Ортопедия матрасын қалай таңдауға болады: сипаттамалары және лайфхак

Ортопедия матрасы дегеніміз не?

Ортопедия матрасы, «жайлы ұйқыға көмекші» – жатқан кезде омыртқаны берік ұстап тұратын  құрылым, сәйкесінше дене бұлшықеттеріне босаңсуға мүмкіндік береді. Ортопедия матрасы кәдімгі матрастан несімен ерекшеленеді? Материал, қасиеттері және сипаттамаларымен ерекшеленеді. Кәдімгі матрастар киізден, мақтадан, жүннен немесе синтепоннан жасалады. Олар дене салмағынан толықтай бүгіліп кетуі немесе мүлдем бүгілмеуі мүмкін, яғни омыртқаны дұрыс ұстамайды. Бұлшықеттер омыртқаны ұстауға тырысып, ширығады, содан  арқада және қимыл-тірек аппаратында ауырсыну байқалады. Бұл мақалада ортопедия матрасының қандай болуы керек екенін анықтаймыз.

Қандай ортопедия матрасын таңдаған дұрыс?

Ортопедия матрастарының сипаттамалары мен түрлері:

• Серіппелі блоктары тәуелді матрастар толқындарды еске түсіртеді. Матрастың бір жерін басқанда, қысым көрші серіппелерге беріледі. Бұл бюджеттік және ұзақ қолдануға болатын нұсқалардың бірі. Алайда, біраз уақыттан кейін серіппелер сықырлай бастайды және олардың арасында шаң жиналып, неше түрлі паразиттер пайда болуы мүмкін. Серіппесі сынған ескі матрастар қолдануға жарамсыз, өйткені олар омыртқаның қисаюына немесе қимыл-тірек аппаратына теріс әсер етуі мүмкін.
• Серіппелі блоктары тәуелсіз матрастардың ерекшелігі – олардың барлық серіппелері бөлек қапта орналасқан, сондықтан оның бір жеріне түскен күш басқа жеріне әсер етпейді – тыныш ұйықтай аласыз. Орташа қызмет ету мерзімі 5-7 жыл, өзіңізге ыңғайлы қаттылық дәрежесін таңдай аласыз. Мұндай матрастар қымбатырақ, өкінішке қарай, серіппелер біраз уақыттан кейін сықырлай бастайды.
• Серіппесіз матрастардың серіппелері жоқ, берік қаппен оралған серпімді материалдар қолданылады. Мұндай матрастардың серіппелі әсері жоқ, дыбыс шығармайды, берік, ұзақ уақыт пайдалануға болады және ауыр жүктемелерге шыдамды. Серіппесіз матрастар қымбат және салмағы ауыр.

Серіппесіз матрастар басқа түрлерге қарағанда серпімді әрі ортопедиялық әсерге ие, сондықтан осы матрас түрін таңдау ұсынылады. Серіппелі блок болмағандықтан шу шығармайды және ұзақ мерзімге шыдайды.

Ортопедия матрасын қалай таңдаған жөн?

Ортопедия матрасын таңдау кезінде бірнеше белгіге көңіл аудару керек:

• Қаттылығы бойынша: ең көп ұсынылатын нұсқа – қаттылығы орташа матрастар, алайда бұл әр адамның жеке таңдауына байланысты.
• Қаттылығы аз матрастар қарттар мен 7-15 жас аралығындағы балаларға ұсынылады. Пенополиуретанмен толтырылған матрастар салмағы ауыр адамдарға жарамайды.
• Қаттылығы орташа матрастар бойы мен дене бітімі орта, дені сау адамдарға жарамды.
• Қаттылығы жоғары матрастар омыртқа аурулары бар адамдарға ұсынылады: остеохондроз, сколиоз және т.б. Мұндай матраста ұйықтау ыңғайлы болмауы мүмкін, бірақ сіздің денеңізді тиісінші берік ұстайды.

• Иесінің салмағына қарай: матрасты қолдану уақыты мен ұйқының жайлылығы осыған байланысты. Сипаттамада көрсетілген максималды салмақтан  5-20 кг артық матрасты таңдаңыз.
• Орта салмақты адамдарға қалыңдығы орташа матрастар жарайды.
• Салмағы аз адамдарға тым қалың матрас алудың қажеті жоқ.
• Артық салмағы бар адамдар үшін биік матрастар алу ұсынылады.

Ішіндегі материалға қарай ортопедия матрасын таңдау:

• Латекстің қаттылық деңгейі жоғары, дене пішініне ыңғайланады, кеуектілігі жоғары болғандықтан, матрас ауыр салмаққа шыдамды және құрылымын тез қалпына келтіреді, тозуға төзімді, аллергиялық әсері жоқ.
• Кокос шүйкесі: ылғал тез буланады, экологиялық таза материал, емдік қасиеттері бар, шірімейді, зиянды компоненттері жоқ.
• Пенополиуретан: тозуға төзімді, ауыр салмаққа және үлкен дене салмағына шыдамды, өте қолжетімді бағамен сатып алуға болады.
• Холлофайбер: салыстырмалы түрде жұмсақ материал, серпімділігі жоғары, тозуға төзімді, гипоаллергенді, ауа өткізеді, ылғалға төзімді.

Қай фирманың ортопедия матрасын сатып алған дұрыс?

Бағасы мен сапасы бойынша ортопедия матрастарына бір шолу жасайық. Ортопедия матрастарының танымал үлгілері мен брендтері:

1. Light Way Mix матрасы – уақытылы ұйқы үшін тамаша нұсқа, матрастың материалы электрленбейді, соның арқасында төсек жабдығын жаю қиындық туғызбайды.
2. BeautySon Hit Comfort S1200 матрасы: қаттылығы орташа, сколиоз және буын ауруларымен ауыратындар үшін тамаша нұсқа.
3. Comfort Line Hard-HardStyle Light S1000 матрасы – ауыр жүктемелер мен ауыр салмаққа арналған.
   4. Mr. Mattress BioCrystal Effect XL матрасы – 55 жастан асқан адамдарға және жүкті әйелдерге арналған салыстырмалы түрде жұмсақ үлгі.
4. Honnemed Health – ортопедия матрастардан тұратын медициналық желінің танымал үлгісі, орташа қатты матрас, ұзаққа төзімді, берік және гипоаллергенді.