OLX PRO-мен қалай жұмыс істеуге болады?

OLX PRO. Хабарландырулар импорты мен экспорты

Жаңа OLX PRO құралы көмегімен үлкен көлемдегі хабарландырулармен жұмыс істеп, ассортиментіңізді кеңейтуге мүмкіндік бар.  Жаңартулардың бірі – хабарландыруларыңыздың барлығын сервиске жүктеп және одан  бәрін бірге шығарып алу мүмкіндігі. Хабарландыруларды импорттап, экспорттау үшін файлдың ерекше форматы – CSV-ді қолданған жөн екенін айтып кету қажет. Бір қарағанда формат мәтіндік кесте сияқты болады. Осы форматта жұмыс істеу үшін Google Sheets онлайн-сервисін пайдаланыңыз. 

Хабарландыруларды импорттау үшін профиліңіздегі OLX PRO қапталына өтіп, «Хабарландырулар импорттау»-ға басыңыз. Тауарлар орналасатын негізгі санатты таңдаңыз. Ерлер киімін сататын болсаңыз «Киім және аяқ-киім» деген жалпы снатты емес, ерлер киімі санатын таңдауыңыз қажет. Бұдан кейін импорт батырмалары белсенді болады. 

CSV файлын жаңадан құрыңыз немесе экспорттау үшін пайдаланған файлды қолданыңыз. Жаңа файл құрғыңыз келсе, хабарландыруларды импорттауға арналған үлгіні жүктеп алған оңай әрі тез болады.

CVS файл үлгісін алу үшін, «Хабарландырулар импорты» батырмасын басыңыз, хабарландыру санатын таңдап, «Үлгіні жүктеп алу» батырмасын басыңыз. Файл үлгісі компьютеріңізге жүктеледі.

Хабарландыруларды импорттау

Алаңдардағы глоссарий кестені дұрыс толтыруға көмектеседі. Қандай алаңдарды міндетті түрде толтыру керек екенін білу үшін, глоссарийді басыңызды.  

Ерлер киімі болса, тақырыбы, сиппатамасын, қаланы, бағасын, валюта түрін, ахуалын жазу міндетті. 

Өрістертердің дұрыс мағынасын глоссарий білуге көмектеседі. Мысалы, валютаны файлда таңбамен емес, аббревиатураны қолданып немесе латын әліпбиімен жазады. 

Ақпарат дұрыс көрсетілуі үшін, жүктелген CSV файлды Google Кесте көмегімен ашыңыз. «Google Sheets» деп іздеп, сілтемеге өтіңіз. Жаңа құжат құрып, жүктелген CSV-файлды ашыңыз. «Файл», «Ашу» қапталына өтіңіз.Содан кейін, «Жүктеу» қыстырма терезесіне өтіп, «Құрылғыдан файл таңдау» батырмасына басыңыз. Компьютерге жүктелген CSV-файлды тауып, «Ашу» дегенді басыңыз. 

Файл ашылғаннан кейін, санатқа байланысты OLX-тағы хабарландыру ID, тақырып, сипаттама, қала, аудан, суретке сілтеме, баға, валюта, жеткізу, тауардың жағдайы және т.б. көресіз. 

OLX-қа жаңа хабарландыру жүктеу үшін, қажетті бағанға тауар туралы ақпаратты жазыңыз. Бастысы хабарландыру – ID енгізбеңіз. Бағананы бос қалдырыңыз. Сол жағдайда ғана жүйе жаңа хабарландыру екенін анықтай алады. 

Тақырыбын таңдаңыз, сипаттамасын жазыңыз, қала ID-ін, бағасын, валюта түрі мен жағдайын енгізіңіз. “Ерлер киімі” санаты үшін басқа ештеңе толтырмайсыз.

СRM-жүйесімен жұмыс істеу үшін, external_id/SKU өрісін толтырыңыз. Бұл код сатып алушыларға көрінбейді. Бұл опция сатылым есебін жүргізу үшін пайдалы. 
Содан кейін хабарландыруға сурет қосу керек. Оның екі тәсілі бар. Біріншісі: суреттер бар ZIP-файлды OLX-қа жүктеу. Алдымен  компьютеріңізде оны жасап, яғни қажет суреттерді таңдап, мұрағаттауыңыз керек. 

Архивке жүктегіңіз келетін файлдарды бөліп алыңыз. 
Бөліп алынған файлдың біріне тінтіуірдің оң батырмасын басыңыз. Мұрағат атауы сіз таңдаған файлмен бірдей болады. 
Контектстік мәзірде «Жіберу» > Ықшамдалған ZIP-папка дегендерді таңдаңыз. Содан кейін CSV-файлына  «Images» өрісіне суреттер атауын енгізіңіз. 

Файл атауы файл кеңейіміне, яғни түріне сәйкес болу керек. Бұл жағдайда бұл үш әріп JPG, файл атауы мен файл кеңейімі арасында нүкте болу қажет. Файл кеңейімін көрмесеңіз, операциялық жүйеге байланысты оның көрсетілуін құрылғыларда қосуға болады. 

Бір суреттен көп болса, атауын тік сызықпен бөлу керек. CSV-файлға қосқан фото атауы мен әріптер регистрі ZIP-файлмен сәйкес болу қажет. 

CSV-файлды компьютерге сақтау үшін, «Файл» содан кейін «Жүктеу» дегенді басып, CSV форматын таңдау керек. Файл компьютерге жүктеледі. Содан кейін дайын СSV-файл мен ZIP-мұрағатты жүктей беруге болады. 

Файлдарды жүктеуден бұрын, суреттерді хабарландыруға қосудың екінші тәсілін қарастырайық. Суреттер онлайн-қоймада немесе файл алмастырғышта болса, CSV-файлда «Images» өрісіне суреттер сілтемесін енгізсеңіз болады. 

Бір суреттен көп болса, олардың сілтемелерінің арасын тік сызықпен бөлу керек. Бұл жағдайда ZIP-файлды жүктеу керек емес. СSV-файлды өзгерткіңіз келсе, яғни алдында экпортталған болса, ескі хабарландыруларды түзете аласыз және жаңа хабарландырулар қосуға болады.
 
OLX-та жарияланған тауар туралы ақпаратты өзгерту үшін қажетті өрістерде деректерді өзгертсеңіз жеткілікті. Мысалы, тақырып, сипаттама және баға. Бастысы – бірінше өрістегі ақпаратты өзгертпеңіз де, өшірмеңіз. Әйтпесе, жүйе оны жаңа хабарландыру деп қабылдайды да, қажетті хабарландыру жаңартылмайды. 

Хабарландыру импорты кезінде, ең кең тараған қателіктерге бой алдырмаңыз:

• Қате санат таңдалған, бос файл жүктелген, файл өрістерінде қате ақпарат енгізілген; 
• Толтыруға міндетті өрістер бос қалған 
• Хабарландыру ID-і OLX-та жарияланған хабарландыруларға сәйкес келмейді. 
• Жарияланған хабарландыруды жүктеуге тырыстыңыз;
• ZIP-файлдағы суреттер форматы платформаға сәйкес келмейді.
  
  Сонымен, суреттерді екі тәсілдің бірімен жүктеп болғаннан кейін, хабарландыру импортын бастауға болады. Файлды жүктеп, «OLX-қа импорттау» батырмасын басыңыз. Бірнеше секундттан кейін қалқыма терезеде импорт нәтижесін файл атауымен көресіз, «Жүктелу барысында» немесе «Аяқталды» деп шығады. Жүктелген хабарландырулар саны, жаңа және түзетілген, өзгертілмеген немесе жарияланбай қалған хабарландырулар саны болып көрсетіледі. 
  Қандай қателік кеткенін білу үшін, CSV-файлды жүктеп алыңыз, қабылданбаған хабарландырулардың қабылданбау себебі жазылып тұрады. 
  Импорттау формасы астында OLX-қа жүктеу тарихын көре аласыз. Егжей-тегжейін білу үшін, «Нақтылау» батырмасын басыңыз. Жүктеу аяқталғаннан кейін хабарландыруларыңызды OLX PRO қыстырма терезелерінен көруге болады: 

• Белсенді – топтама сатып алған болсаңыз және пайдаланбаған орналастыруыңыз болса; тексерістен кейін жүктелген хабарландырулар OLX-та жарияланады. 
• Күту барысында: пайдаланбаған тегін хабарландырулар куту тізімінде болады, содан кейін белсенді болады. 
• Төленбеген: хабарландыру жариялау шегіне жеткен болсаңыз, шектен тыс шыққан хабарландырулар осы папкаға жиналады;
• Белсенді емес: белсендірілмеген хабарландырулар; 
• Қайтарылғандар: модерациядан өтпеген хабарландырулар. 

Хабарландыруларды экспорттау 

 Хабарландыруларды экспорттау үшін, профиліңізде OLX PRO қапталын ашыңыз. «Хабарландыруларды экспорттау» деген батырманы көресіз, соның көмегімен экспорттай аласыз. Ол батырма экспортталатын хабараландыру тиесілі санатын таңдағаннан кейін ғана функция белсенді болады. 

Хабарландырулар кіретін тиесілі санатты таңдау үшін, «Сүзгілер» батырмасын басыңыз. Хабарландыру ерлер киіміне тиесілі болса, экспорттау үшін «Сән және стиль» > «Киім және аяқ-киім» > «Ерлер киімі» дегенді таңдаңыз. 

Тиесілі санатты білсеңіз, іздеу өрісіне жазып, тез қажет санатты таба аласыз. 

Қажет болған жағдайда басқа да сүзгілерді қолдануға болады. Мысалы, нақты күн бойынша. Қажетті сүзгіні таңдаған соң, сүзгіленген хабарландыруларды көресіз, сосын “Хабарландыруды экспорттау” батырмасы белсенді болады. Тауарлары бар дайын CSV-файл ды жүктеу үшін, сол батырманы басыңыз. Алайда, оны компьютерде орнатылған офистік бағдарламалардың көмегімен ашпаңыз.

Ақпарат дұрыс көрсетілуі үшін, жүктелген CSV-файлды Google Кесте көмегімен ашқан жөн. «Google Кесте» дегенді іздеу алаңына жазып, сілтемеге кіріңіз. Жаңа құжат құрыңыз және жүктелген CSV-файлды ашыңыз. «Файл» қапталына кіріп, ашыңыз. Содан кейін «Жүктеу» қапталына өтіп, «Құрылғыдан файлды таңдау» батырмасын басыңыз. 

Компьютерден жүктелген CSV-файлды тауып, «Ашу» дегенді басыңыз. Файл ашылғаннан кейін, санатына қарай OLX-тағы хабарландыру ID-і, тақырып, сипаттама, қала, аудан, сурет сілтемесі, баға, валюта, жеткізу, жағдайы т.б. көресіз.  

Хабарландыруларды экспорттау бірнеше хабарландыруды бірден өзгерту керек болған жағдайда ыңғайлы.

Осы CSV-файлды компьютерге сақтау үшін, «Файл» >  «Жүктеу», сосын CSV форматын таңдаңыз. Файл компьютеріңізге жүктеледі. Бұл файлды OLX-қа тауарларды импорттау үшін де пайдалануға болатынын айта кеткен жөн.