Қалай карантин кезінде бизнес жүргізу? Офлайннан онлайнға ауысу

Карантин көп компаниялар үшін кедергі болмады. Көптеген компаниялар төтенше жағдайға қарамастан жұмыстарын жалғастырып, онлайн режимге ауысуда. Әлеуетті клиенттердің барлығы дерлік енді онлайн. .

Карантин салдарынан қызмет көрсету саласы көп шығын көрді. Мысалы, ҰКП Атамекен деректеріне сәйкес 43%  қонақ үй, мейрамхана және кафе сияқты кәсіпорындарының табысы екі есе төмендеген. Алайда 90% кәсіпорындарының шығыны коронавирусқа қарсы сақтық шараларына байланысты өсті. Кинотеатрлар тіпті бір жылға толықтай жабылып қалды.

Карантин кезіндегіі оқшаулау және қорқыныш сезімі психотерапевттердің қызметіне деген сұранысты күрт арттырды. Ресейде жүргізілген зерттеуге сәйкес, пандемия басталғаннан бері психологтардың қызметіне сұраныс 89% – ға өсті. Сондай-ақ  адамдар өзін-өзі дамыту, кәсіпті өзгерту немесе біліктілікті арттыру үшін онлайн курстар ала бастады. Осылайша, ковид пандемияның бірінші жылында getcourse платформасында онлайн-курстардың сатылымы 20% – ға өсті. Сондай-ақ мейрамханалардың жабылуы және ұзақ оқшаулану азық-түлік жеткізу қызметтеріне сұраныстың күрт өсуіне әкелді. Карантиннің алғашқы үш айында азық-түлік жеткізудің ең ірі сервисінің мәліметтері бойынша агрегатордағы тапсырыстар саны 93% – ға өсті.

Фитнес-клубтар.

Енді не болады? Онлайн жаттығулар ұйымдастыруға болады. Тегін марафондар негізінде лид магнит (lead magnet) іске қосамыз, және соның базасында ақылы курстарды сата аласыз. Осылайша клиенттер базасын басқа аймақтарда да кеңейтуге болады. Жаңа лид-терді (lead) тартудың бірнеше мысалы бар. “7 күнде пресс (іштығырымшық). Бастауыш деңгейге арналған бір апталық тегін марафон”, “4 аптада шпагатқа отырғызамыз” және сондай сияқты.

Білім беру

Егер білім беру курстарыңыз болса, сіз үшін екі керемет жұмыс үлгісі бар.

• Тегін байқау сабағы арақылы клиенттерді тарта аласыз.

•  Тегін вебинарлар топтамасын өткізіп, толық курсты оның негізінде сату. Трафикті әлеуметтік желелерде таргет жарнамасы арқылы тартуға, блогерлер арқылы жарнама  немесе olx.kz  алаңында қызметтер бөлімінде орналастыруға  кеңес береміз.

Көпшілік тамақтану орны

Кафе немесе ресторан иесісіз бе? Әлде фастфуд сатасыз ба? Сіз үшін де шешім бар. Клиенттер үшін тиімді әрі бірегей комбо әзірлеуге кеңес береміз. Жеткізуді еңгізуді ұмытпаңыз, сіз дайынсыз!

Клининг компаниялары.

Офистердің көбісі жабылып қалды, сіздің қызмет керек болмай қалды ма? Мұңайудың қажеті жоқ. Қазіргі күні, санитарлық қызметтер және үй-жайларды зарарсыздандыру жоғары сұраныста. Осы қызметтерді көрсету үшін дайындықты қазірден бастаңыз, сайт жасаңыз, контекст жарнамасын іске қосыңыз, және біздің алаңда хабарландыру жариялауды ұмытпаңыз. Сұраныс пайда болса, ең алдымен интернеттен іздейтінімізді ұмытпаңыз.

Киім, косметика, тұрмыстық химия және кеңсе тауарлары дүкені.

Көпшілік тамақтану орындары сияқты, жеткізу мен тиімді акциялап енгізіңіз, сол кезде тапсырыс күнде түсіп тұрады.

Онлайнға ауысу қосымша инвестицияларды, маркетинг шығыны және  қызметкерлер құрамын қайта қарауды қажет етеді. Онлайн бизнес маркетингке көп шығынды талап етеді, себебіі интернеттегі бәсекелестік әлдеқайда көп. Әлеуметтік желілерде мақсатты жарнамаларды бастау үшін 100-200 доллар тұратын шағын бюджеттен бастауға кеңес береміз. Алғашқы клиенттеріңізден кейін  клиентті тарту құнын есептей аласыз, бұл бір жылдық шығынды жоспарлауға мүмкіндік береді.

Сондай-ақ  онлайнға ауысу үшін SMM менеджер, маркетолог сияқты мамандарды жалдау қажет, онлайн тапсырыстарды жеткізу үшін курьер қажет болады. Егер алғашқы екі қызметкерді аутсорсқа жалдау мүмкін болса, курьер толық жұмыс күнге шығу қажет. Курьердің нарықтағы жалақысы 200 000 теңгеден, ал көлігі болған жағдайда 300 000 теңгеден басталады. Сонымен қатар жанармай шығындарын да  ескеру қажет.

Қазіргі жағдай бүкіл әлемде адамдардың үйреншікті өмір салтын өзгертіп жіберді. Онлайн жұмыс мүмкіндіктерді азайтпайды, керісінше, қоғамдағы басқа топтармен шексіз байланыс орнатуға мүмкіндік тудырады. Енді сіздің бизнес белгілі аймақпен шектелмей, бір ел ішінде немесе одан да кең мағынада қызмет көрсетуге дайын.

Бастауларыңыз жемісті болсын!