Сұлулық салонын ашу үшін қанша қаражат қажет?

Нарықтағы қаржылық жағдайға тәуелсіз кейбір тауашалар ылғи сұраныста болады. Бьюти-индустрия солардың бірі, себебі әр адам жас, әдемі әрі жақсы күтінген болғысы келеді. Адамды көп жағдай да сырт келбетіне қарап бағалайды. Бұл сала әлеуеттілігін ешқашан жоғалтпайды, жылдан жылға жаңа трендтер, инновациялар мен сұлылық түсініктері пайда болып жатыр.

Келесі сұраққа жауап беріңіз:

– Қазақстанда сұлулық  салонын қалай ашуға болады?

– Сұлулық салонын ашуға қанша қаражат қажет?

– Қазақстанда сұлулық салонын ашуға қандай құжаттар қажет?

OLX тобы осы тауашаға байланысты сұрақтарға жауап беруге тырысты 🙂

Бьюти-индустрия Қазақстанда қарқынды дамып келе жатқан салалардың бірі. Сұлулық  салонын ашу тиімді ме? Нарықта ұсыныстар өте көп, алайда қорқудың қажеті жоқ. Статистикаға сәйкес бьюти-индустрияға сұрыныс жыл сайын 7,8% өсіп отырады. Мәселен,  2019 жылы өсім 19% құрады. Әйелдер күтім процедураларына айына  шамамен 15-30 мың теңге жұмсайды. Нарықта ұсыныс қаншалықты көп болса да, барлығына жеткілікті орын бар, сондықтан сұлулық салонының табыстылығы туралы алаңдаудың қажеті жоқ. Қазірдің өзінде жұмыс істеп тұрған бизнесмендер барлық салынған қаражаттың қайтарымы жоғары деп отыр. Таза пайдаға алты айдан кейін немесе 1-2 жылдан кейін қол жеткізе аласыз. Сұлулық салоны қанша табады? Кәсіпкерлердің табысы орта есеппен айына 500 мың – 2 млн теңге құрайды.

Жеке ісіңізді бастамастан бұрын, сұлулық салонын ашуға қандай шығындар болатынын түсіну қажет:

Орын

Офисты адамдар көп жерден сатып алған немесе жалдаған жөн, мысалы, көпқабатты үйде, қаланың ыңғайлы ауданында орналасқан бизнес-центрде. Интерьер дизайнын егжей-тегжейлі ойластырыңыз, клиенттерге ыңғайлы әрі жайлы болғаны маңызды, сонда олар ылғи сізге келетін болады.

Сұлулық салонына арналған жабдықтар

Ақшаны үнемдемей сапалы жабдық алыңыз. Бір рет сапалы аппарат, жиһаз алсаңыз ұзақ мерзімге бұл мәселені шешім аласыз. Жабдықтар тізімін қызмет түріне байланысты әзірлеңіз, мысалы, шаштараз салоны, маникюр, педикюр, косметология және тағысын тағы.

Шығыс материалдары

Шығыс материалдары да қызмет түріне байланысты таңдалуы тиіс. Маникюр маманына лак, декоративтік элеметтер: жапсырмалы моншақтар, жапсырмалар, т.б., шаштаразға: лактар, бояулар, тағысын тағы. Сұлулық салонына міндетті материалдар:

– Бірреттік жайма;

– сулық, бірреттік орамал;

– бірреттік қолғап;

– бетперде;

– бірреттік тәпішке;

Мамандар

Сұлулық салонының басты табыс көзі – мамандар. Адамдар ең алдымен маманның дағдылары, тәжірибесі мен кәсіптігіне сүйеніп, келеді. Қызметкерлеріңізді ұдайы білім көтеру курстарына жіберіп отырыңыз. Бьюти саласының тендециялары жылдам өзгеріп отырады, клиенттерге жаңалық ұсыныңыз. Қандай маман керегін түсіну маңызды. Мәселен, тәжірибесі мол шаштараз мамандары тез жұмыс істей алады, ал жас мамандар креативге жақын болады.

Ресми рәсімдеу

Қазақстанда бизнес тіркеу үшін ЖК мен ЖШС форматын таңдай аласыз. ЖК ашқан жағдайда салық аз төлейсіз, әрі оңайлатылған бухгалтерлік есеп жүргізесіз. Жеке кәсіпкерлікті тіркеу де оңай және шығыны аз. Дегенмен, бизнестің бұл түрінің кемшіліктері бар: басқа қалада/облыста филиал ашу мүмкін емес, ұйымның барлық міндеттемелері үшін өз мүлкіңізбен жауап бересіз. ЖШС тіркеу процедурасы жеке кәсіпкермен салыстырғанда біршама күрделірек және қымбатырақ, жоғары мөлшерлемедегі салықтардың көп мөлшері және бухгалтерлік есеп сәл қиынырақ. Сондай-ақ жеңілдетілген негізде ЖШС аша аласыз, бұл сізді жоғары салық мөлшерлеме және қиын есеп беру мен есеп жүргізуден босатады. Ол үшін қызметкерлердің саны 30 адамнан аспай,  кірісі 24 038 АЕК-тен төмен болуы қажет.

Аз инвестициямен сұлулық салонын қалай ашуға болады? Сұлулық салонын ашу үшін қанша ақша керек? Осы саладағы кәсіпкерлер үшін бизнес ашудың екі нұсқасы бар:

1. Сұлулық салонына орын жалға алу

Бұл жағдайда сіз бәрін нөлден бастайсыз: өзіңіз қолайлы бөлме іздейсіз, жөндеу жұмыстарын жүргізесіз, жабдықты, жиһазды сатып алып, қызметкерлерді жалдайсыз. Жалдау ақысы қалаға, ауданға және орналасқан жерге байланысты өзгереді. Бастапқы инвестиция 2 миллион теңгеден басталып, шамамен 20 миллион теңгеге жетуі мүмкін. Нөлден бастап сіз салоныңызды қажеттіліктеріңізге, тілектеріңізге және көзқарастарыңызға сәйкес реттей аласыз, бірақ жұмысы көп.

2. Дайын сұлулық салон бизнесін сатып алу

Дайын сұлулық салон бизнесін сатып алу қолайлы ма? Негізгі артықшылығы – сұлулық салонының дайын бизнес-жоспары. Алаңдамай, жабдық сатып алудың, клиенттерді тартудың, лайықты қызметкерлерді іздеудің қажеті жоқ, жай ғана жұмысқа қосылып, жол бойында өз түзетулеріңізді жасай аласыз. Кемшіліктердің арасында: жоғары тәуекел,  бизнестің табыстылығын объективті бағалай алмайсыз. Дайын сұлулық салон бизнесін сатып алу құны 3 миллион теңгеден және одан да жоғары, барлығы жабдыққа және бизнестің даму деңгейіне байланысты.