Пульсоксиметрді қалай таңдау керек: пайдалы кеңестер.

Бүгінгі үйдегі дәрі құтыларында түрлі дәрі-дәрмектер ғана емес, сонымен қатар түрлі құрылғылар бар. Ең кең тарағандардың бірі пульсоксиметр – қанығуды, басқаша айтқанда, қандағы оттегінің концентрациясын өлшеуге арналған құрылғы. Құрылғы коронавирус, жүрек-қан тамырлары және басқа да аурулардың белгілерін диагностикалау үшін қолданылады. Қанықтылық деңгейін дұрыс өлшеу үшін жауапкершілікпен қарап, ең жақсы пульсоксиметрді таңдау маңызды. OLX хабарландыру қызметінен импульстік пульсоксимтердің түрлі үлгілерін таба аласыз 🙂

Түрі

Ең көп таралған және үйде қолдануға ыңғайлысы – саусаққа бекітілетін пульсоксиметрлер. Ол корпусының ішінде саусаққа арналған ойығы бар кішкентай ғана қыстырғыш. Бұл құрылғының тағы бір аналогы бар – білекке тағатын пульсоксиметр. Сыртқы пішіннен басқа артықшылықтары мен айырмашылықтары жоқ. Осы ең танымал түрлерден басқа, құрылғының басқа үлгілері бар: стационарлық, белдік, сенсорлары бар портативті және ұйқыға арналған мониторлар. Функционалдылығы мен сыртқы түрі бойынша олар білек пен саусақтың пульсоксиметрінен айтарлықтай төмен.

Пішіні

Қандай пульсоксиметрді таңдауға болады? Пішіні сай келмейтін пульсоксиметрмен қандағы оттегі деңгейін өлшесек, көрсеткіштер нақты болмауы мүмкін. Бұл құрылғы балаларға және ересектерге арналған. Сондықтан алмас бұрын оның қолдану мақсаты, кім жиірек қолданады және кімге сатып алып жатқаныңызды анықтаңыз. 

Форм-фактор

Батареясы бар қанықтылық өлшегіш құралы үйде пайдалану үшін өте қолайлы. Ол өте ыңғайлы және пайдалану оңай портативті гаджет. Орны ауыстырылмайтын пульсоксиметрлер клиникалық мақсаттарда стационарларда қолданылады. 

Басты сипаттамалары

Пульсоксиметрлерді салыстыру кезінде құрылғы көрсететін деректердің нақтылығына көңіл аударыңыз. Құрылғының рұқсат етілген қатесі – +/- 2% дәлдікпен индикаторлар. Көрсетілетін кескіннің сапасына назар аударыңыз, сандар ешқандай кедергісіз анық көрінуі керек. Қанықтылық деңгейін өлшеудің орташа жылдамдығы 10-15 секунд, жұмыс үшін көп уақытты қажет ететін пульсоксиметрді алмаңыз. 

Қосымша функционал 

Құрылғының қосымша функционалы көп болған сайын, бағасы да артады. Пульсоксиметр қарапайым құрылғы, қанықтылықты өлшеу үшін девайстың ерекше мүмкіндіктерге қажеттілігі жоқ. Бірақ түсті дисплей, сенсорлар және т.б. сияқты қосымша мүмкіндіктер ыңғайлы және оңай пайдалануды қамтамасыз ете алады.

Құжаттар

Құрылғының сапасымен қателеспес үшін нарықта танымал брендтерді таңдаңыз. Құрылғыға берілген сертификат пен лицензияның барына көз жеткізіңіз.

Қандағы оттегіні өлшеу құрылғысын дұрыс қолдану қажет, оны қолданбас бұрын нұсқаулықпен танысыңыз:

1. Құрылғыны саусақтың соңғы фалангасына (сұқ саусаққа тақсаңыз жақсырақ болады) немесе білекке немесе басқа жерге (пульсоксиметрдің түріне байланысты) орнатыңыз;
2. Іске қосу түймесін басып, бірнеше секунд күтіңіз;
3. Бірнеше секундтан кейін құрылғының экранында екі сан шығады – қанықтылық және пульс көрсеткіштері;
4. Пульсоксиметр ешқандай нәтиже көрсетпесе немесе бұрмалап көрсетсе датчикті көлденең қойып, саусағыңызды екі жағынан қысыңыз.
5. Қолыңыз тоңып қалған болса немесе тырнағыңыз гель бояумен қапталған болса, құрылғыны пайдаланбаған жөн, өйткені пульсоксиметр жұмысы қиындайды.

Сау адамның орташа қанықтылық көрсеткіштері – 95-100%.