Ескі диванды қалай жаңарта аламын?

Диван әр үйдің көркі, отбасылық кештер мен жайлы отырыстар орны. Кештердің бірінде төгілген шарап болсын, бәрін тырнаптастаған мысық болсын, әртүрлі себебтерге байланысты жиһаз тез тозып кетуі әбден мүмкін. Түрі бұзылды деп жаңа жиһаз сатып алу қажет емес. Сүйікті диваныңыздың сырты жыртылған, я былғанған, ал сүйегі мықты болса, оны өзіңіз-ақ жаңарта аласыз: 

Оңайы дайын жаңа қап алу. 2010 жылға дейін жасалған ескі дивандарға қап табу қиынға соғады. Дайын қап таппаған болсаңыз, оны жаңа матадан оп-оңай істеп алуға болады. Тіпті перде де жарайды. Әдетте, перделер үлкен әрі нақышты болғандықтан диванды ерекшелендіреді. 

Былғары, матадан жасалған қаптау болсын, бәрін бояуға болады. Жақсы бояу табу маңызды. Алдымен, диванды жақсылап тазартып алыңыз. Тек содан кейін бояуға кірісіңіз. Әр қабаттан кейін бояуды кебуге қалдырыңыз, аяғында воскпен өңдеп жіберіңіз. Былғары және матаға арналған бояуды өнер дүкендерінен таба аласыз, бағасы орта есеппен 15 000 – 20 000 теңге шамасында болады. 

Қолжетімді маталарды пішіндеп диванды жаңарта аласыз. Алдында айтып өткен тәсілдерден бұл қиынырақ болады. Диванның қаптауына сәйкес етіп тігу керек болады. Бірнеше матадан ерекше ою құрастырсаңыз болады. Ол үшін ерекше шеберлік те қажет. Былғары дивандарды бұл тәсілмен жаңартпаған жөн, былғары тез жыртылады. 

Тігін керек-жарағын OLX хабарландыру сервисінен таба аласыз! =)