Үйге жаттығу велосипедін қалай таңдауға болады?

Жылы күндер аяқталуда, яғни көшеде велосипед тебуді сирек кездестіретін боламыз. Қуанышымызға орай, орын мен жағдайға қарамастан педаль тебуді ұнататындар үшін жаттығу велосипедтері ойлап табылған. Егер сіз осындай құрылғыны іздеп жүрген болсаңыз, онда бұл мақала сізге арналған!

Құрылымдардың түріне байланысты тренажерлар келесі түрлерге бөлінеді:

• Тік – бұл велосипедтің аналогы: сіз орындыққа отырып, орындықтың астында тік орналасқан педальды тебесіз. Артық салмақтан арылғысы келетін немесе тез жақсы қалыпқа келгісі келетіндер үшін өте қолайлы.
• Көлденең: педальдар алға қарай жылжытылған, ал сіздің денеңіз орындықта жартылай жату позициясында орналасады. Қарт адамдарға, жүкті әйелдерге немесе буындарда, жүрек-қантамыр жүйесінде, арқада және т.б. проблемасы бар адамдар үшін ыңғайлы.
• Спин-байкты кәсіби спортшылар пайдаланады, себебі ол жарыс велосипедіне ұқсас, бұл жаттығушыларға төзімділікті арттыруға және бүкіл денеге аэробты жүктеме салуға мүмкіндік береді.

Жүктеме жүйелері:

• магниттік жүйе: дыбыссыз, ырғақты жаттығуларға кепілдік береді, желіге қосылуды талап етпейді, құрылғы батареямен жұмыс істейді.
• электромагниттік жүйеде кіріктірілген бағдарламалар мен басқа да техникалық мүмкіндіктер бар: тамыр соғуын есептеу, жұмсалған калорияларды есептеу және т.б.

Қандай параметрлерге назар аудару керек?

• Салмақ: бұл жаттығу велосипедінде жаттығуды жоспарлаған адамның салмағы неғұрлым көп болса, аппараттың құрылымы соғұрлым күшті болуы керек. Егер бірнеше адам болса, көрсеткіш ретінде ең ауыр салмақты алыңыз. Өнімді сатып алу кезінде, тренажерға жүктемені азайту және тиісінше оның қызмет ету мерзімін ұзарту үшін салмағыңызға 15-20% қосыңыз.
• Жаттығу велосипедінің түрі: Сіздің спорттық мақсатыңызға байланысты құрылым түрін таңдаңыз. Кәсіби спорт – спин-байк, салмақ жоғалту үшін – тік, ал егер сізде буын ауруы немесе, мысалы, гипертонияға бейімділік болса, онда таңдау көлденең түрге түсуі керек.
• Бөлменің көлемі: құрылғыны орнату үшін сіздің үйде жеткілікті орын бар ма? Егер орын шектеулі болса, сізге тренажердің жиналмалы моделін сатып алуға кеңес береміз. Есіңізде болсын, барлық түрлердің ішіндегі ең жинақысы – тік жаттығу велосипеді.
• Кіріктірілген бағдарламалар: «тез арықтау», «кардио жаттығулары» және т.б құрылғысында қандай бағдарламалар мен сенсорлар бар екенін зерттеу де артық болмайды. Бұл сізге жақсы нәтижелерге қол жеткізуге мүмкіндік беретіні сөзсіз.