Қазақстанда тәжірибесіз үміткер  жұмыс таба ала ма?

Оқуды жақында бітіріп, алғашқы жұмысыңызды табу үшін  еңбек нарығына кірдіңіз бе? Әлде мамандығыңызды өзгертуге бел буып, мүлдем жаңа кәсіпке қадам баспақ ойыңыз бар, бірақ тәжірибесіз жұмысқа қалай тұруға болатынын білмейсіз бе?

Жұмыс берушілердің еңбек тәжірибесі жоқ барлық үміткерлерден бас тартқан кездері артта қалды. Өйткені, бүгінде еш тәжірибе және өтіл болмастан, қиындықсыз жұмысқа тұруға болады. Ең бастысы – үнемі ізденісте болу. Осыған біздің OLX хабарландыру қызметіміздің «Жұмыс» санаты сізге көмектесе алады.

Болашақ жұмысыңызға қатысы бар, оқып шыққан курстар мен тренингтер тізімін көрсетіңіз. Жоғары біліміңізді айта кетуді ұмытпаңыз. Егер біліміңіздің жұмысқа еш қатысы жоқ сияқты боп көрінсе, үзілді-кесілді бас тартпаңыз. Менеджмент, әлеуметтану, тарих және т.б мамандықтардың барлық компанияларда пайдасы тиеді. Жұмыс тәжірибесі жоқ үміткерлерге білімі, тағылымдамадан, түрлі курстардан өткендігі туралы және т.б. мәліметтерді баса айту өте маңызды. Ұялмаңыз, осы бөліктерді барынша ашып, олардың барлығын түйіндемеңізге жазып көрсетіңіз. 

Егер лауазым үшін жүзеге асырылған жобаларыңыз арқылы біліктілігіңіз бен дағдыларыңызды көрсету қажет болса, онда түйіндемемен қоса жоғары сапалы портфолио дайындау қажет. Көбіне бұл дизайн, жобалау және т.б. тәрізді шығармашылық бағыттағы кәсіптерге керек. Портфолиода алдыңғы жобаларыңыздың барлық мәліметтерін көрнекі түрде көрсетіңіз. Егер бағдарламашы лауазымына үміткер болсаңыз, портфолиода өзіңіз жұмыс істеген бағдарламаларды, түрлі стартап жобаларға қатысқан кездеріңіз, бағдарлама кодтарын және т.б. қосып жазыңыз. Өзіңізді шектемеңіз, шығармашылыққа еркіндік беріңіз, ақпарат көрнекі және қолжетімді болуы керек. Егер әлеуетті жұмыс берушіге көрсете алатын ешқандай кейстеріңіз болмаса, портфолиоға қандай да бір ақпарат қосу үшін барыңызды салыңыз. Практикалық тәжірибе алуға тырысыңыз, мысалы, жаңадан бастаған тестілеушілер үшін Google Play-де қолданбаларды тестілеуге болады.

Ілеспе хат сіздің түйіндемеңізге қосымша түсіндірме хат болып табылады, бірақ бірдей ақпарат ешқашан қайталанбауы керек. Ілеспе хат жұмыс орнына қойылатын талаптар негізінде жазылады. Бос жұмыс орнының мәтінін тағы бір рет мұқият оқып шығыңыз және «талаптар/қажетті дағдылар мен білім» бөліміне аса көңіл бөліңіз. Осы ақпаратқа сүйене отырып, сіз оларды өз деректеріңізбен салыстырып, егжей-тегжейлі сипаттауыңыз керек. Сіздің басты міндетіңіз – негізгі дағдыларды дұрыс әрі сауатты сипаттап, осы лауазымға ең қолайлы үміткер екеніңізді көрсету. Алдыңғы жұмыс орнынан немесе оқыған жерден қызықты сәттерді қосыңыз. Сонымен қатар, өтінім беретін ұйымның құндылықтарын білсеңіз, компанияның қалаулары мен көріністерін ескере отырып ілеспе хат жаза аласыз.

Тәжірибесіз және білімсіз жұмысқа қайда бару керек? Өзіңіз қалаған мансапқа қолжеткізудің бір жолы – ең төменнен бастап көтерілу. Бастапқы деңгейдегі жұмыс орнын немесе тіпті тағылымдама табып, тәжірибе жинаңыз. Жақсы төленбесе де, кейін түйіндемеңізге қосуға болатын құнды жұмыс тәжірибесін береді. 

Егер төмен жалақыға өмір сүру немесе ақысыз тағылымдамадан өту мүмкіндігіңіз болмаса, толық емес жұмыс күні немесе икемді кестесі бар басқа жұмыс табуға тырысыңыз, осылайша ақысыз жұмыстан қажетті тәжірибе жинайсыз. Мұндай нұсқаны біздің OLX хабарландыру қызметіміздің «Жұмыс орындары – Мансапты бастау, тағылымдама және тәжірибе» санатынан таба аласыз. 

Бірнеше жұмыста жұмыс істеу қазір қиын болғанымен уақыт өте келе ақталады, өйткені жалақысы жоғары жұмыс орнына өтініш бергенде нақты жұмыс тәжірибеңізді көрсете аласыз. 

Ізденістеріңіз барынша тиімді болуы үшін келесі нұсқауларды орындауды ұсынамыз:

1. Жұмыс істегіңіз келетін немесе одан әрі мансаптық өсу үшін қажетті бастапқы тәжірибе беретін компаниялардың тізімін дайындаңыз.
2. Осы компанияларда тағылымдамадан өту немесе басқа әріптестік мүмкіндіктерін тексеріңіз. Ұйымның сайтына кіріңіз, кері байланыс формасын толтырыңыз немесе HR бөліміне тікелей хабарласыңыз, ашық орындар туралы сұрастырыңыз.
3. Сізді қызықтыратын лауазым болса, түйіндемеңізді ілеспе хатпен бірге жіберіңіз.
4. Ұйымның кері байланысын күтіңіз. Біраз уақыттан кейін ешкім хабарласпаса, өзіңіз жайлы еске салу үшін қоңырау шалуға немесе бірінші болып жазуға ұялмаңыз. 

Көптеген мамандықтар, әсіресе шығармашыл мамандықтар үшін өзіңіз жаңа жобалар ойлап табу арқылы бұл жұмысқа қабілетті екеніңізді дәлелдей аласыз. Егер, мысалға, маркетинг саласында жұмыс істегіңіз келсе, әлеуметтік желілер және цифрлық маркетинг арқылы белгілі бір компанияны жарнамалау стратегиясын құрыңыз. Осындай салалар тәжірибесіз қашықтан жұмыс табуға мүмкіндік береді.

Жеке жобаларыңыздың болуы сіздің жасағыңыз келетін жұмысқа қажетті дағдыларды игергеніңізді ғана емес, сонымен қатар бастамашыл екеніңізді білдіреді. Бұл жұмыс берушіге сіздің жұмысқа қатты қызығып, тіпті бос уақытыңызды осы жұмысқа арнайтыныңызды көрсетеді. 

Тәжірибесіз жұмысқа қалай орналасуға болады? Тәжірибені қажет етпейтін жеткілікті жұмыс орындары бар, мұнда жұмыс беруші бірінші кезекте сіздің жеке қасиеттеріңіз және өзіңізді қалай көрсететініңізге қарайды, дағдыларыңыз жұмыс процесі барысында жақсарады. Мысалы, әкімшілер, менеджерлер, байланыс орталығының операторлары, көмекшілер және т.б. Іздеу кезінде ең бастысы – алаяқтарға алданып қалмау үшін сақ болу.