OLX тауарларды қалай сату керек?

Сәтті хабарландыру құпиясы неде? Сатып алушыны тез табу жолдары қандай? OLX хабарландыруыңыз елеусіз қалмасы үшін не істеу керек? Кейбір пайдаланушылар тауарларын еш қиындықсыз, қысқа мерзімде сатады, бұның бағасына еш қатысы жоқ. Сәтті сатылым жасау үшін көптеген факторларды ескеру керек, олар туралы толығырақ осы мақалада айтатын боламыз. 

Анық әрі сауатты жазылған хабарландыру 

Хабарландыру атауы мен сипаттаманың бірінші сөйлемі, ең маңызды бөліктері.  Себебі сатып алушылардың көзі ең алдымен соларға түседі. Клиенттеріңізді қызықтыра алатын маңызды ақпаратты сыйдыруға тырысыңыз. Сипаттаманы қатесіз және қысқартуларсыз жазуға тырысыңыз. “Ең арзан тауарлар”, “елдегі ең үздік қызметтер” сияқты жалпы сөздерді қолданудан сақ болыңыз. Ондай құрылымдағы сөйлемдер сенім тудырмайды және әсер қалдырмайды. Хабарландыруыңыз түсінікті және жеңіл оқылатын болуы тиіс. 

Анық құрылымды

Сөздер арасындағы бос орын және абзацтар туралы ұмытпаңыз. Босы орынсыз жазылған тұтас мәтінді оқу қиын болғандықтан, клиенттеріңіз хабарландыруды елемей кетуі әбден мүмкін. Мүмкіндігінше ерекшеленуге тырысыңыз, бірақ анықтық маңызды екенін де ұмытпаңыз. Тауарыңызды жақсы сипаттайтын, жеңіл әрі қарапайым тілмен жазыңыз. 

Расталған жеке ақпарат 

“Koroleva81”, “Batman” сияқты орынсыз лақап ат жазбаңыз, тек расталған жеке және байланыс ақпараты. Компания атынан хабарландыру жариялайтын болсаңыз, әлеуметтік желілерге сілтемені міндетті түрде қалдырыңыз. Осылайша, клиенттеріңіз ұйымыңыз туралы толығырақ ақпарат ала алады. OLX сервисінде “Бизнес-парақша” опциясы барын ұмытпаңыз. Бұл опция клиенттер сенімі мен қолдауын ұлғайтады. 

Бір тауар – бір хабарландыру 

Бір хабарландыруға бірнеше тауар қоспауға кеңес береміз, себебі бұл мүлдем тиімсіз стратегия. Әр тауарға бөлек хабарландыру жасасаңыз пайдаланушылар қызығушылығын арттырып, тауарды сату мүмкіндігіңіз көбееді. 

Оңтайлы баға 

Тауарыңыздың бағасы оңтайлы болғаны жөн. Нарықтық бағаларға көз жүгіртіп шығыңыз, ұқсас ұсыныстардың бағасын қарап шығыңыз, тек содан кейін тауар/қызмет бағасын орнатыңыз. 

Сапалы сурет 

Хабарландыруыңызға тіркелген сурет клиентке сенім ұялатып, қызығушылық тудырады. Сурет сапасы жоғары болуы тиіс, тауарды әртүрлі ракурстан көрсететін, бірнеше сурет жүктеген дұрыс болады. 

OLX-пен сауда жасаған оңай! Мәмілеңіз сәтті болсын, клиенттеріңізді қуанта беріңіз! =)