Мұздатылған көкөністер, жидектер және қыс маусымына арналған витамин қоспалары

Балғын жемістер мен көкөністерге не жетсін, алайда олардың да өз уақыты бар. Маусым аяғында ойға ең алдымен тұздалған, қайнатылған жеміс-көкөністер келеді, өкінішке орай олар пайдалы қасиеттерін жоғалтады.  

Консервілеудің ең ыңғайлы әрі тиімді жолы – мұздату. Мұздату кезінде витаминдер мен пайдалы құраушылары аз мөлшерде жоғалады. Бұл тұздау мен қайнатудан әлде қайда жақсы. 

• Өнімдер балғын және тығыз болу керек
• Ең алдымен көкөніс, жеміс-жидектерді тазалап жуу керек, оны істемеген жағдайда мұздату барысында олар жабысып қалады 
• Кейбір өнімдерді мұздатудан бұрын шарпылау қажет. Шарпылау – шикізаттарды қысқа уақытта сумен немесе бумен өңдеу әдісі
• Жидектерді алдымен тақтай бетінде мұздатып, контейнерде сақтау керек. 
• Мұздатылған өнімдерді пакеттерге немесе контейнерлерге салып, қақпағын сықап жабу қажет
• Өнімдерді аз мөлшерде мұздатқан жөн болады
• Мұздатқыштың температурасы –18ºС аспау қажет, осы шартты орындаған жағдайды өнімдеріңіз бір жылға дейін сақталады. 0 ден  –8ºС температурасында үш айдан артық сақтауға болмайды. 

Көкөніс, жеміс-жидектің барлық түрін мұздату мүмкін. Бастысы, жоғарыда көрсетілген ережелерді ұмытпағаныңыз абзал.