Тауарды онлайн сатып алу кезінде неге назар аудару қажет?

Онлайн алаңдарда сан-алуан түрлі тауар табуға болады. Сұраныстан ұсыныс көп болғандықтан кейде не таңдарыңды білмей әлек боласың. Тауар алғанда сатушыға назар аударған жөн.

#1 Кеңес 

Керек тауарды тапқаннан кейін тауар сипаттамасына назар аударыңыз. Тауар өндіруші, жасалған материал, мөлшері мен салмағы туралы ақпарат болу тиіс. Қымбат тауар болса, күтім туралы қосымша ақпарат берілу қажет. Әдетте, сапалы тауарға 1 жылдан 3 жылға дейін сапа кепілдігі беріледі. Кепілдік тек 3 айға немесе мүлдем берілмесе бір гәп бар. 

#2 Кеңес 

Тауар сипаттамасымен қоса суреті де болу керек. Бірнеше сурет болғаны дұрыс. Сурет сапасы жақсы болуы тиіс. Әдетте, компаниялар кәсіби фотограф жалдап, тауарды әртүрлі ракурстан түсіріп, әр тұсынан көрсетуге тырысады. Сурет бұлғыр және нашар сапалы болса, тауар сипаттамаға сай келмеуі мүмкін. 

#3 Кеңес 

Жалған сатушы қармағына түсіп қалмаңыз. Сатушы парақшасын зерттеңіз. Байланыс деректеріне, нөмірдің сәйкестігі, қанша уақыт бұрын тіркелген, қандай тауарлар сатады, кері байланысқа қаншалықты тез шығады деген сияқты тұстарына назар аударыңыз.

#4 Кеңес 

Баға ең маңызды пункттердің бірі. Нарықтағы орташа бағадан арзан болса, тауар жақсы күйде әрі жаңа екеніне көз жеткізіңіз. Тауардың бағасы тым арзан немесе шартты болса, алаяқтарға тап болуыңыз мүмкін. Сатушы жеткізу қызметін қамтамасыз ете алмай, “бір жерде кездесу” сұраса, адам көп шоғырланған жер таңдаңыз. 

#5 Кеңес 

Төлем жасау тәсілін алдын ала нақтылап алыңыз. Қолма-қол төлем немесе чек/поштаға хабарлама мүмкіндігі бар төлем тәсілін таңдаңыз. Тауарды қолыңызға алғаннан кейін ғана банк картасына ақша аударыңыз. Шетелге ақшаны ешқашан жібермеңіз. Жеткізу тәсілін және жеткізу төлемін алдын ала нақтылап шешіңіз. 

Біздің кеңестер OLX-та саудаңыздың оңай әрі жағымды өтуіне септігін тигізеді деп үміттенеміз!