Келіссөздер қауіпсіздігі. Фейк сатып алушыларды қалай анықтауға болады?

Қызығушылық танытқан сатып алушы болып хабарласқан алаяқ банк картасы арқылы төлем жасауды қадала сұрайтынына мән беріңіз. Алаяқ карта нөмірін, барлық құпия ақпаратты (CVC-код, қолдану мерзімі), банк жіберетін СМС-кодтар сұрап алады. Әдетте бұндай сатып алушылар тауарды “брондау” үшін алдын ала төлем жасауды ұсынады. 

Осымен алаяқтардың ісі аяқталмайды. Олардың арсеналына фишинг сайттар мен егіз-сайттар бар. Белгілі брендтер мен қызметтердің атын жамылып, олар банктік картаңыздың немесе электрондық әмияныңыздың барлық деректемелерін енгізуіңіз керек форма жасайды. Жеке деректеріңізді енгізгеннен кейін, алаяқтар қаражатыңызға қолжеткізе алады. 

Алаяқтарды қалай анықтауға болады? 

1. Сатып алушы атын жамылған алаяқ мессенджер арқылы сізбен хабарласады. Нақтылаушы сұрақтар қойып, тауардың суретін/видеосын жіберуді сұрайды; 
2. Барлығын егжей-тегжейлі біліп алғаннан кейін алаяқ тауарды алуға дайын екенін айтады. Алайда “сатып алушы” басқа қалада тұратынын немесе тауарды алып кетуге уақыты жоқтығын хабарлайды; 
3. Сол себепті жеткізу қызметін пайдалануды ұсынады. OLX-тың жеткізу қызметі жоқтығын ұмытпаңыз; 
4. Жеткізуге келісім берсеңіз, форманы толтыруға сілтеме жібереді, ол жерге төлем қабылдау үшін банк картасы деректерін енгізу керек болады; 
5. Деректерді енгізгеннен кейін, алаяқтар шотыңыздан барлық қаражатыңызды шешіп алуға мүмкіндік алады. 

Сауда жасағанда әрдайым мұқият болыңыз. Сатып алушылармен хаттаманы сервсите ғана жүргізіңіз. Төлем қабылдау үшін банк картасы нөмірі жеткілікті. Сондықтан, CVC-код пен карта қолдану мерзімін үшінші тұлғаларға хабарламаңыз, белгісіз әрі қорғалмаған сілтемелерді ашпаңыз. 

Біздің сервисте алаяқтарға тап болсаңыз, Қолдау қызметіне және полицияға көп созбай хабарласыңыз. 

Сәтті әрі қауіпсіз сауда тілейміз!