Сәлемдес: нетворкинг ережелері және пайдалы таныстық құру сырлары

Мансап құру үшін, көп адаммен кездесіп, өзіңіз туралы мәлімдеме жасап, көп таныстық құруға тура келеді. Сәтті адамадарға қарағанда оңай нәрсе көрінгенімен, іс жүзінде оны үйрену керек. Пайдалы таныстық қалай құрып, сақтау керектігі туралы айтып береміз. 

Нетворкинг гурусы Кейт Феррацци айтпақшы, байланыстар торы неғұрлым көп болса, көмектесе алатын керек адамды табу соғұрлым оңай. Барлық байланыстар маңызды, алайда бизнес әлеміндегі байланыстармен бөлісе алатын адамдар аса құнды. Ғылыми дәлелденген, жақсы байланыстар құрудың бірнеше тәсілі бар. 

Коворкингтерге барамыз

Пайдалы таныстық құру үшін коворкингтер бар. Коворкинг жалға алынға офистік кеңістік, әдетте арзан бағаға жалдау мүмкіндігі болғандықтан фрилансерлер шоғырланған. Үйде немесе кафеде де жұмыс істеуге болады, алайда коворкингте пікірлес адамдар жиналады. 

Ісіңізді енді бастаған болсаңыз, коворкинг сияқты жерлерде команда жинап, дизайнға тапсырыс беріп, тіпті қызмет көрсеті бартеріне де келісе аласыз. Ең бастысы коворкингтер бәріне қол жетімді. Олар Қазақстанның ірі қалаларында бар, сіздің қалада әлі ондай жерлер ашылмаған болса, бәлкім сіз бастаманы өз қолыңызға алу керексіз. 

Кәсіби қауымдастық 

Қауымдастық бөлігі болсаңыз, нарықта болып жатқан өзгерістер туралы білу, кәсибі мамандармен байланыста болу және бағалы тәжірибе алу дегенді білдіреді. Сондықтан оларды елемеу мансаптық жолыңызды бұғаттаумен бірдей. 

Кәсіби қауымдастыққа  кіру үшін лекцияға немесе митапқа (тематикалық кездесулер) барсаңыз болады. Көп жағдайда олар нәтижелі нетворкинг құру мақсатымен ұйымдастыралады, сондықтан бұл пайдалы таныстықтар құру үшін таптырмас орта. Сондай-ақ, өз салаңызда жұмыс істейтін адамдарға жазудан ұялмаңыз, олар сізді керек адаммен таныстыра алады. 

Бірінші қадам жасаңыз

Бірінші таныстық кезінде сіз туралы ешқандай пікір қалыптаспайтынын есте сақтауыңыз керек. Табысты адамдар нетворкинг құндылығын жақсы түсінеді, сондықтан артық уақыттары болса сізбен қуана-қуана әңгіме құрады. Алдымен сәлемдесіп, өзіңіз туралы қысқаша айтып кеткеніңіз жеткілікті болады. Қажет деп санасаңыз қысқаша таныстыруды алдын ала дайындаңыз. .

Кездесуге дайындық 

Кәсіби қауымдастық бөлігі болғыңыз келсе, әлеуметтік желілердің маңыздылығын түсінуіңіз керек. Сондықтан, аккаунтыңызды «жетілдіріңіз», өзіңіз туралы ақпаратты толтырыңыз, сапалы суреттер жүктеңіз, жұмыс тәжірибеңіз туралы жазыңыз. 

Танысқанда әлеуметтік желілерге сілтеме бересіз, алайда сұхбаттасыңыз бірден парақшаларыңызды қарап шықпайды, кейінірек қарауы мүмкін әлде мүлдем ұмытып кетуі мүмкін. Кейін аккаунтыңызға кіргенде ешқандай ақпарат болмаса сізді мүлде танымауы ықтимал. Сондықтан, әлеуметтік желілерде ақпаратты толықтырып жазып қойыңыз. 

Екіншіден, әлеуметтік желілерде белсенді адам жылы шырайлы болып есептеледі. 

Кейт Феррации кеңесіне сай: «Жеке брендіңізді құрыңыз және әлеуметтік желілер мен бұқаралық ақпарат құралдарына қатысыңызды қамтамасыз етіңіз». 

Жемісті таныстық құпиясы

Адамға қызығушылығыңызды танытығыз, мамандығы, іс-шара туралы ойлары туралы сұраңыз. Диалог құрып, сұхбаттасушыды тыңдай білу керек, әйтпесе әңгімеңіз тергеуге айналып кетеуі ықтимал. Сондай-ақ бір жақты диалог құрмаңыз, демек жақсы әңгіме құра білетініңізді көрсетуіңіз керек. Сонымен қатар,  сұрақтарды алдын-ала дайындаудан қысылмаңыз, әңгіме барысында өзіңізді қызықтыратын сұрақтар бойынша көбірек мәлімет ала аласыз. 

Кейт Феррацци айтпақшы, «Маңызды санайтын үш адамды белгілеңіз. Мен оларға не ұсына аламын және олар маған не ұсына алады деген сұраққа жауап беріңіз». 

Іс-шара уақыты шектеулі болғандықтан, болатын қонақтар тізімін алдын ала қарап шығыңыз, қысқаша ақпарат табуға тырысыңыз. Белгілі мәселе бойынша сұрағыңыз болса, керек адамды тауып сұрағыңызды қойыңыз. 

Әлеуметтік өмір жүргізу жай ғана дағды, оны дамыту үшін уақыт қана керек. Қолыңыздан келетініне күмәнданбаңыз. Нетворкингті кеңейту бизнесіңізді жаңа сатыға шығаруға оң әсерін тигізеді.