалта пышағы – бір нәрсені кесуге немесе ашуға керек болады.
4. Жабысқақ таспа аяқ киімді жабыстыру, жабдықтарды жөндеу және т.б. үшін қажет болуы мүмкін.
5. Жіп: құтқару қызметінің ұсыныстары бойынша диаметрі 3-5 мм жіп болғаны дұрыс.
6. Шақпақ.

Жоғарыда аталған заттардан басқа, жорыққа өзіңізбен бірге азық-түлік пен сусын алуды ұмытпаңыз. Сізді әлдендіріп, қуат беретін түрлі дәрумендерге бай жеңіл тағамдар алған жөн. Сусындардан су алу ұсынылады.