OLX-тағы бизнес тауашалары

Бизнес үшін алаң іздеп жүрсеңіз, OLX таптырмас алаң. Күнделікті 18 миллион тауарлар сұранысы жасалады, бір айда бұл 560 миллионды құрайды. Пайдаланушылар мен сатып алушылар саны ұсыныстан бірнеше есе көп,  Мысалы, 2020 жылдың наурыз айы мәліметіне сүйенетін болсақ, OLX-та 150 мың сауда  және 400 мың қызмет көрсету компаниялары тіркелген. 

Неден бастаймын? 

Экономиканың басты қағидасы  “Сұраныс ұсыныс тудырады” демекші бизнес бастайтын болсаңыз тауар немесе қызмет сұранысқа ие екеніне көз жеткізіңіз. Бұл онлайн-бизнеске де қатысты. Біріншіден тауарды адамдар күнделікті мәселелерін шешу үшін сатып алады. Мысалы, телефон немесе мультиварка сатып алу себебі, қоңырау шалу сапасын жақсарту,  немесе күнделікті тұрмысты жеңілдету болып табылады. 

Маслоу моделіне жүгіне отырып бизнесіңізді құрыңыз, сіздің қалада, ауылда немесе айналаңызда адамдардың қандай қажеттілігі бар, және оларды қалай қанағаттандырмақ ойыңыз бар? 

Бизнес тауашалары ішінде денсаулық, фитнес және  косметика тауарлары аса танымал. Алайда, бәсекелестік те жоғары, бірақ оған қарамастан шын мәнінде қызығушылығыңыз болса,  бұл салада бағыңызды сынап көрсеңіз болады. 

Қандай тауашалар жоғары сұранысқа ие? 

1. Тіл курстары мен аударма

Ағылшын тілі не бәрі 21% халықтың негізгі тілі екенін білесіз бе? 2050 жылы АҚШ халқының көбісі испан тілінде сөйледі деген болжам бар. Ал Канадада Қытай экономикалық дамуына байланысты мектептерде қытай тілі үйретуде. 

Адамдардың жаңа тілге деген қызығушылығы мол. Бірнеше он жылдық ішінде ағылшын тілінен бөлек басқа шет тілін үйренуге тура келеді. Кейбір ірі компаниялар бүгіннің өзінде қызметкерлерден бірнеше шет тіл білуді талап етеді, кейбіреуі қаражатын қызметкерлерге тіл үйрету курстарына жұмсап жатыр. 

CSA Research мәліметі бойынша 2017 жылы тіл бизнесінің жылдық айналымы 43 миллиард АҚШ долларын құрады. 

Онлайн бағдарламалар мен сайттар онлайн сабақ беруге мүмкіндік береді. Қазақстанда ағылшын тілі мен қазақ тіліне сұраныс жылдан жылға ұлғаюда, аудармашылар тапшылығы сезіледі. Қазақ, ағылшын немесе басқа тіл маманы болсаңыз, хабарландыру жариялап өз қалаңызда онлайн немесе оффлайн сабақ бере бастасаңыз болады. 

2. Жануарларға арналған тауарлар 

Батыспен салыстырғанда Қазақстанда үй жануарларына көп назар аудармайды. Алайда, қала тұрғындарының көбі үй жануарларын асырап, тауарларға онлайн тапсырыс жасайды. 

Жануарларды жақсы көретін болсаңыз, ойыншықтарды, грумингке арналған құрал-саймандарды және пайдалы тағамдарды дүкеннен табу қиынға соғатынын білесіз. Мысалы, басқа елдерден арнайы тағамға тапсырыс беретін болсаңыз, өзіңіз де жануарларға арналған тауашалы өнімдерді сата аласыз.

Сонымен қатар, сирек кездесетін жануар тұқымдарын өсіретін мамандар бар. Шаштараздар мен pet-sitter’лер де бар (жануарлар күтушілері). Үй жануарларының дамуына көп көңіл бөлетін қожайындар арасында аса танымал және көбінесе олар жақсы маман таба алмай қиналады.  

3. Дұрыс тамақтану және үй тағамдары 

Аналардың көбісі үй шаруасынан гөрі жұмыс пен мансапты таңдайтын болды, бірақ оған қарамастан отбасы мүшелерін пайдалы аспен қуантқылары келеді. Спорт сүйер қауым да пайдалы тамақ ізденіс үстінде. Арнайы спорт тағамдары әдетте өте қымбат, ал күнде тамақ дайындау көп уақыт талап етеді. 

30 күндік фитнес-тамақтану және тамақ жеткізу сервистері жоғары сұранысқа ие, бағалары қымбаттау болып келеді. 

Тамақ пісіру сүйікті ісіңіз болса, рецептеріңізді бөлісіп, қазақстандықтардың сүйікті тағамдарының дайындамасын сата бастасаңыз болады. Тәтті тоқаштар мен өзбек палауын дайындай аласыз ба? Бұл тағамдарды сүйсіне жейтіндер де көп. 

Тамақ жеткізу және тағамдар дайындамаларын үйде жасап бастасаңыз болады, кейінірек көмекшілер жалдап бизнесіңізді ұлғайта аласыз. Жақсы стартап идеясы. 

4. Хендмейд және эко-тауарлар 

Ерекше дизайны және жеке тапсырыспен тігілген хендмейд заттарға да сұраныс жоғары. Бастысы өзіңіздің ерекшелігіңізді дұрыс көрсете білу. 

 Бәлкім, тек табиғи маталардан, ашық түстер қолданып, немесе pluz size киімдер тоқисыз/тігесіз, әлде балалар киім ғана тігесіз бе? Ісіңіз сүйіп істесеңіз және мақсатты аудиторияңыз кім екенін білсеңіз, OLX-та өз сатып алушыңызды қиындықсыз табасыз. 

Экологиялық тауарлар да соңғы жылдары жоғары сұраныста, эко-cөмкелер, вегандар мен вегетариандықтарға арналған тағамдар және тағы басқа. Бұл тауарлардың танымалдығы көбейгенімен, нарықта енді-енді дамып келе жатқан тауаша. 

5. Үй және авто шеберлер/ұсталар қызметі

Үйде жөндейтін нәрсе ылғи табылады, бірде үстел сынып қалса, екіншісінде көлік отталмай қалады. 

Қолыңыздан осындай заттарды жөндеу келетін болса,  OLX-та өз қызметіңізді ұсына аласыз. 

Автосүйер қауым әртүрлі тұтынушылар категориясын құрайды. Май ауыстырып, шина жөндеуден бөлек, кейбір көлік иелері аксессуарлар алып, қаптау өзгертуге ақша аямайды. Автоға қызығушылығыңыз болса, нарықта не жетіспейтінін өзіңізде білесіз, сондықтан іске сәт! Батыл қадамдардан қорқпаңыз. 

Қарқынды дамып келе жатқан бес тауаша туралы осы мақалада сөз қозғадық. Бір нәрсеге құмарлық танытып, ол саланы жақсы білетін болсаңыз (бәлкім хоббиіңіз болар), онда тауаша бизнес идеяларын қиындықсыз жүзеге асыра аласыз деп сенеміз. OLX бизнесіңізді кеңестіп, сатып алшылар табуға көмектеседі. 

Дереккөз: 

https://www.americanpetproducts.org/press_industrytrends.asp

https://forbes.kz//process/education/skolko_yazyikov_nujnyi_v_kazahstane/

https://csa-research.com/More/Media/Press-Releases/ArticleID/12/Global-Market-for-Outsourced-Translation-and-Interpreting-Services-and-Technology-to-Surpass-US-43-08

https://blog.languageline.com/by-2050-u.s.-could-have-more-spanish-speakers-than-any-country