Түйіндемеңізді ағылшын тілінде қалай жазуға болады?

Түйіндемеңізді халықаралық компанияға жібермекшісіз бе? Шетелдік ұйымның бөлігі болғыңыз келе ме? Алдымен қалай ағылшынша түйіндеме жазу керектігін түсінуіңіз керек. Ондай CV жазу кәдімгі түйіндемеден айтарлықтай ерекшеленеді, шетелдік компанияларды түйіндеме жазудың бірегейлігі мен стандартты емес тәсілі қызықтырады, ол мазмұны, дизайны немесе құрылымы жағынан болуы мүмкін.

Ескеруге тұрарлық негізгі белгілер – қысқа, сауатты, құрылымды, позитивті және жылышырай үнмен жазу. Кез келген түйіндемеде қателіктерге жол жоқ, көлемді мәтін көптен күткен шақыруға кепілдік бермейді, керісінше: аз сөз, көп мән. Егжей-тегжейлі мәлімет жазудың қажеті жоқ, тек әлеуетті жұмыс берушілерге маңызды әрі қызықты болатын аспектілерге ғана назар аударыңыз.

Бір түйіндемені бірнеше компанияға жібермеңіз. Барлық ұйымдар корпоративтік мәдениет, көзқарас және позициясы жағынан ерекшеленеді, сәйкесінше әр компания өздеріне сәйкес қызметкерлерді іздейді. Түйіндемеңізді компанияның бэкграундына және сіз өтініш беріп отырған лауазымға сәйкестендіріңіз.

Жұмыс тәжірибесі және дағдылар жайлы бағанда жұмыс берушіге қызықты болатын өзекті ақпаратты ғана қалдырыңыз. Рекрутерлер үйіндемені бірнеше секунд қана қарастырады, олардың көңілін “алу” маңызды. CVіңіз 2 парақшадан көп болып шықса, бірінші беттегі ақпарат HR-ды қызықтыратынын, оның келесі бетке қарағысы келетініне көз жеткізіңіз.

Барлық контактілеріңіз белсенді болуы керек, сіз жайлы кез келген ақпарат шындыққа сай келуі керек. Шетелдік компанияларға сіздің шынайылығыңыз бен әділдігіңіз маңызды. Кез келген ақпаратты оңай тексеруге болатынын ұмытпаңыз, әсіресе іс сұқбаты кезінде.

Рекрутерлерге оңай болуы үшін өзіңіз жайлы ақпаратты бірнеше секцияға бөліңіз. Көптеген сәтті СV-лер келесі пункттерді қамтиды:

– жеке деректер – “Personal details” (өзіңіз жайлы негізгі ақпараттан басқа, бұл тармақта сіздің мақсаттарыңыз бен әлеуетті жұмыс пен лауазымнан не күтетініңіз жайлы абзацты қамтиды);

– мықты жақтары –  ”Key strengths”;

– негізгі біліктіліктер мен қабілеттер – “Core competencies”;

– жұмыс тәжірибесі – “Professional profile”;

– білім –  ”Education history”.

Түйіндеме жазуға арналған стандартты қаріп – Arial, Cambria, Times New Roman, Verdana. 11–12 қаріп көлемін қолданған жөн, атаулар үшін – 14–16. Түйіндеме бөлімдерін қаралау немесе курсивпен белгілеңіз. Аты–жөніңіз, сондай–ақ мақсаттарыңызды үлкенірек, яғни 18–20 қаріппен жазыңыз.

Сізге жемісті ізденістерді және шетелдегі армандаған жұмысыңызға шақыру алуыңызды тілейміз 🙂