“Жылжымайтын мүлік” айдарындағы қауіпсіздік туралы не білу керекпіз?

“Жылжымайтын мүлік” айдарында іздеу жасаған болсаңыз, кем дегенде бір рет алаяқтардың хабарландыруларына тап болдыңыз. Алаяқтар қармағынан сақтану туралы осы мақалада сөз қозғайтын боламыз. 

Ақпараттық агенттіктер 

Агенттіктер ұсынысы тиімді болып көрінеді. Жақсы жөндеуден өткен, ыңғайлы жерде орналасқан нысандарды ұсынады. Шын мәнінде іс жүзінде жоқ пәтерлер тізімі үшін төлем жасайсыз. 

Келісім шарттарын мұқият оқып шығыңыз. Мәміле іске аспай тұрып, төлем сұраған жағдайда, компаниямен жұмысты доғарған жөн. Жалға алу немесе сатып алу және сату турала келісімге қол қоймай алдын ала төлем жасауға асықпаңыз. 

Жоқ нысандар

Фейк агенттіктер жоқ нысандар немесе жалған ақпарат пайдаланып хабарландыру жариялайды. Хабарландыру жайында хабарласқаныңызда, басқа нысандарды ұсына бастайды. 

Хабарландыруларға сенбеген жөн: 

• Агент (делдал) хабарландыруды агенттік немесе үй иесі атынан жариялады. Әдетте алаяқтар алдымен қызмет үшін төлем жасап, келісімге қол қоюға ұсыныс жасайды, содан кейін нысанды да көрсетуге, үй иесімен де таныстыруға уәде береді; 
• Ұқсас ұсыныстармен салыстырғанда нысан бағасы әлдеқайда төмен; 
• Мәтіндегі телефон нөмірі әріппен, белгілермен жазылған немесе суретке түсірілген; 
• Нысан иесі шетелге кетейін деп жатыр немесе кетті; 
• Ашық ақпарат көзінен алынған сәнді пәтер суреті пайдаланылған; 
• Екінші бөлме жабық, жалға берілмейді “тек пәтерге қарау керек”. 

Мұқият болыңыз. Барлық хабарландыруларды талдап, нарықтағы орта бағаны анықтаңыз. Ең төмен бағасы бар ұсыныстар жалған болуы әбден мүмкін.