OLX-та тауарларда қалай сатуға болады? Хабарландырулар копирайтингі бойынша кеңестер

OLX-та хабарландыруларды қарап отырғанда кейбірлері “ерекше” әсер қалдырады. Қызықтыратыны соншалықты, сатушыға бірден қоңырау шалып келісуге дайын боласыз. Ал кейбір хабарландыруларды көзіміз елемей өтіп кетеміз. Кей хабарландырулар қызықтырса, кейбірлері ешбір қызығушылық тудырмайды, оның сыры неде? Хабарландыруды сапалы әрі тартымды етіп жаза білсеңіз, ешқандай сиқырдың да қажеті жоқ. Оны үйрену үшін, осы мақалада бөліскелі отырған кеңестерімізді жадыңызға сақтаңыз =) 

• Алдымен хабарландыру мазмұнына көңіл бөлген дұрыс. Сатып алушы ретінде тауар туралы қандай ақпарат алғыңыз келер еді? Яғни, OLX пайдаланушылары хабарландыруыңыздан не тапқысы келер еді деген сұраққа жауап беруге тырысыңыз. Коммерциялық ұсынысыңызды қалай бастап, қалай аяқтар едіңіз? 
• Ал енді, хабарландыру тақырыбы бен сипаттамасының кезегі келді. Пайдаланушылар бірінші кезекте хабарландыру тақырыбы мен мәтініңіздің бірінші сөйлеміне мән беретінін ескергеніңіз жөн. Оны қаншалықты сапалы әрі тартымды жассаңыз соғұрлым көп пайдаланушы жазбаңызға кіріп, тауар туралы қосымша ақпарат іздеуге алысады. Сондай-ақ хабарландырудың бірінші бөлігінде көп қосымша ақпарат бермегеніңіз дұрыс болады. Ақпаратты кішкентай мөлшерде бөліп бергеніңіз абзал. 
• Хабарландыру құрылымын да ұмытпаңыз. Сөздер арасында бос орын қалдыруды және абзацтарға бөлуді ұмытпаңыз. Құрылымы жоқ біріңғай мәтінді қабылдау қиын, сол себепті хабарландыруыңызды пайдаланушылар елемей өтіп кетуі мүмкін. Нақтылық мен тұтастық сапалы хабарландыру кепілі. 

• Грамматикалық қате жібермеңіз және қысқартулар қолдаңбаңыз! Қатесі көп, ұйқасы жоқ сөздері бар хабарландыру сенім тудырмайды, келісесіз ғой? Хабарландыруды жарияламастан бұрын, мәтінді тексеріп алыңыз, қателер болмасын. Сондай-ақ қысқартылған сөз қолданбаңыз. Хабарландыруыңыз жеңіл оқылуы тиіс =) 
• Қиындатудың қажеті жоқ! Тауардың толық сипаттамасын оқу үшін бөлек сілтемеге өтуді сұрау орынсыз болады. Пайдаланушылардың көбі артық әрекет жасағысы келмейді, онымен қоса қосымша күдікті әрекеттер ешкім орындағысы да келмес. Сипаттамаға арналған терезеде бәрін жазғаныңыз жөн =) 
• Хабарландыру стиліне келетін болсақ, басты кеңесіміз: мүмкіндігінше бәрін түсінікті жазыңыз және бірегейлігіңізді де жоғалтпаңыз. Тауарды сипаттауға жеңіл әрі түсінікті сөздер пайдалануға тырысыңыз. Сайттағы басқа ұсыныстар арасында ерекшелену үшін, фантазияңызға жүгініп, қызық сөйлем құрылымдар пайдаланыңыз. 
• «Ең арзан тауарлар!», «Елдегі ең жақсы қызмет!» деген жалпылама сөз тіркестерін көп қолданбаңыз. Бұндай сөз тіркесетері сенім тудырмайды. 
• Бір тауар – бір хабарландыру. Бір хабарландыру арқылы бірден бірнеше тауар сату қолайсыз. Әр тауарға жеке хабарландыру жасасаңыз сатылым шансы ұлғаяды. 
• Хабарландыруды рәсімдеудегі соңғы қадам – сурет тіркеу. Сурет клиентті қызықтырады әрі, сенімділік тудырады. Тауарды көргенде оны сатып алғыңыз келері сөзсіз =) 

Хабарландыруларыңыз сапалы, саудаңыз сәтті болсын!