Аудиториямен онлайн байланысты қалай жақсартуға болады?

Жарнаманы таргеттеудің (бағыттау) және оптимизациялаудың (оңтайландыру) заманауи әдістері тек көбірек клиенттер қамтуға емес, сондай-ақ тікелей конверсияны есептеуге, жарнамаңызда аудиторияны не қызықтыратынын немесе қызықтырмайтынын білуге, сонымен қатар әдістердің тиімділігін тексеруге мүмкіндік береді. 

Онлайн-хабарландырулар мен таргеттік жарнама соңғы маркетингтік нарық зерттеулеріне сүйенетін болсақ ең тиімді жылжыту әдістері болып табылды. Статистикаға сай клиентпен физикалық таныстықтың оннан бірі сатылымға әкеледі. Интернет статистикасы дәл сондай, алайда, , үй жұмыстарын жалғастырып немесе диванда отырып-ақ клиентпен “таныстықты” жылдам әрі тиімді өткізе аласыз. 

Маркетингтік стратегия құрыңыз 

Нарықтағы жайғасым өнімді жылжыту, клиенттік қызмет сапасын жақсарту және сатылымды ұлғайту үшін қажет. 

Маркетингтік стратегия құрудан бастаңыз болады, компанияның құндылығы неде, онлайнға шығу арқылы қандай мақсаттарға қол жеткізгіңіз келеді, мақсатқа жету жолдары қандай (стратегия мен құралдар), қандай ресурстар қажет. 

Компания көңіл күйін, мақсатты аудиториясын, қандай сайттарда жарияланасыз, БАҚ және инфлюенсерлерден кіммен жұмыс істейтініңізді алдын ала ойластырыңыз. 

Сондай-ақ шығындарды оңтайландыру мақсатымен бар ресурстарыңызды бағалаңыз, өзіңіздің және кәсіпқой мамандар мен креативті агенттіктер міндеттерін бөліңіз. Ұзақ жылдар бойы арқа сүйер стратегия мен жайғасым тәсілдерін агенттік дайындап бере алады. 

Мақсатты аудиторияңызды анықтаңыз 

Мақсатты аудиторияға байланысты стратегия мен онлайн жылжыту тәсілдері өзгеріп отырады. 

Сауда жасап бастаған сәтте тауарыңыз кімді қызықтыратыны туралы түсінігіңіз болды. 

Нарықты және маркетингтік ресурстарды зерттеп кішігірім ізденіс жасаңыз (таныстар мен достар арасында саулнама өткізуге болады). 

Аудиторияңызды жасы, ауқаты, тұрғылықты жерін анықтаңыз. Аудиторияңызды не қызықтырады (қандай кітаптар, музыка және фильмдерді ұнатады), бос уақытында немен шұғылданады (туризм, альпинизм, отбасылық демалыс)? 

Әлеуеметтік желілерде аккаунт ашыңыз 

Интернет пен әлеуметтік желілер мүмкіндігін барынша қолдану үшін жеке парақшаңызды ашқаныңыз жөн. Бизнесіңізді OLX және әлеуметтік желідегі жеке аккаунт (Life-blogger немесе инфлюенсер бола аласыз) көмегімен дамытуға кеңес береміз. 90% кіші және орта бизнес иелері әлеуметтік желілердегі парақша онлайн жылжытудағы басты құралдардың бірі деп санайды. 

OLX-та бизнесіңіз өрлеуіне хабарландыруларыңыздың рәсімделуі көп септігін тигізеді. Қанық түсті суреттер, әдемі әрі көзге жағымды дизайн  (бір түстік гаммада болғаны дұрыс) пайдалануыңызға кеңес береміз. Тауар немесе қызмет туралы мүмкіндігінше егжей тегжейлі ақпарат беріп, пайдаланушыларды клиенттер қатарына қосыңыз. Хабарландыруларыңызды жарнамалауды да ұмытпаңыз, сатылым өсуіне және қызметіңізге сұранысты ұлғайтуға септігін тигізеді. 

БАҚ және басқа құралдарды пайдаланыңыз

Онлайн жылжыту кейде сыртқы ресурстар қатысын қажет етеді, мысалы, блогерлер мен инфлюенсерлер, басқа дүкендермен серіктестік, танымал каналдар мен блогтарда ақылы жарнама жариялау. Сондай-ақ аудитория БАҚ-тағы бизнесмендер сұхбатын оқығанды ұнатады, сол себепті танымал порталдарда PR-материал жариялау жөнінде ойланып көріңіз. 

Сонымен қатар, аудиторияңызды ынталандырып отырыңыз, мысалы, клиент сіздің тауар немесе қызметті пайдалануға кеңес берсе, екі жақты жеңілдік жасаңыз. Конкурстар, give-away және ұтыстар өткізіңіз. 

Аудиториямен нәтижелі онлайн байланыс орнатудың негіздері ғана осы мақалада аталып өтті, алайда клиенттерді тарту және байланыс орнату тәсілдері әлдеқайда көп. Әлеуметтік желілер мен интернеттің сатылымға ықпалы күннен күнге өсуде. Өзіңізге керегін тауып, клиенттік қызмет пен сатылымды ұлғайта аласыз. 

Дереккөз: 

https://www.google.com/url?q=https://ducttapemarketing.com/small-businesses-social-media-marketing/&sa=D&ust=1585420830728000&usg=AFQjCNE09WRNImrpx1h3qLK7ukLGUDJqFg

https://www.researchgate.net/publication/267252690_Analysis_of_social_networking_sites_A_study_on_effective_communication_strategy_in_developing_brand_communication