Пайдалы жаз: балаларыңызға қалай пайдалы демалыс ұйымдастыруға болады

Жаз – қуаныш, ыстық күндер, отбасылық ойын-сауық және көптен күткен демалыс уақыты. Әрбір ата-ана өз баласының үш айын мектепсіз, гаджетке немесе компьютер экранына қадалмай, мүмкіндігінше ұмытылмас және пайдалы өткізгенін қалайды. Балаңызға пайдалы әрі көңілді демалыстарды қалай ұйымдастыру қажеттігі жайында бас қатырудасыз ба? Уайымдамаңыз, осы мақалада балаңыздың қалай және немен айналысуға болатындығы туралы бөлісеміз 🙂

Балаларыңыз үшін пайдалы және қызықты жазғы демалысты ұйымдастыру жоспары

Талқылаңыз

1. Алдағы жазға жоспарларыңызды балаңызбен алдын-ала талқылаңыз. Күнделікті қатал жоспар құрып, оны барлық курстар мен сабақтарға жазып, қатты шеттен шығудың қажеті жоқ. Оқушыларға сабақтан толыққанды демалыс керек, алайда жаздың бәрі босқа кетпеуі үшін еркімен жіберудің де қажеті жоқ. Әңгімені баланың өткен жаздағы әсерлері туралы сұраудан бастауға болады: бәрінен не ұнады, не жақсы есте қалды, ең жақсы сәт және т.б. Уақыт өткізудің барлық мүмкін нұсқаларын жазып шығыңыз.

Жоспар

2. Оларды санаттарға бөлуге кеңес береміз: хобби, шығармашылық, спорт, әуес, оқу, сабақ, отбасылық бос уақыт және т.б. Әрі қарай, әр санат астына сіздің балаңыздың қалауы мен бейімділігі бойынша, оның нақты не істегісі келетіні және сіз оған ата-ана ретінде не қалайтындығына байланысты белгілі бір әрекеттерді енгізіңіз. Осы әрекеттерді бірлесе отырып деңгейлерге бөліңіз, яғни олардың әрқайсысына қанша уақыт бөлінетінін анықтаңыз.

Шаруашылық міндеттері

3. Үй жұмысы міндеттерін бөлісіңіз. Жазғы демалыс кезінде баланың ата-анаға көмектесуі шарт, сондықтан міндетті түрде осы тармақты ескерте кетіңіз. Баланың басқа ересектер сияқты отбасына өз үлесін қосып жатқанын сезінуі маңызды. Бұл баланың бойындағы жауапкершілік пен тәртіпті арттыруға көмектеседі. Балаңызға үй шаруасына байланысты бірнеше таңдау ұсынуға кеңес береміз, бірақ жалықтыратын және іш пыстыратын міндеттерді жүктемеңіз. Әрине, балаңызды мақтауды ұмытпаңыз!

Отбасылық демалыс

4. Уақытты отбасыңызбен өткізіңіз. Оқудан тыс уақыт – отбасылық байланыстар мен дәстүрлерді нығайту және жақындасу үшін ең жақсы және қолайлы сәт. Балаңызға және бүкіл отбасыңызға мүмкіндігінше жиі уақыт бөлуге тырысыңыз. Таза ауада кешкі ас ұйымдастырыңыз, үстел ойындарын ойнаңыз, саябақта бірге велосипед тебіңіз немесе жазғы кітап клубын өткізіңіз. Кез-келген бала үшін отбасымен өткен сәттер ұмытылмас және баға жетпес 🙂

Жаңа эмоцияларды қосыңыз

5. Жаңа эмоциялар ұсыныңыз. Балаңыз үшін әдеттегі ортаны өзгерте алсаңыз өте жақсы болады: жаңа орындар, жаңа таныстар, жаңа адамдар, жаңа әсерлер мен білім. Бұл тек шетелге және әр түрлі саяхатқа шығу деген сөз емес: сеніңіз, балаға жаңа эмоцияларды оның туған қаласында да беруге болады. Бұрын бірге жасап көрмеген ерекше нәрсені ойластырыңыз: жаңа мұражайға барыңыз немесе жұмбақ қазына іздеу жөнінде квест ұйымдастырыңыз.

OLX сізге балаларыңызбен бірге ұмытылмас және пайдалы жазғы демалыс өткізуді тілейді! 🙂