Қазақстанда той жасауға қанша қаражат керек?

Тұрмыс құры – адам өміріндегі ең маңызды оқиғалардың бірі. Сондықтан көп жұптар бұл күнді есте қаларлықтай етіп, ерекше өткізуді армандайды.

Қазақстанда той қалай өтеді?

Қазақстанда той жасау қымбатқа соғады, себебі, бұл жай ғана неке тіркеп, банкет өткізу емес. Тойға дейін бір қатар рәсім өткізу қажет, мысалы, құдалық, сырға салу және тағысын тағы. Қазақша той өткізу үшін жұпқа қанша қаражат керегін, OLX есептеп көрді =)

Тәтті шай (ата-ананы таныстыру)

Бұндай кездесулер әдетте ресторандарда өтеді. Орта есеппен бір адамға шот 5000-6000 теңге құрайды. Тәтті шайға он шақты адам жиналады. Үйге шақыру үнемдірек болады.

Құдалық

Құдалық рәсіміне кем дегенде жиырма адам жиналады. Құдалық үйде де, ресторанда да өткізіледі. Дастархан, қоржын, ұйымдастырудан бөлек жаңа туыстарға сыйлық алу қажет. Орта есеппен құдалыққа 300–500 мың теңге мөлшерінде қаражат керек. Сонымен қатар сырға салу рәсімі де бар, қалыңдыққа сырға әкелу керек. Құдалық пен сырға салуды бірге өткізген қаражатыңызды үнемдейді. Екі бөлек шара өткізсеңіз қалтаңыз қағылады.

Салтанатты бөлім мен банкет

Салтанатты шараға арналған қаражаттың басым бөлігі киімге жұмсалады, яғни қалыңдық мен күйеу жігіт киімі:

• Қалыңдық көйлегі мен аксессуарлар, көйлек, фата, аяқ-киім мен әшекей бұымдар кем дегенде 200 000 теңге. Алайда жалға алған анағұрлым арзанға түседі, 100 000 теңгеден көп емес.
• Күйеу жігіт киімі: костюм + жейде + аяқ-киім – орта есеппен 100 000 теңге.
• Неке сақиналары – 100 000 теңге шамасында.
• Ресми неке қию + құжаттар рәсімдеу-мемлекеттік баж 2000 теңге. Қаласаңыз неке қию залында салтанатты рәсім өткізе аласыз, оған 30 000 теңгеден 100 000 теңгеге дейін жұмсау керек болады. Бағалар өңірлерде әртүрлі.
• Фото мен видео қызметтері – 80 000 теңгеден басталады.
• Той кортежі – 50 000 теңгеден басталады.
• Ресторанда банкет өткізу. Жалпы құны қонақ санына байланысты өзгеріп отырады, сондай-ақ ресторанның орналасқан жері де рөл ойнайды. Орта есеппен бір қонаққа шот 7 000 теңгеден 30 000 теңгеге дейін құрайды.

• Тамада – 150 000 теңгеден басталады.

Қалыңдық жасауына не кіреді?

• Махаббат-көрпе – жас жұбайларға арналаған жамылатын көрпе;
• Тор көрпе – қонақтарға арналған көрпешелер;
• Сандық
• Төсек орын мен жиһаз;
• Үй тоқымасы (дастархан мен сүлгілер);
• Ыдыс-аяқ (асүйге керек жарақтың бәрі) пен киім (қалыңдық жаңа үйде киетін киім-кешегі )
• Тұрмыстық техника (кір жуғыш мәшине, үтіг, қысқатолқынды пеш, тоңзатқыш және тағысын тағы).

Тойға дайындық кезінде қалай ақша үнемдеуге болады?

Қазақстанда той шығыны шамамен 1,5 млн теңгеден басталады. Бұл адам өміріндегі ерекше сәт екені сөзсіз, және барлығын жоғары деңгейде болғанын қалаймыз. Тойға қатысты ойларыңызды жүзеге асыру қалтаңыз көтереді ме?! Белшеден қарызға батқанша, қаражатыңызды үнемдеңіз, мысалы, видеооператор жалдау міндетті емес. Мобилограф жалдаған арзанға түседі. Аксессуарлар сатып алудың да қажеті жоқ, тіпті көп жағдайда тойдан кейін оларды шаң басып жатады, жалға алған тиімдірек болады. Сонымен қатар қоржын, дорбалар және сияқты той ұсақ-сүйектерді де жалға алған жөн. Жер үйде тұратын болсаңыз, ресторанға ақша жұмсамай, үй ауласын безендіріп, той өткізсеңіз болады.