Кофеханаға арналған кофемәшине таңдаймыз

Бүгінгі күні нарықта кофеханалардың түр-түрі бар, алайда клиенттердің сүйіспеншілігі мен сенімін жаулап алу оңай емес, сапалы өнім ұсынып отырғаныңызға сенімді болу қажет. Сол себепті, кофе аппаратын мұқият таңдаған жөн. Кофемәшинені қалай таңдау керек? Неге мән беру керек?

• Автоматты кофемәшинелер сусынды 40 секундта дайындауға мүмкіндік береді. Адам көп келетін мекемелерге қолайлы, ондай мекемелерге баристадан гөрі барлық процесстердің автомандырылғаны маңызды.
• Мүйізшелі аппараттарға қосымша кофе тартқыш алу қажет, себебі сусын тартылған дәндерден жасалады. Тартылған кофе дәмін ұзақ уақыт бойы сақтамайды,  сондықтан сапасы да нашарлау болып есептеледі.
• Капсулалық аппараттар кофе капсулалары негізінді кофе жасайды, яғни шектеулі сусын түрін дайындай аласыз.
• Тамшылық кофемәшинелер тек американо дайындайды және 8-10 минут уақыт қажет етеді.

Кофемәшине таңдаған да, кафе немесе ресторан иелері қандай жұмыс көлемі болатынын түсіну қажет. Мысалы, кофехана адам көп келетін жерде орналасқан болса, форматы бойынша фаст-фудқа жақын болса, сапалы әрі тез жасалатын сусындарды қамтамасыз ету қажет болады. Суперавтоматтар бұндай жағдайда ең қолайлы. Айына 300-500 кеседен көп кофе жасамайтын болсаңыз, бір ғана жұмыс группасы бар кішігірім кофемәшине жеткілікті болады. Мыңнан асатын болса, екі группасы бар аппарат алуға кеңес береміз. Құрылғы бренді мен бағасы мекеменің жұмыс форматына, және кофехананың баға сегментіне тікелей байланысты екенін ескергеніңіз жөн.

Негізі техниканың артық функциясы болмайды, кофемәшиненің опциялары неғұрлым көп болса, соғұрлым жақсы. Аппаратыңыздың … функционалы болғаны жөн:

• Электрқуатын үнемдеу үшін автоматты қосу/өшу;
• Кофені тару мен реттеу;
• Кофе порцияларын талдау, яғни көлем мен жұмыс айналымын қадағалау мүмкіндігі;
• Ысып кетуден қорғау, термотұрақтылық;
• Өзтазарту.

Кофемәшине жұмыста тек ыңғайлы емес, сондай-ақ қауіпсіз болуы тиіс. Мысалы, мәшиненің су төгетін құбыры бітелмеуі керек, капучинатор жанып кетпеуі керек және т.б. Сондықтан, сатып алмас бұрын, капучинатордың қызметкерлерге күйіп қалмас үшін «салқын жанасу» функциясы бар екеніне көз жеткізіңіз. Машина қай жерде орналасатынын, оның қанша орын алатынын және сіздің мекемеңіздің интерьер дизайнына сәйкес келетінін алдын ала ойластырыңыз.