Жемістер мен көкөністерді кептіргіш не үшін қажет?

Көкөністер мен жемістерге арналған кептіргіш, яғни көкөністер мен жемістерді кептіруге мүмкіндік беретін құрылғы, сондай-ақ пайдалы заттар мен микроэлементтерді барынша сақтайды. Кептірудің көптеген артықшылықтары бар: ол ағзаны қажетті дәрумендермен байытады, зат алмасуды жақсартады, иммунитетті күшейтеді, ас қорыту жүйесін қалыпқа келтіреді және т.б. Кептіргіш қана емес, дегидратор да сатып алсаңыз болады. Дегидратор тамақ өнімдерінің ылғалын кетіретін құрылғы.

Екі құрылғының басты айырмашылығы техникалық функцияларында:

• дегидраторды пайдаланған кезде тамақты сақтау мерзімі анағұрлым ұзақ;
• дегидратордың неғұрлым күрделі конструкциясы бар: ауа ағыны арнайы әуе арналары арқылы жүреді, бұл ауаның біркелкі бөлінуіне ықпал етеді, бұл кептіру сапасына әсер етеді;
• кептіргішпен салыстырғанда дегидратордың қажетті температураны реттеу және орнату функциясы бар;
• дегидратор электр энергиясын төмен тұтынумен ерекшеленеді, өйткені конструкцияда температураны бақылау датчигі бар. .

Неліктен кептіргіш әр ас үйде болуы тиіс?

• Қысқы дайындамаларды жинақы сақтауға мүмкіндік береді.
• Құрылғының көмегімен әртүрлі пайдалы тағамдар дайындауға мүмкіндік аласыз: тәтті жемістер, зефир, тәттілер және тағысын тағы.
• Уақыт үнемдейді: қайнату, тұздау, банкаларды жабу және т.б. қажет емес. Кептіруге арналған контейнерге өнімдерді жуып, кесіп, салып қойсаңыз болғаны.
• Пісірудің жалпы уақыты орташа есеппен 6-10 сағатты алады және процесті үнемі қадағалап, араластырудың қажеті жоқ.
• Құрылғы бір уақытта әртүрлі өнімдерді: жидектерді, апельсиндерді, қызанақтарды және бұрыштарды кептіруге болатындай етіп жасалған. Құрылғының дизайнына байланысты бөгде хош иістер өнімдерге сіңбейді және бастапқы қасиеттерін сақтайды.
• Төмен температурада жұмыс істегендіктен және қант пен тұз пайдаланбағандықтан, тамақтық пайдалы қасиеттері сақталады.

• Өнімдерді қатты кептірмеген жөн. Орташа температура таңдаңыз, сонда жеміс пен көкөністер құрғақ әрі жұмсақ болып шығады.
• Жас әрі балғын өнімдер пайдаланыңыз.
• Жеміс пен көкөністі кішігірім етіп турап, контейнерде бір бірінен алшақ қойыңыз, сонда олар тезірек кебеді.
• Тұз бен қантты аз пайдаланыңыз, олар өнімдегі пайдалы микроэлементтерді азайтады.
• Қалың қабығы бар жемістерді кептірмес бұрын, қайнаған ыстық суда ұстаңыз. Бұл өнімнің сапасын жақсартады.
• Дайындамаларыңыз көгеріп кетпес үшін салқын әрі құрғақ жерде сақтаңыз.

Қуаты:

Құрылғы қаншалықты қуатты болса, ол сіздің өнімдеріңізді тез кептіреді. Мысалы, 350 Ватт көкөністер мен жемістерді аз мөлшерде ғана кептіруді жоспарлағандар үшін қолайлы болады. 600-1000 Ватт-тан құрылғылар тұтас өнім дайындау үшін жарамды.

Басқару түрі:

• механикалық басқару: қосқыш, ажыратқыш батырмалары, сондай-ақ өздігінен орнатылатын терморрегулятор батырмалары;
• электрондық басқару кептіру уақытын және қажетті температураны дәл қоюға қабілетті.

Қабаттар саны:

Орташа есеппен алғанда 5 деңгейлі кептіргіштер жиі кездеседі. Тұғырлар көбейген сайын, сәйкесінше, көкөністер мен жемістерді құрғата аласыз, бірақ құрылғының қуатын ескеруді ұмытпау керек, ол жұмыстың берілген көлемін орындауға күш салады.

Қосымша функционал:

Сіз дайындауларыңыздың дайындық процесін жеделдететін қосымша фишкалары бар құрылғыны таңдағыңыз келе ме? Мысалы, бұл салқындату функциясы немесе дайын болған кезде құрылғыны өшірентін автоматты таймер болуы мүмкін.

Ет пен балыққа арналған кептіргішті пайдалануға бола ма?

Бұл құрылғының тағы бір басты артықшылығы – көпфункционалдық. Кептіргіштерді көкөністер мен жемістер үшін де, балық пен ет үшін де пайдалануға болады. Кептіру әдісі өте қарапайым: етті немесе балықты бірнеше күн тұздан жасалған ерітіндіде сақтаңыз, содан кейін аппаратқа салып, ең төменгі температурада кептіріңіз.

Үйіңіздегі кептіру қысқы маусымға, өзіңіз бен отбасыңыздың қорына жақсы дайындалуға мүмкіндік береді, сондай-ақ түрлі дайындамалармен тамақтану рационыңызды әр түрлі етеді:)