Үйден шықпай-ақ бизнес қалай ашуға болады?

Уақыт дербестігі, тәуелсіздік және жетілу үшін мүмкіндіктер сияқты үйден бизнес жасаудың артықшылықтары бар. Үйде отырып бизнес бастаудың идеяларын сізге дайындап қойдық. 

Интернеттегі табыс

Бірінші ойға келетіні әлеуметтік желіде спамдатып комментарий жазатын аналар. Алайда интернетте ақша табу туралы пайда болған таптаурындарды бұзатын уақыт келді. Қандай мүмкіндіктер бар? 

1. Әлеуметтік желілер менеджері мамандығын игеруге болады. Маркентингке мұқтаж кәсіп орындар үшін әлеуметтік желідегі парақшасын жүргізсеңіз болады. 
2. Жеке интернет дүкенін ашып, OLX-та бизнес парақшасын ашыңыз. Ең алдымен тауар  (әдетте жеткізушілер Қытайдан) тауып, жүйеленген жеткізу қызметін ұйымдастырған жөн. Тауарыңызға қарай алғашқы капиталды есептейсіз. 
3. Блогерлік бастап, жарнамадан табыс табуға болады. Қызықты сәттерді, пайдалы ақпаратты адамдармен бөліскенді ұнататын болсаңыз, әлеуметтік желі парақшаңызды рәсімдеп,  YouTube каналын ашыңыз. 
4. Физика, математика, химия жақсы білесіз ба? Полиглотсыз ба, шет тілдерін үйрете аласыз ба? Онлайн-репетиторлық бастаңыз. Қазіргі таңда онлайн-білім беру өз танымалдығының шегінде. 

Аутсорсинг

Компаниялар үшін қызметкерлерді белгілі қызметке жалдап, олар үшін салық төлеу тиімсіз. Сондықтан кіші және орта бизнес кәсіп орындары мен мамандар арасында аутсорсинг аса танымал. Аутсорсинг сіздің мамандығыңызға байланысты бухгалтерлік, заңгерлік, операторлық (колл-центр), маркетингтік болып бөлінеді. 

Клиент үйінде көрсетуге болатын қызметтер

1. Бала күтуші, үй шаруасындағы қызметші. Ешқандай лицензиялар алудың қажеті жоқ. Бір сағатқа 2500 теңгеден бастап таба аласыз. Заманға сай ата-аналардың көбісі жұмысқа уақыт көбірек бөліп, бала күту және үй шаруасын бала күтуші мен ұй қызметшісіне қалдырғанды жөн көреді; 
2. Аниматорлар. Балалар мейрамы аниматорларсыз өтпейді. Ойын-сауық бағдарламасы мен костюмдерден басқа ештеңе қажет болмайды. Жұмысты жақсы өтеп шықсаңыз, сіздің қызметтерді басқаларға да ұсынатын болады. 

Өз үйіңізде көрсетуге болатын қызметтер

1. Үй пісірмесі. Тапсырыс алып, бауырсақ, самса немесе тәтті тоқаштар пісіре аласыз. Қазіргі таңда аса сұранысқа ие. Пісірмеңізді әлеуметтік желілерде жарнамаласаңыз болғаны;
2. Сұлулық саласындағы қызметтер: маникюр, педикюр, макияж, кірпіктер, қастар немесе шаш сәндеу. Клиенттерді үйіңізде қабылдасаңыз болады. Жақсы портфолиоңыз болса, клиенттер табу қиындық тудырмайды. Жаңадан бастаған маман болсаңыз, символдық бағамен моделдерді қабылдасаңыз болады. 
3. Минитипография. Көшірме, басып шығару, түрлі-түсті басып шығару. Бастамасына принтер, кескіш, мұқаба жасайтын білдек сияқты техника қажет болады. 
4. Қайнатпа мен тұздама. Қазіргі күні көбісінің қыс мезгіліне дайындалатын уақыты жоқ. Сондықтан, сіз қайнатпа мен тұздама тек өзіңізге емес, сату үшін дайындасаңыз болады. Жарнамаңыздың біздің Азық-түлік және сусындар айдарында орналастырсаңыз болады. 

Бастамаларыңызға сәттілік тілейміз!