Ерекше сыйлықтар идеялары

Біз алатын сыйлықтардың құндылығы неде? 

Алдымен, ол сыйлықты берушімен қарым-қатынасыңыз және сол адамдар бізді байланыстыратын естеліктер. Сондай-ақ, қайталанбас, функционалды немесе адамның қызығушылығына сәйкес келетін сыйлықтар да ерекше бағаланады. 

Біз сізге әртүрлі сыйлықтар тізімін дайындап қойдық. OLX-тан немесе жергілікті антикварлық дүкендерден көбісін таба аласыз. Бұл тізімдегі сыйлықтар “қолдан” сатып алынатын сыйлықтар және олардың басты құндылығы осы болып табылады. Осы идеяларға жүгінетін болсаңыз келесі туған күн немесе мереке алдында көп қобалжымай, сый дайындайсыз. 

Раритет бейне ойындар мен приставкалар 

Бала кезінде Mortal Kombat ойнауды ұнатпаған немесе, италиян сантехник Марионың ханшайым құтқармаған жан жоқ шығар. Раритет ойын приставкалары баяғыда өндірістен алынып тастаған, сондықтан оларды тек коллекция жинаушыларда немесе шын жанкүйерлерде табасыз. Жасы келген “ағалар” мен “тәтелер” балалық шағының ойынын сый ретінде алса қуанар еді. Оны балаларына көрсетіп, балалық шақты еске түсіргенге не жетсін. Досыңызбен бала кезде осы ойында бірге ойнаған болсаңыз, онда бұл тіпті таптырмас сыйлық болады.

Коллекция бұйымдары 

Тиын, маркалар және мүсіншелер балалық шақ сыйлықтары. Көбіміз бала кезімізде мүсіншелерді жинап, сыйға тартылатын кемелер үлгісін алу үшін ескі әскери журналдарды сатып алатынбыз. Кейбірлері тіпті, kinder-surprise ойыншықтарын жинайтын. Дұрыс таңдалған “ойыншықтар” коллекция ерекше жан жылы сый болуы мүмкін. 

 Кітаптар мен журналдар жиынтығы

Әркімнің кішігірім болса да сүйікті кітаптар жиынтығы бар. Әлбетте, электрондық кітаптар қолданыста өте ыңғайлы, қалаған кітабыңызды жүктей аласыз, жарық және әріптер мөлшерін өзгертуге болады. Алайды, қағаз кітаптың иісін, парақты ауыстырғандағы ерекше дыбысқа ештеңе жетпейтінін нағыз кітап сүйгіштер біледі. Сонымен қатар, мысалы “Хәрри Поттердің” жанкүйерлері үшін бірінші Росмэн баспасынан шыққан жинағы ерекше бағалы, және оны қазір кітап сөрелерінен табу мүмкін емес. Ондай жиынтықтарды коллекция жинаушылардан табуға болады, кейбірі басқа елге көшер алдында өз коллекцияларын сатып кетеді. 

Антиквариат

Антиквариат бәріне ұнай бермейді, бірақ «ескі» жиһаз, шыны ыдыстар немесе совет дәуірінің ыдыстары ерекше сүйкімділікке ие және олардың өзіндік тарихы болады.

Антиквариаттық қару-жарақ, шыны ойыншықтар мен кілемдер үйге өзіндік атмосфера сыйлайды. 

Винтаж киім мен аксессуарлар 

Винтаж киім мен жай секонд-хенд арасында айырмашылық үлкен. Біздің қалаларда үлкен ақшаның өзіне Dolce&Gabbana, Dior сөмкелері мен бас-киімдерін немесе венециалық Versace жібек көйлектерін табу қиынға соғады. Оның басты себебі олар әу-бастан шектелген мөлшерде шығарылған. Винтаж “look”-тары уақытқа тәуелсіз, сондықтан сән қой досыңыз винтаж киім немесе аксессуарын сыйға қуана-қуана қабылдайды. 

Қолтаңбасы бар заттар 

Досыңыз белгілі топ немесе әртіс жанкүйері екенін білсеңіз, концерттерден қалған заттар іздеп табсаңыз болады. Мысалы, әртістер қолтаңбасы бар күйтабақтар, жейделер, фотосуреттер мен ашық хаттар. 

Раритет техника 

Винил күйтабақтары  немесе суреттер жақсы көретін досыңызға ерекше техника сыйласаңыз болады. “Fujifilm” немесе “Зенит” пленка фотоаппараттары, совет және италиян күйтабақ ойнатқыштар, радиотехника және DVD-player таптырмас сый болады. 

Қолданыста болған автокөліктер, велосипедтер мен мотоциклдер 

Қолданыста болған велосипедтер, мотоциклдер және автокөліктер сыйлыққа арнаған қаражатыңыз көп болса, әрі шынымен ерекше бір нәрсе дайындағыңыз келсе, жақсы таңдау. Техниканың түр-келбеті әдемі болуы үшін біраз тер төгу керек болады, алайда тарихы бар ерекше сыйға не жетсін. 

Шығармашылық және хобби заттары 

Досыңыз көп уақыттан бері скрипка ойнауды, шаңғы тебуді немесе ағаштан ою жасауды армандап жүрген болса, соған керекті заттарды сыйға тартсаңыз болады. Қолданыста болған скрипка немесе пианино алуға да болады, алайда, OLX жаңа аспаптар да қымбат емес. Жақыныңыздың арманы орындалуына түрткі болыңыз. 

Өнер мен хендмейд 

Онлайн суретшілер жұмыстарын, фото хаттар мен ашық хаттар, кестелеу паноларын табуға болады. 

Шын мәнінде ерекше әрі винтаж сыйлық дайындағыңыз келсе, келесі кеңесімізге құлақ түртіңіз: 

• Сыйлық идеялрын алдын ала дайындап қойыңыз, осылайша оларды табу оңайырақ болады. 
• Сыйлық “сеттинг”-ін алдын ала ойластырыңыз, әсіресе белгілі дәуір атмосферасы болсын десеңіз.
• Арнайы қағаз алып, сыйлықты әдемі безендіріңіз. Құттықтау қағазына лебізіңізді білдіріп құттықтау сөз жазыңыз. 
• Сирек зат сыйлайтын болсаңыз, түпнұсқа орамын табуға тырысыңыз. 
• Сыйлықтарды жөндеуден ұялмаңыз. 
• әдемі безендірілген косметика, тақырыптық заттар немесе парфюмерлік “жиынтықтар” сыйлап көріңіз. 

Біз бөліскен идеялар мен кеңестер сізге көмегі тиді деп үміттенеміз. Жанға жылы сыйлықтар сыйлап жақындарыңызды қуантыңыз!