Саяжайда сізге міндетті түрде қажет болатын 5 құрал 

Жаз жақындап қалды, бұл саяжайлық маусымның уақыты таяды деген сөз! Бұл мақалада OLX өзін құрметтейтін кез келген саяжай тұрғынының үйінде қандай құралдар болу керектігі жайлы айтады 🙂

Күрек

Бұл құралдың бірнеше түрі болуы мүмкін: сапер, төртбұрышты, найза тәріздес, дренажды және т.б. Таңдауыңыз саяжай аумағында қолданысқа ең ыңғайлы болатын күрекке түссін. Мысалы, найза тәріздес күректер борпылдақ топырақ үшін қолданылады. Құралды өзіңізге сай таңдаңыз, күрек иығыңыздан 10 сантиметрге төмен болуы керек. Алюминий күректерді сатып алуды ұсынбаймыз, олар қолайлы емес және қысқа мерзім қызмет көрсетеді.

Тырма

Саяжай аумағында тырма болмаса, жерді қопсыту, топырақ кесектерін бөлшектеу немесе топырақты тегістеу мүмкін емес. Тістеріне байланысты бұл құрал бірнеше түрге бөлінеді:

• Тістері түзу металл тырмалар қоқыс жинауға ыңғайлы;
• Тістері иілген металл тырмалар жерді қопсыту үшін қажет;
• Желпуіш тәрізді тырмалар тек шөптерді, көгалдарды және т.б. тазалау үшін қолданылады.

Айыр

Көкөністерді қазу, шөптерді немесе қоқыстарды жинау үшін сізге айыр қажет болады. Оның тістерінің арасындағы ұзындық мен қашықтық бірдей болуы керек. Тұтастай металдан жасалған айырларды таңдауыңызды ұсынамыз, олар ұзақ мерзімге шыдайды және қолдануға ыңғайлы.

Кетпен

Кетпенде ең бастысы – жүзі, оның қалыңдығы кем дегенде 2-3 мм болуы керек. Құрал жерді қопсытуға, қажетсіз арамшөптерді жоюға, атыз жасауға және т.б. қажет болады.

Балта

Бұл құралдың басты артықшылығы – оның көпфункциялы болуы. Балтаның көмегімен отын жаруға және ағашты шабуға, қажет болса бұталарды қысқартуға немесе қадаларды қағуға болады.