Резюме қалай құрастырамын?

Болашағы зор жұмыс іздеп жүрсіз бе, бірнеше вакансияда бағыңызды сынап көрмекшісіз бе? Ең алдымен, резюме сауатты жазылған болу керек. Ізденуші резюмесі сауатты әрі қысқа да нұсқа болса, ол туралы бірінші әсер де жақсы болады. Екінші мүмкіндік болмайды, сондықтан резюмеңізді дайындағанда аса мұқият болыңыз. Көптеген ұсыныстар ішінде елеусіз қалғыңыз келмесе, OLX дайындаған кеңеске құлақ түріңіз =) 

Компанияға, вакансияға сай резюмеңіз де өзгеріп тұруы тиіс. Барлық өмірлік тәжірибеңізді үш-төрт бетке жазудың еш қажеті жоқ. Жұмыс берушіге керек, яғни вакансия талаптарына және компания талаптарына сай ақпаратты ғана резюмеге енгізіңіз. Ұйым корпоративтік мәдениетін, мақсаттарын ескере отырып резюме дайындаңыз.

Резюме жасау қазір аса қиын іс емес, шаблондардың түр-түрі қолжетімді. Мысалы, OLX “Кандидат профилі” функциясын ойластырған, сервисте жұмыс тез табылады. Жеке профильді толтырып, ізденушіге  дайын резюме ғана беріліп қоймайды, вакансиялар да ұсынылады. Резюмені өзіңіз жасайтын болсаңыз, Canva сервисін, фотошоп, немесе ворд қолдануға кеңес береміз. Резюме сауатты болуы тиіс, алайда ерекшелігіңізді көрсететін дизайн таңдаңыз, графика қосыңыз, және тағысын тағы. Шаблонсыз істелген резюме ізденушінің жұмысқа деген қызығушылығын білдіреді. 

Резюмеде артық ақпарат болмау керек, тек маңызды, қысқаша жазылған болу керек. Бір сөзбен айтқанда қысқа да нұсқа болғаны жөн. Барлық жетістіктеріңіз, тәжірибеңіз көп дегенде екі A4 форматындағы қағазға сыйып кетуі тиіс. Пассив формадағы сөйлем қолданбауға тырысыңыз, мысалы “жұмыс орындалуына жауапты болдым” демей, “жауапты болдым”, “қолдандым” және тағысын тағы. Жалпылама, мазмұнсыз жазбай, ұзын сөздің қысқасы: қысқа да нұсқа жазыңыз. 

Резюме құрылымы дәйекті болғаны жөн. Бір құрылымға сай болса жақсы: 

• Лауазым: резюме атауына жазылады. 
• Фотосурет: құжатты жекешелендіруге мүмкіндік береді, нейтралды, жақында түскен сурет болуы тиіс. 
• Байланыс деректері: телефон нөміріңіз. Элетрондық пошта кәсіби болғаны жөн, мысалы, “boss777” деген жарамайды. 
• Білім: жоғары оқу орны, мамандық, бітірген жыл (болашақ жұмысыңызға қатысты тренинг/курстан алған сертификаттарыңыз болса, жазып қойыңыз). 
• Жұмыс тәжірибесі: дәйекті түрде жұмыс тәжірибесін және міндетіңізді қысқаша жазып шығыңыз, басты жетістіктерді/нәтижелерді де қосыңыз. Кәсіби біліктілігіңіз: болашақ жұмыс орнында қажет болатын қандай дағды және біліміңіз бар? Басқа жетістіктеріңізді де осында жазып өтсеңіз болады, сандар көрсетсеңіз тіпті жақсы, мысалы KPI көрсеткішін. 
• Мінездеме: бұрын жұмыс орнынан бірнеше мінездеме болса керемет. Бұрынғы жұмыс беруші жеке және байланыс деректерін беріңіз, жаңа жұмыс орны олармен байланысқа шығуға мүмкіндігі болса жақсы. 

Әртүрлі салада вакансияларды OLX хабарландыру сервисінен таба аласыз. Резюмеңізді біздің кеңеске сай түзетіңіз! Жұмыс тез табуға тілектеспіз!