Техника үш жыл өмір сүреді: тұрмыстық техниканың қызмет ету мерзімін қалай ұзартуға болады?
Тұрмыстық техника арзан тұрмайды, тиісінше, ол қаншалықты ұзақ қызмет етсе, соншалықты жақсы. Ең бастысы, құрылғыларды пайдалануды бастамас бұрын, нұсқауларды мұқият оқып шыққаныңызға көз жеткізіңіз. Көбіне дұрыс пайдаланбау оның бұзылуына әкеледі. Кез келген талғамға келетін, әртүрлі өлшем мен брендтегі тұрмыстық техниканы OLX хабарландыру қызметінен табасыз.
Кір жуғыш машина:
– Техниканы шамадан тыс жүктемеуге тырысыңыз. Бәрін бірден жуғаннан гөрі заттарды бірнешеге бөліп жуған жақсырақ.
– Жуғаннан кейін жуылған киімдерді бірден шығаруға тырысыңыз. Әйтпесе, мұндай ылғалды жүк барабанда ақаулық тудыруы мүмкін. Заттарды түймеленген түрінде, ал сыдырма ілгекті киімді теріс қаратып жуған жөн. Осылайша заттар тұтас және барабан да сызылып қалмайды.
– Соңғы үлгідегі көптеген машиналарда өзін-өзі тазалау бағдарламасы қарастырылған. Техникаңыз оны іске қосу қажет кезде сізге өзі белгі береді. Ал, егер мұндай бағдарлама болмаса, кем дегенде айына бір рет бос машинаны суды барынша қыздыру бағдарламасымен іске қосыңыз. Ұнтақтың орнына лимон шырынын, сірке суын немесе қақты кетіруге арналған арнайы құрал қосыңыз. Ұнтақ және кондиционерге арналған бөлікті де мезгіл-мезгіл жуып, тазалаңыз.
Тоңазытқыш:
– Тоңазытқышты тігінен ұстап жылжытыңыз, еңкейту бұрышын максимум 40 градусқа жеткізуге болады. Дұрыс тасымалданбаған жағдайда, май компрессордан ағып, тұрмыстық техниканың бүкіл жүйесін зақымдауы мүмкін.
– Кем дегенде жарты жылда бір рет тоңазытқышты өшіріп, жақсылап жуыңыз. Техниканың артқы жағын да шаң мен қоқыстан тазартуды ұмытпау керек.
Шаңсорғыш:
– Сүзгілердің күйін бақылаңыз, шаң жинақтаушыны уақытында тазалап тұрыңыз.
– Үлкен қатты заттардың, сондай-ақ кішкентай қатты заттардың шаңсорғышқа түсуін болдырмаңыз – мысалы, кір жуғыш ұнтақ. Бұл сүзгіні ғана емес, сонымен қатар жүйені бітеп, құрылғының қуатын азайтады.
Үтік:
– Бу үтіктері әрқашан тек сумен пайдаланылуы керек. Сонымен қатар, су міндетті түрде сүзгіден өткен, тіпті дистилденген болғаны жөн. Краннан алатын кәдімгі су үтік ішінде қақтың пайда болуына және біраз уақыттан кейін оның бұзылуына әкеледі.
– Үтіктің бетін тазалау үшін арнайы құралдарды қолданыңыз.
Сіз әлі де сүйікті жабдығыңыздың істен шығуымен бетпе-бет келдіңіз бе? Уайымдамаңыз,
OLX хабарландыру қызметінен қалаңызда кез келген тұрмыстық техниканы жөндеуші мастер таба аласыз!
Соңғы мақалалар
2019 жылғы мәліметке сүйенетін болсақ, Қазақстанда жұмыс көп болғанымен білікті мамандар жетіспейді…
OLX-те сіз браузеріңізде JavaScript өшірілген болуы мүмкін екенін хабарлайтын қатені көрген болуыңыз…
Смартфон енді адамға «тек байланыс үшін» функциясын ғана атқара алмайды. Бұл көңіл…
Егер сіз жаттығу залына бармасаңыз және жоспарыңызда арықтау болса, онда жаттығуларды үйде…
Күтім косметикасының ішінде патчтар — бұл теріні реанимациялау кезіндегі жедел жәрдем. Арнайы…